مبتعث جديد New Member
الولايات المتحدة الأمريكية
غربة جسد , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى علوم سياسية
, بجامعة جامعة النخل !
- جامعة النخل !
- علوم سياسية
- ذكر
- العليا مثلا, مقاطعة حي الصحافة يعني
- السعودية
- Oct 2010
المزيدl October 31st, 2010, 05:18 AM
October 31st, 2010, 05:18 AM
اخوكم : عبدالرحمن ، من الرياض ، ولد حمولة ( جاي يخطب ) هههه
الحالة : خريج جامعي ، عاطل ، تخصصه علوم سياسية ، يعني لو يدور وظيفة مافيه (الا باستثناء وحده ) وهي اتصال من وزير الخارجية الامير سعود الفيصل ويقول لي فيها " تعال جنبي توظف " بالعربي ماحد يبيني .
الوضع : عاطل يعني وش بيصير مشغول ؟ اكيد فاضي وذابحه الهم وبالتالي يفكر في مستقبله المعيشي والوظيفي والاجتماعي ، وكل هذه الامور تحدث في حالة انفرادي بنفسي او اختلاطي مع الناس وحتى في وسط " استراحة تظم 16 موظف يلعبون بلوت اربعه منهم كانوا مبتعثين حصلوا على الشهادات العليا ورجعوا " .
.. ومابي اطول عليكم واشرح لكم وش اشرب وكيف اشيش وماهو نوع سيارتي وكيف شكلي
الزبدة هي :
انا على وشك الابتعاث ان شاء الله ( الله يكتب لي ولكم الخير في كل خطوة ) وحالياً وبعد مشاورات ومباحثات مع الشباب والمبتعثين سابقاً ( نصحــوني اروح كاليفورنيا بالذات Irvine ) ليه قالوا لي كذا ؟ يقولون لانها قريبة من " سان دييغو ، وقريبه من لوس انجلوس " لو بغيت ويكند وكذا ..! ومدينة هادئة وتعتبر جامعية وفيها شياب واجد << عاد هالمعلومة ابي اعرف وش مصدرهم ولا وش الميزه ان طلعت مدينتي الي بروح لها كلها شياب مدري ههههه يمكنهم يبوني اموت خصوصاً ان اشين سواقة هي سواقة الشياب .. وغالبية البنات ! كلهم يتكلمون عن " ازمات السكن " الي يقول لحالك والي يقول شقة مو مفروشة ..!
والي يقول موتيل .. والي يقول العوائل كلها فلبينية << وش دعوه رايح سكن التخصصي انا ؟!!
والي يقول المواصلات .. وهذا عيب ارفاين .. والله الله بالسياكل ههه !!
يمكن تقولون زين وش تبي ؟
الي ابيه طال عمركم ..
مدينة كويسة جوها حلو وموقعها حلو " وهذا متوفر بارفاين " على حد علمي ؟
والسكن يكون مع عائلة امريكية .. ربة المنزل حسناء ( امزح ) بس المهم امريكية
موقع السكن يكون بالقرب او بجانب الجامعة .. علماً باني ماراسلت الجامعة
لان معدلي مقبول .. ومادري عن وضع الجامعة في ارفاين " جامعة كاليفورنيا " !!
وابي اذا وصلت المطار مثلاً .. اتّجه دايركتلي الى مقر العائلة .. واتدبر اموري !
صحيح بروح على حسابي الخاص .. لكن تكون اموري جاهزة ..
يعني من وين اراسل العائلة اللحين بعد ماجيب قبول المعهد والجامعه ؟!
صحيح من الواضح على شكلي اني " قليل دبرة " لكني اعجبكم وقت الزنقات ههه
وانا مابي انزنق يعني عمري ان شاء الله ماعجبت احد ههه .. بس علموني كيف
كيف احصل ... سكن عائلة وانا بالريــاض ؟
وبرضو هل ارفاين حلوه ؟ .. وهل توجد مدن افضل ؟
يعني عرفتوا ان خياراتي متواضعه جداً ..
(( مدينة حلوة ))
جو حلو .. جامعة حلوه
" وتقبل الي معدله مقبول من جامعة سعود الله لايقبلها "
عائلة امريكية ... قريبة من الجامعة ..
والمهم ان العرب ..
مايكونون " كثييييير " يعني يكونون كثير شوي معليش ههه
المهم مو تووو متش ...
وبانتظار الردود .. صدقوني بكون مسنتر هنا ..
لحد ماروح لامريكا واسحب على المستجدين ههههه
لا ان شاء الله بخبراتكم وتجاربنا نفيد بعض اكثر واكثر
شكراً
وبرضو ياخواني : انا اخترت ارفاين ليه ؟ مو لموقعها بس .. سمعت انها مو رخيصه وانا ابعد عن الرخيص .. لكثرة الاشخاص هناك ونوعياتهم .. صحيح ودي بالغالي .. لكن سعره يمنعه .. بالتالي ابحث عن مدن متوسطة " الغلاء " من حيث انها معقولة السعر ومقبولة المعيشه ... واذا كانت لديكم عدة خيارات ونصائح تفيدني ومن بعدي او معي .. لمدن اخرى تتوفر فيها هذه الشروط ان لم تكن افضل .. ياليت تنصحونا فيها وتحطون اسمائها ... والله الرحمن الرحيم .. يوفقكم ويسهل دروبكم ورددوا دائماً ( ياوالي نعمتي سهلّ لي غربتي ووفقني في خطوتي ) ****
ولاني خذت من وقتكم كثير خذوا مني حكمة ولسان "حالي " يقول
" كُن في دارٍ غريباً ومشغول ، ولاتكن في موطنك مستأنساً فاضي "
مالك الا .................................................. ...........> أرفاين .. ولا تدور غيرها !!!!!!!
abdulazizxx November 6th, 2010, 06:09 PM
7 " ترها غااااااااااااااااااليه ^^
نسمة فجر November 6th, 2010, 11:48 PM
7 " كنت ابي .. " كولونا " بكندا
وحاليا اقرب مالها ..... كولارادوا دينفر
غربة جسد November 7th, 2010, 06:52 AM
7 " أرفاين .... غالية بس حلوة .....و حلاها يستاهل الغلاء.
abdulazizxx November 7th, 2010, 09:40 AM
7 "
October 31st, 2010, 05:18 AM
الحالة : خريج جامعي ، عاطل ، تخصصه علوم سياسية ، يعني لو يدور وظيفة مافيه (الا باستثناء وحده ) وهي اتصال من وزير الخارجية الامير سعود الفيصل ويقول لي فيها " تعال جنبي توظف " بالعربي ماحد يبيني .
يقولون لانها قريبة من " سان دييغو ، وقريبه من لوس انجلوس " لو بغيت ويكند وكذا ..!
ومدينة هادئة وتعتبر جامعية وفيها شياب واجد << عاد هالمعلومة ابي اعرف وش مصدرهم
ولا وش الميزه ان طلعت مدينتي الي بروح لها كلها شياب مدري ههههه يمكنهم يبوني اموت
خصوصاً ان اشين سواقة هي سواقة الشياب .. وغالبية البنات !
http://www.mbt3th.us/vb/forum40/thread153537-18.html
ووصلت لين صفحة 18 .. لقيت اني محتار اكثرررر !
والي يقول موتيل .. والي يقول العوائل كلها فلبينية << وش دعوه رايح سكن التخصصي انا ؟!!
والي يقول المواصلات .. وهذا عيب ارفاين .. والله الله بالسياكل ههه !!
وبرضو ياخواني : انا اخترت ارفاين ليه ؟ مو لموقعها بس .. سمعت انها مو رخيصه وانا ابعد عن الرخيص .. لكثرة الاشخاص هناك ونوعياتهم .. صحيح ودي بالغالي .. لكن سعره يمنعه .. بالتالي ابحث عن مدن متوسطة " الغلاء " من حيث انها معقولة السعر ومقبولة المعيشه ... واذا كانت لديكم عدة خيارات ونصائح تفيدني ومن بعدي او معي .. لمدن اخرى تتوفر فيها هذه الشروط ان لم تكن افضل .. ياليت تنصحونا فيها وتحطون اسمائها ... والله الرحمن الرحيم .. يوفقكم ويسهل دروبكم ورددوا دائماً ( ياوالي نعمتي سهلّ لي غربتي ووفقني في خطوتي )