مساعدة بخصوص معهد Spring أرجو الدخوول لسكان كولورادو

معهد السبرينغ فرعين بكولورادو ويتبع لجامعة كولورادو دنفر,
الفرعين واحد بدنفر والاخر بمنطقة قريبة من دنفر اسمها لتلتون,
العرب والسعوديين خاصة ممتلئين بالمعهد والمعهد مستواه جيد,
والاسعار متوسطة.

وعليكم السلام..

المدينة جميلة وآمنة ومريحة.. والحياة فيها حلوة.. أقاربي هناك وجداً مبسوطين ولله الحمد..

المعهد لا يتبع للجامعة تماماً، لكنه معتمد منها، وإذا درست فيه لآخر مستوى تدخل الجامعة بدون توفل..

المعهد كويس جداً في الناحية العلمية، ويعتبر ثاني أفضل معهد بعد معهد جامعة دنفر، تعاملهم راقي مع الطلاب خصوصاً فرع ليتلتون..

الأسعار متوسطة، لكن ممكن تلقى الغالي والمتوسط والرخيص، المهم تبحث وما تستعجل بالاستئجار أو شراء الأثاث..


وكل معاهد دنفر الكويسة مليانة سعوديين، لكن بإذن الله ما راح تضر كثرتهم، بل هي فرصة حلوة لبداية الدراسة في دنفر مع أهلنا..


بالتوفيق..

اول شي شكرا على ردك .. وثاني شي انا شفت بالموقع في فرعين ..مدري احد يعرف وش الافضل مابينهم

والله بصراحه انا احترت وين ارووح كل مكان في سعوديين وعرب .. قبل كنت في كندا ..ومرره زحمه معاي سعوديين

وش تنصحني يعني اغير المعهد او الولايه او مثلا عدد الاجانب يغلب على العرب وادرس فيه كبدايه

وشكرا جزيلاً

العرب موجودين في أغلب المعاهد إلا القليل من وجهة نظري
ولكن كثرة العرب لا يعيق في تعلم اللغة المسألة اجتهادية من الشخص نفسه.
فرع ليتلتون يمدحوه.
وفيه معهد تابع لجامعة دنفر يعتبر من اقوى المعاهد بولاية كولورادو.
لكن اذا في بالك تكمل الجامعة بعد المعهد يفضل الأطلاع على التخصص وهل هو معترف فيه وشروطهم للقبول....الخ
بالتوفيق

الله يعطيك العافيه اختي ... بس مدري انتي كنتي تدرسين فيها او كيف ؟؟
يعني اشوف عندك معلومات مشاء الله ..والله انا جاي لحالي ..علشان كذا ماودي بالعرب الكثر ..لآن خايف انسى اللغه واعتاد على اللغه العربيه كثير

طيب يعني قصدك فرع ليتلتون افضل .. طيب بعيد مرره يعني هو او كيف ؟؟



ادري ازعجتك معااي مررره بس ودي خلال هاليومين اقدم عليه على شهر 3 انجلش

لآني بصراحه تعبت ودخت بين الولايات ..اللي غاليه ..واللي معهدها مو ممتاز ..وهيييك

حلووو انا تخصصي علوم ماليه ..وسمعت كثير يقولون انه موجود في جامعه كولورادو ومعترف فيه
يعني فرع ليتلتون ... انت دارس فيه ولا انت تدرس فيه حالياً

وهل تبعد المنطقه كثير عن دنفر ؟ وهل يتواجد فيها داون تاون

يااارب احد يعطينا رد عن المعهد او عن المنطقه بشكل عاام ..ِ~

أنا لم أدرس بعد.. لكن أقاربي هناك، وأنا صار لي ٦ شهور تقريباً أقرأ وأبحث عن المدينة والحياة فيها..

ليتلتون ليست بعيدة عن دنفر، تقدر تقول حي في نهاية مدينة دنفر تقريباً.. يعني كأنك في دنفر..


ولا تخاف، مستحيل تنسى اللغة.. لأنه وراك جامعة وعالم أمريكي ١٠٠٪ يثبت اللغة..

تأكد بنفسك إن تخصصك موجود في جامعة كولورادو، وبعدها توكل على الله وقدم اليوم قبل بكرة.. علماً بأن المعهد ياخذ حوالي ٣ أسابيع تقريباً إلى أن يرسل لك الآي توني..



بالتوفيق..

الله يعطيك العااافيه..ويوقفك انشالله




خلاص بس باقي اتأكد من التخصص بالجامعه .. واتوكل على الله

شكراً لك ..