استفسار عن ولاية اوريجون بشكل عام وعن بورتلاند بشكل خاص

السلام عليكم
انا ليا شهر في بورتلاند وانشاالله هدي المعلومات تفيدك

بالنسبة للمعاهد في معاهد كثيرة بس اول شي ابغى اسألك - انت كيف لغتك
اذا كان مستواك ضعيف وحابب تبدا من البداية في معهد اسموELS وهادا نظام الدراسة عندهم كل شهر يعني كل مستوى مدته شهر والدفع ايضا بالشهر عندهم 3 برامج لتعليم اللغة واحسن برنامج هو البرنامج الاكاديمي INTENSIVE ACADEMIC وسعرو 1,645 شهريا ------طبعا المعهد يسوو اختبار تحديد مستوى عشان يقررو اي مستوى يصلحلك.

وفيه معهد ثاني اسمو كولومبيا سكول جدا ممتاز بس ما اعرف تفاصيل الدفع عندهم كيف ؟ بس ارخص من ELS

اما اذا كانت لغتك لاباس فيها وتصرف نفسك زي مايقولوانصحك بمعهد AES بجامعة لويس اند كلارك جدااااا جدااااااااااا ممتاز وقوي لانو المعهد ياخدو من المستويات المتوسطة يعني ما ياخدو مستويات مبتدئة

انا جاني قبول فيها ونظامهم يسوولك اختبار تحديد مستوى طبعا الاختبار مكون من WRITING , READING, LISTINING , ORAL مدة كل واحد 30 دقيقة بس الاختبار مو مرة صعب طبعا هادا اذا انت عندك شوية لغة, بس هادا المعهد شوي اغلى من الاثنين اللي ذكرتهم. بس انا اضمنلك اذا اجتزت اختبارهم انك تتخرج بلبل انجليزي.

بالنسبة للمدينة جميلة جدا وهتدئة وامنة جدا , ومن ناحية المواصلات لاتشيل هم لان المدينة ماخدة المركز الاول في امريكا من ناحية المواصلات لانو عندهم باصات وقطارات توصل لكل مكان في المدينة وبعضها فري وبعضها بفلوس بس سعرها رمزي.

بالنسبة للسكن الاحسن بعد ماتستقر على معهد تدور السكن عشان يكون قريب من معهدك
بس على العموم السكن مرررة سهل للغاية بس بحدود 500$ ما اعتقد موجود لانو السكن يبدا من 700 او 800 على حسب المنطقة

وكل ماكان السكن قريب من الداونتاون يكون اغلى شوي
بس امر السكن مرة سهل لاتشيل هم لانو فيه سعوديين كثير في المدينة وكلهم مايقصرو يساعدو بعض

بالنسبة للجو دحين عندهم بداية صيف وامطارهم تقريبا كل يومين واحيانا كل يوم بس مجرد هتان يعني لازم تسوي احتياطك في كل الاحوال,

اذا قررت تسافر اول شي لازم تنزل على واشنطن تجلس فيها 3 ايام عشان الملحقية , تسويلك ملف عشان اذا تبغى تلتحق بالبعثة , ولاتشيل هم الملحقية تستقبلكم في المطار وتوديكم لفنادق رخيصة تكون جنب الملحقية
بعدجين من واشنطن على بورتلاند بالطيارة تقريبا 7 ساعات
طبعا طيران داخلي واحسن طيران اسمو يونايتد ايرلاينز

يعني من بلدك لواشنطن بالطيران السعودي بعدين على بورتلاند بطيران الداخلي يونايتد .

الاحسن تروح لمكتب سياحي يسويلك الحجوزات
اخوك معتصم