استفسارات عامة ، عن CSU Fullerton ، والمدينة بشكل عام | هام جداً |

بسم الله الرحمن الرحيم

السلام عليكم ورحمة الله وبركاته

كيف حالكم جميعاً ؟ مبتعثين ومبتعثات ؟ الله يصبركم في غربتكم وان شاء الله ترجعون بما تطمحون إليه.

أخواني ، جد جد جد محتاج مساعدتكم ، أحس اني مشوش وحالياً كل شيء قاعد يضيع من بين إيديني ..

على العموم ، أنا متخرج من الثانوية العامة من دولة الإمارات العربية المتحدة.

أبحث عن قبول في جامعة كاليفورنيا ، فلورتن ، أو آرفاين .. وفلورتن بالتحديد لأن فيها أغلب تخصصات الهندسة ، وبالتحديد السوفتوير والكيمكال.

حالياً خلص السمستر هذا ، وعندي مشاكل مع جامعتي باختصار وابغى اطلع منها ، وأسافر للخارج ، وطبعاً على حسابي الخاص.

وهنا المشكلة ، أعرف ان مدينة فلورتن وآرفاين بالذات من المدن الغالية نسبياً. لكن أفضل الدراسة فيها لأن هناك بعض الناس اللي أعرفهم.

+ طبعاً إذا إدعى الامر ممكن أغير وجهتي ، لو واجهت صعوبات يعني .

اللي أبغاه الحين ، مساعده من نوع خاص ، انا دورت وتعبت بين المواقع عن جامعة فلورتن بالتحديد ، ساعة أحصل ان كوست السمستر الواحد 6750$ ، وساعة ألاقيها الأكاديمك يير ( سمسترين ) بنفس القيمة.

فياليت لو أحد يأكد لي هالشي ، كم تحتاج الجامعة بالضبط للسمستر الواحد ؟ وايش مستحقات الجامعه ؟ من كتب ومواد و و و و ؟ ابغى أعرف تكاليفي بالملي ، عشان ما أروح هناك إلى وأنا مستعد تماماً .

تكاليف المعيشه ؟ الماء ، الكهرباء ، المواصلات ، السيارات .. الخ .. كيف ترتيبها بالضبط ؟ كم راح احتاج دخل يومي / شهري .

يعني 1000 دولار شهرياً تكفيني لمصاريف المستحقات + مصاريفي الشخصية ؟ ( بغض النظر عن الجامعة ، والفواتير والسكن والأشياء اللي محسوب حسابها ) .

+ القبول ، سهل أحصل عليه ؟ أحد يعرف مكاتب عالميه تنسق قبول ؟ أو مكاتب بالامارات على الاقل ؟ <-- اعرف اغلبك بالسعودية ههه

اتمنى مساعدتكم ، من قلب .. مستقبلي يتوقف على هذي الخطوة ولازم أخطيها بأي شكل .

وشكراً مقدما للجميع