هل من معلومات عن مدينة Boulder في كولورادو ..؟؟

جامعة 5 stars

المنطقه جميله وهاديه و قريبه من دنفر تقريبا 25 دقيقه بالسياره
الجامعه ممتازه ودراستهم قويه يعني يبيلك شده حيل بالتوفيق

مرحبا عزيزي..

اعرف زميل سعودي ببولدر وقال لي التالي:

انها جامعه ممتازه فالهندسه والبزنس
نظام القبول لازم 550 توفل .. حتى لو كانت دارس عندهم لغه او جبته من الخارج..
لازم 550 .. والسات مفروض ايضاً..
والشعب فيها منفتح وطيب..الحياه فيها وسط يعني مو مثل غلاء نيويورك وواشنطن
علشان تروح دنفر يبيلم 40 دقيقه بالسياره..

وشو بعد ؟؟
هذا الي اتذكره ..

انا رحت Denver
هي حلوه وجميله وفيها عراقيين وسعوديين بالاخص مثل النمل ..
بس بولدر ماحبيتها رحنا لها بالسياره ماجلسنا فيها اكثر من 7 ساعات تغدينا فيها وطلعنا
بالنسبه لي اعتبرها ممله شوي وهاديه..
يعني جوها طلابي بحت

الف شكر لكم اخواني على المعلومات ..

بس حبيت اسأل اختي لينا .. هل هناك مولات يعني هل فيها ترفيه او لا ..؟

و الجو هل هو ممتاز ..؟

و بالنسبة لأختبار السات هل يطلبوا بس الماث و هل الدرجة قوية ..؟

بإنتظاركم

^
^

حبيبي اكيد فيها مولات.. مو معقوله مكان مافيه لو عالاقل مول مستحيل..
بس ترفيه ترفيه .. ماحسيت فيها ترفيه.. ممكن سكي وسكيتنغ عالجبل..
وانا هالاشيا مااستسيغها.. احب اجواء المدن والمطاعم والزحمه اكثر ..

يعني تعتمد عالواحد وشخصيته ترى بعد..

انت يمكن يعجبك المكان .. بس انا 100% بيجيني اكتئاب ومكنسله دراستي وراجعه السعوديه.

الجو؟؟

انت بكلورادو .. يعني اكيد بااارده..

السات.. مادري وماقدر اعطيك اجابه غير دقيقه..
خليني اسأل لك ..

اذا انت out going guy مانصحك فيها ..

الله يعين بس ..

انا ان شاء الله راح ادرس في المعهد التابع لجامعة سانتا باربرا في كاليفورنيا ..

بعد المعهد راح اروح لكولورادو ,, بولدر ,, و الله يستر و ان شاء الله تكون لايقة علي ..

و بالتوفيق ..

و اشكرك على ردك و اسلوبك .. بس حبيت اسأل انتي درستي لغة بس ..؟؟

و وين درستيها ..؟؟

و بالتوفيق ..

تحياتي

نو مادرست لغه .. قدمت عالتوفل بمعهد فالرياض وجبت النتيجه المطلوبه
ودخلت الجامعه بقبول غير مشروط .. عالتخصص على طول ..

من غبائي

لو دخلت سنتين لغه وفوقها سنوات التخصص احسن ..
لاحقين على رجعة السعوديه
:85:

بس في نقطه ..

كيف راح تطلع من اجواء كاليفورنيا المفعمه بالحياه والجمال
وتروح على بولدر ؟؟

لا انت اكيد راح يجيك اكتئاب نفسي

^^^^^^^^^^^^^^^

هذا حال الدنيا ..

انا فكرت ادرس ان شاء الله سنة في بولدر بعدين احول على سانتا باربرا او سان دييجو ..

الله يستر بس ..

و ان شاء الله يكون كل شيء تمام ..

بس حبيت اسأل الحين تعتقدين دراسة لغة 9 اشهر كافية ..

تراني مو مرة بالانجلش ..؟؟

و اشكرك على ردك السريع ..

تحياتي لك ..

^
^

يعتمد .. مو عليك لا لا .. هالشي بسيط
يعتمد عالجامعه الي راح تدخلها .. اذا صعبه يعني يبيلك اساس قوي ..

اذا جامعه عاديه .. بتمشي فيها وانت مغمض ..

اعرف زميل لي جاي من السعوديه والانجليزي اممم يعني وسط ..
درس في معهد غير معترف فيه على حسابه 6 شهور بس ..
يقولي القواعد اعتدل عندي وقمت افهم واقرى واكتب وعندي فاونديشن بس خلاص ..

وبعدها دخل الكميونتي كولج .. والكميونتي كولج معروفه انها كليه وليست جامعه
يعني هو جالس يتقوى بالانجلش وفي نفس الوقت ياخذ مواد للجامعه ومواد تخصص!!

اهنيه الانسان هذا على ذكائه واختصاره للطرق بشكل عجيب..
وباقيله كورسين وراح يحول على جامعه يعني يونيفرستي الي فيها السعوديين متبهدلين بمعهد اللغه وما الى اخر وجالسين بالسنتين.. وطلع هو سابقهم وهو كاسب لغه وكاسب مواد في جيبه!

ويالله سنتين ويخلص ويتخرج..

اللغه تنكسب كل يوم في كل كلاس تاخذه ..
فيزكس.. بري انجينير.. بايو.. جيمس..

يعني حتى بعد المعهد كل يوم راح تكتشف انك ماخلصت وتتعلم وانت ماشي ..

اللغه مالها عمر ..

بس 8 شهور ماكسيمم انا اشوفه لو الواحد شد حيله..

شباب مشوار التخصص طويل ويجيب الهم ويطيح الشعر وبروجكتات ودكاتره ..
لا تضيعون وقت فاللغه .. العمر يمشي

be careful