الأعضاء الإشتراك و التسجيل

الملتقيات
ADs

معهد ef اولمبيا انا قادم ارجوا المساعده من طلاب المعهد

معهد ef اولمبيا انا قادم ارجوا المساعده من طلاب المعهد


NOTICE

تنبيه: هذا الموضوع قديم. تم طرحه قبل 4615 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كاكاشي
    كاكاشي

    مبتعث مستجد Freshman Member

    كاكاشي السعودية

    كاكاشي , ذكر. مبتعث مستجد Freshman Member. من السعودية , مبتعث فى السعودية , تخصصى اعلام علاقات عامه , بجامعة الملك سعود
    • الملك سعود
    • اعلام علاقات عامه
    • ذكر
    • الرياض, الملز
    • السعودية
    • Jun 2010
    المزيدl

    August 11th, 2011, 03:52 AM

    بسم الله الرحمن الرحيم

    دراستي راح تبدا ب 5 سبتمبر وابي زملاء من نفس المعهد يتواصلون معي عندي استفسارات كثيره عن المعيشه والمعهد والمدينه والسكن ابي اريح بالي لاني متوتر وضايق صدري انا رجال لاقد سافرت ولا بعدت عن اهلي يوم لا تبخلون علي الله يجزاكم خير والسلام عليكم
  2. في موضوع بنفس القسم معلومات عن مهد اي اف حوالي 58 صفحه هالمعهد انا معاك بتاريخ 3 \ 10 يعني عقبك بشهر والاي توني بيوصل بكره والحين محتار وش اسوي العالم في هذاك الموضوع مختلفين ناس يقولون زين وناس يقولون شين وفي اخر الموضوع كل الي راحو هناك وكانوا متابعين في الموضوع قبل السفر الين وصلوا المعهد وبعد فتره من دراستهم اكتشفوا ان كلام الناس الي ادخلوا ينصحون في الموضوع بان المعهد ماهو زين وكانوا يجادلونهم طلع كلامهم صحيح والمعهد مستوى تدريسه ضعيف اقووولك فلم هندي هالموضوع امس كنت اقراه من اوله الين اخره 58 صفحه قريتها بتواصل وفي الاخير ضسقوا صدري ومانمت الى وقت متاخر واول ماصحيت دخلت الانترنت وحالتي النفسيه زفت ومادري وش اسوي حتى الدراسه كرهتها وجاي في بالي واتعوذ من الشيطان اروح امسك المسؤل عن المكتب الي نصحني فيه علشان ياخذون نسبه منهم يعني ماهي لله ودي امردغه امردغه الين افرم وجهه وانا صايم واحس بيجيني اجر على هالعمل لانه اناني ومايهمه الا نسبته الي ياخذها من المعهد والحين تايه وحاير ومادري وش اسوي اذا احد الاخوان يرى كلامي ويوجهني باي نصيحه لاني مادري وش اسوي مقابلتي مع السفاره بعد بكره والاي توني حق هالمعهد بكره بيجي

    والمصيبه ان سعرهم غالي نار الله الموقده 7 الاف دولار ل ثلاث شهور يعني كارثه ولقيت معهد اسمه lasc يتكلمون عنه الاخوان في المنتدى ثلاث شهور ب 1500 دولار شوف الفرق بين السما والارض حتى لو المعهد الثاني سيئ فمعهد اي اف سيء ايضا وبقواه عين فما ادري وش الحل ياااااخوان وش اسوي اروح هناك ومادفعلهم شي ولاوصلت غيرت من هناك والا المعهد ماراح يعطيني موافقه ادرس بمعهد ثاني لاني ماعطيتهم دراهم
    والا اسوي المقابله واقولهم غيرت الاي توني لمعهد ثاني واذا جا اعطيتكم والا اكنسل الدراسه كلها واريح مخي
    7 "
  3. والله صدق انه امر يحير وخاتا اغرائات الاسعر يعني فرق الاسعار يمكن الفرق بينها 4000 دولار ويجيك واحد يقولك انه المعهد يعطيك بس 40% عليهم والاقي عليك انت كدراسه يعني هنا وهنا نفس الشي صح ولا انا غلطان ؟
    7 "
  4. هههههههه .. ي عيال انا في معهد EF الومبيا مش سياتل المنطقه حليوه و زوينه بس عيبها كثرة السكان الاسيوين
    و احسن مافي المعهد ان مافيه تكدس طلاب سعودين كثير .. و ترا لي اسبوع مداوم و مراح اعطيك المعلومات الكافيه ..
    بس احب اذكرك بس انهم نشفو ريقي لين حصلت سكن عندهم ف انصحك تكلم المكتب يدبر لك سكن قبل توصل هنا ولا تجي الا قبل دراستك ب يوم او يومين
    مو تتورط مثلي و تجلس اسبوعين فنادق .. و احب اقولك شي مره مره مهم ان كل السعودين يسبون المعهد و يبون يطلعون منه مدري ليش
    لو اني ماشوف فيه شي مره مره مو زين الا ان سمعت المعهد مره زباله و انا مثل ماقلت لكم توني مالي الا اسبوع مداوم هنا
    و تقريبا المعيشه هنا معقوله نوعاً ما ..

    اخوكم .. / حلم
    7 "
  5. انا طالبه في معهد EF سان ديقو ولي الحين تقريبا فيه 6 شهور وراح احكي لك عن تجربتي من ناحيه الدراسه ومن ناحيه السكن في الكامبس..
    اولا : قبل لا اجي هذا المعهد كثير منهم قالوا انه مو كويس ومرا خاااايس ولمن وصلت للمعهد سالت طلاب سعوديين عنه وقالوا لي نفس الكلام اللي قالوا لي هنا يوم نزلت الموضوع . طبعا في البدايه انا كنت جايه على حسابي فيعني لمن الكل قالي انه خااايس مراااااااا ضاق خلقي بس خلاص ماقدر اسوي شي لاني انحطيت بالامر الواقع. طبعا بدت دراستي معاهم وكانت بالنسبه لي مرا كووويسه واعجبتني طريقتهم بالتدريس مو مله ابدا نجي للكلاسات طبعا يصير عندك في اليوم ثلاث كلاسات ويوم يصير دوامك من الساعه 8 الصباح لحد 1 الا ربع الظهر او يكون من الساعه 1 الظهر لحد 5 وربع العصر وهكذا .. وضع الكلاس من الداخل الكلاسات في المستويات اللي فوق نسبه الطلاب السعوديين تكون فيها من 1 الى 3 والمستويات اللي تكون تحت شوي يكون فيها نسبه السعوديين من 1 الى 6 . طبعا هذا المعهد عدد الاجانب فيه اكثر من عدد السعودييين نسبه السعوديين فيه خلينا نقول مثلا 30%
    بعد شهر من دراستي حولت على كلاس التوفل لان هذا شي مهم بالنسبه لي قعدت فيه شهرين ونص والحمدلله استفدت كثييييييييير كثييييييييير وشفت الفارق بين كلاس التوفل والكلاس العادي الفرق انو الكلاس العادي تتعلم اشياء عامه ماتستفيد منها في الجامعه بس بحياتك اليوميه هذي من وجهه نظري.باختصار لاي شخص يبي يجي يدرس في هذا المعهد اما يجي على طول في المستويات اللي تكون عاليه او في كورس التوفل او الكامبرديج .
    نجي الحين للسعوديين اللي قالوا لي انو المعهد مخيس وكذا .. طلعوا اهم اللي مخيسين مو المعهد مع احترامي الشديد طبعا اهم مايداومون الا بالسنه حسنه هذا اولا وكمان ماعندهم اصحاب اجانب الا بس اثنين مو اكثر وابشركم علموهم عربي يعني مافي امل يتعمل اللغه يجي للكلاس اذا ارسلوا له ورقه انك اذا ماداومت راح نفصلك او نرجعك للسعوديه يجي حضرته ويقعد يذل نفسه عشان يعدلون له حضوره و يشوفون له حل يعني الخلل منهم مو من المعهد. نجي من ناحيه السكن .. انا سكنت في الكامبس 3 شهور بالنسبه لي مرا اعجبني لان تقدر تكسب اللغه بسرعه لان الوضع هناك يكون شيرينق في الغرف فيعني تظطر انك تحكي انجليش على قد ماتقدر وتطور من نفسك كثير كثير وكمان الشي الاحلى انو السكن ولا خمس دقايق عن السكوووول طبعا (مشي) بس الحين طلعت من الامبس وذلك بسبب يعني مرا مزعج بالنسبه لي بس تمنيت اني اقدر اجلس فيه اكثر. وحاليا قاعده عند عائله امريكيه ولا في احسن واحلى منهم مرا مبسوووطه منهم.وووبس>>>فيني نوم نسيت وش ابي اكتب لي عوده معاك
    (العذر و السموحه على القصور)
    7 "
  6. وارجع واقولكم ياااخوان هذا اذا مادخل الموضوع احد من اداره المعهد لاني صدت واحد منهم مسجل هنا ويسوي دعايه للمعهد

    ارجع واقول وجع يوجع العدو 6400 دولار فقط تكاليف دراسه ل 3 شهور عسا ماشر هههههههههه

    ابشركم سجلت بمعهد والحمد لله مع ان ef أخذ مني 800 ريال رسوم تسجيل الا اني حقدت على نفسي لاني طبيت في هالمطب وغيرت لمعهد تجاري في دنفر كلفني 2400 دولار شوفوا الفرق يعني يطلع علي تقريبا مع الكتب والتامين 2800 دولار وسمعته ماشاء الله كل الي فيه يمدحونه الي يبيه يسالني برساله ويبشر بالي يوصله لهم ( ماتحسون اني اسوي دعايه) لا والذي خلق السماء لكن احب افيد اخواني لان الي رايح يدرس على حسابه تفرق معاه تخيلوا 6400 - 2400 = 4000 دولار تخيلو المبلغ الي اوفره بالريال = 15200ريال يعني كارثه هالمبلغ اوفره في سكن لثلاث شهور مع عائله ومع الاكل والشرب بعد هذا الفرق الي خلاني ماختار هالمعهد بغض النظر اذا هو زين او شين لكن الاكيد ان فيه مثل مستواه وافضل
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.