طالبتكم ابي قبول بمعهد تابع لجامعة كولورادو (سبرنق)

عندك حلين يا اختي : 1- جامعة كولورادو دنفر أنشأت معهد جديد للغة خاص فيها يبدأ في جانيوري وينتهي التقديم أتوقع في منتصف أكتوبر القادم (يعني بعد حوالي 17 يوم !) <<بس ترا ماني متأكد من التاريخ بالضبط.

2- معهد سبرينق معتمد من جامعة كولورادو دنفر وتنضمين للجامعة تلقائياً بعد ما تخلصين ستة مستويات فيه بمعدل B وطبعاً يكون عندك قبول مشروط من أول.

على العموم معهد الجامعة الجديد ما اعرف عنه شيئ غير الإيميل اللي جاني منهم وتقدرين تستفسرين عنه من موقع الجامعة فيه كل شيئ عن المعهد . لكن سبرينق بسيط التقديم له وقبولهم سهل ويأخذ تقريباً ثلاث أسابيع.

طب وش رأيك أجيب لك قبول من المعهد وتجيبين لي واسطة في الوزارة خخخخخخخ <<<<<تستهبل أنت

أختي الفاضلة هل المعهد الذي تقصدينه هو Spring International School-Denver

http://www.spring.edu/denver.html

إذا نعم , فهل المستندات التالية جاهزة: ضمان مالي أو شهادة بنكية - صورة جواز السفر ؟ إذا نعم فأبلغيني

لو سمحت اخوي ابي اتاكد منك من معهد سبرينغ الي في لتلتون كنت ناويه اسجل فيه بس قريت كلام كثير ودوخني ناس يقولون انه معهد تجاري وناس يقولون انه تابع لجامعه مثل ماتفضلت وانا اعرف شخص يقولي انه تابع لجامعه بس عشان ادرس في الجامعه لازم اختبر ايلس في المعهد هل هذا الكلام صحيح الله يعافيك رد علي او قولي عن اي معهد كويس وتابع لجامعه في ولاية كولورادو وياليت مايكون فيه اختبارات لغه وشي ثاني اسمه جي ار اي

ميس شوشو و ايضا ندوم واللي يبي يستفيد :
انا خلال شهر بالكثير وابدا اقدم بمعهد السبرينج وراسلتهم واخذت كل المعلومات المفيدة منهم معا العلم انا معيد بجامعه الملك خالد وراح ابتعث على حسابهم يعني اتوقع فيه شوي فرق بين المعيد المبتعث والمبتعث بالمراحل .
المعهد كويس امممم التسجيل سهل طبعا تجاري ولكن يعطي قبول لجامعه كلورادو دنفر بدون ايلتس او توفل , وهذا التأكيد من دكتوره بالمعهد ومن عميد كلية اداراة الاعمال بكلورادو دنفر
الحلو ان فيه جاليه اسلاميه كبيرة وفيه عوائل سعوديه ولكن المشكلة فيه تكدس بالمعاهد .
المطلوب منك اذا تبين قبول طبعا مو انا اللي بسجلكم دكتور بالجامعه هو اللي يسجل واتوقع ببلاش يعني لا مانع من حلاو هديه ولا حاجه على التعب .
اهم شي صورة من الجواز , والضمان المالي ونعبي الابلكيشن اتوقع بــ 50 دولار او حواليها وبس
طبعا المعهد يعطيك ابلكيشن ثاني اذا تبين تسكنين معا عايله ..,
وبرضه المعهد يقدر يعطيك قبول مشروط لجامعه كلورادو دنفر بس ترسلي كل الاوراق المطلوبه وهو يجيبه لك خلال 12 اسبوع ..
وش بعد ياربي اممممممم
ايوه برضه المعهد يعطي قبول لــ 12 جامعه وكلية بكلورادو
واي حاجه ثانيه انا بالخدمة ايميلي alwleed1407عالهووتميل

اخوي ماهو اسم المعهد ؟ وهل هو مقفل من الملحقيه ؟
ويعطيك العافيه

اخوي ماهو اسم المعهد؟ وهل هل مقفل من الملحقيه او لا؟