استفسار تخصص الهندسة المعمارية "architecture" في كالفورنيا !

وعليكم السلام

ماعندي اي فكره بس نفسي اعرف زيك ايش الفرق

لو عرفت قلي

وعليكم السلام ورحمة الله وبركاته

هذا رابط للجامعات الموصى بها في ولاية كاليفونيا تخصص architecture وتقدر تختار ولايات ثانيه من القائمه الي يمين
نظام الجامعا الموصى بها - تنبيهات ولكن تذكر ان تدخل على كل جامعه وتتأكد اذا كان تخصصك الي تبيه موجود
لأن موقعهم فاشل ويجيب لك تخصصات اسمها يشبه اسم تخصصك
وايضا اذا كنت بكلوريوس تأكد ان يكون حرف B بجانب اسم تخصصك ، واذا ماستر حرف M
ترى هذا الكلام اقوله لك لأني ضيعت ساعات طويله على الفاضي لأني ما انتبهت لهذي الاشياء

على حد علمي في كاليفورنيا architecture اعرف هذي الجامعات والباقيه ما ادري عنها
California College of the Arts الموجودة في سان فرانسيسكو
Woodbury University القريبة من لوس انجلوس

خارج كاليفونيا الازرق اسم الولاية
Portland State University OREGON
University of Oregon Oregon
University of Utah Utah
Catholic University of America District of Columbia
Montana State University Montana
University of Tennessee Tennessee
University of Arizona Arizona
وباقي الجامعات ما اعرفها صراحه ، هذا القائمه هي من الجامعات الي افكر اروح لها ، لأني زيك ابي ادرس عمارة وعلى حسابي

وما هو الفرق بين الـ architecture والـ architectural engineering ؟

architecture هي "العمارة" تدرس التصميم المعماري فقط
architectural engineering هي "الهندسة المعمارية" تدرس التصميم والانشاء
Civil engineering هي "الهندسة المدنية" تدرس الانشاء فقط

Architecture العمارة
تخرجك معماري يعني تقدر تقول مصمم معماري ..
وهذا التخصص يهتم في المقام الاول بالتصميم (الديزاين)
فأغلب المواد اللي تدرسها وأهم المواد هي مواد التصميم
وهو تخصص موجود في كثير من الجامعات الامريكيه

Architectural engineering الهندسة المعمارية
تخرجك مهندس معماري ..
وهو التخصص اللي يجمع بين العمارة و الهندسة المدنية قسم التشييد ويعتبر تخصص حديث مقارنة بالعمارة
وهذا التخصص يهتم في انظمة المبنى و تداخلها مع بعض
فتدرس مواد تصميم ومواد تشييد .. بالاضافة للانظمة الاخرى اللي هي التكييف والاضاءة والصوتيات وغيرها
وهو تخصص نادر في الجامعات الامريكية

وبالنسبة للتوظيف ..
غالب الشركات السعودية لا يعرفون الفرق بين الاثنين فممكن يتوظفون الاثنين بنفس الوظيفة وهي وظيفة التصميم
لكن أغلب الشركات الكبيرة بدأت تعرف الفرق بين الاثنين وتوظف الاثنين وظائف مختلفة

هذا الموضوع راح يفيدك اكثر (هو موجه لطلاب جامعة الملك سعود اكثر شي بس بتستفيد منه)
من هو المعماري؟وهل هومهندس؟و...؟!

في النهاية اتمنى اني افدتكم ويعلم الله اني قضيت وقت طويل في جمع المعلومات (اتوقع اكثر من نص ساعة)
وكل الي اتمناه منكم هو ان تدعوا لي بالتوفيق وان تتحقق جميع احلامي ولكم مثلها ان شاء الله