جاني قبول في San Francisco State University

عليكم السلام، الجامعة قبولها سهــل ..
لكن الله يعينك والله يا إن المدينة نــــــــــــــــــــــــــــــــــــــار !!
يعني تخيلي معاي استديو يعني غرفة وحده فيها سريرك وتلفزونك وتلاجتك حقت المطبخ ( مافي مطبخ ) والكفتيرا مدري ايش اسمها جوت غرفتك وصغيرة وحمام وانتي بكرامة أقل شي بـ 1300 دولار ومعفنة !!!
كيف الشقة أم غرفة ؟؟ وكيف الشقة ام غرفتين ؟؟ مايقل عن 1700 دولار ..

إذا يجيك دخل من عند أهلك شهرياً 1000 دولار فوق المكافأة أقولك ايوة روحي لها

انا ساكن في بيركلي مدينه صغيره تبعد عن سان فرانسيسكو نص ساعه بالقطار
صحيح مدينتي غالية بس مو زي سان فرانسيسكو التي تعتبر من اغلى مناطق كاليفورنيا
المدينه مزحومه بس ميزتها انها مدينه حية وفيها كل شي الجو طبعا كويس مافي ثلوج ودرجه الحراره تتراوح من ٨ الى ٣٠
٨ تقريبا عز الشتاء و ٣٠ عز الصيف طبعا درجه مئويه
من ناحيه الجامعه تعتبر من الجامعات الجيدة ولكن عدد الطلاب فيها يعتبر عالي نسبيا والسبب بان الجامعه حكومية البعض يعتبره ميزه والاخر يعتبره عيب
انا بالنسبة لي اعتبر المدينة مدينة تمشية مو مدينة دراسه
واشوف كل شي فيها نوعا ما كويس ماعاد الغلاء بالذات السكن

واي أسألة ثانية حاضر

ممكن اخي فهد تفيدنا عن السكن في بيريكلي
بكم واش مميزاته
ومن يبعد عن جامعه اكاديمي اف ارت اذا كنت تعرف
وكيف المعيشه وهل فيه اماكن عربيه بقالات ومساجد ؟
لانه انا كمان جاني قبول في دي الجامعه ومتخوفه شويه من السكن والمعيشه
شاكره لك

ممكن ارف جاكي قبول في ايت قسم لأني رحت الجامعة دي وهيا مرة بعيدة عن سكني بس في قريب منها سكن اسمو باركمرسيد مرة حلو واستتروا مناسبة وشققو نظيفة لو تبغى تعرفي عن معلومات اعطيكي الرابط حق السكن
وكمان أمان

وعلى فرة سان فرانسيسكو مررة غالية

انا مقدمه فاين ارت
ممكن ترسل لي رابط السكن وكمان اذا عندك معلومات عن الجامعه ياليت تفيدني فيها
هل تقع الجامعه في الداون تاون ام لا ؟
وشكرا

الجامعة جداً بعيدة عن الداون تاون تحتاج مترو او باص انا عن نفسي كنت اروح لها بباصين او بي باص ومترو

بس المنطقة هادئة وجميلة وأسعار السكن مناسبة والمترو والباص قريبين جداً من الجامعة والسكن القريب منها
شفت سكن للجامعة بس مرة شكلو مقرف
لذلك أنصحكم بدا السكن جديد نظيف وصحبة اختي أخذه فيه هوم تاون من دورين بي ألفين وشيء مع موقف السيارة
وفي شقق في عماير تابع لهم أسعارها ارخص
وعلى فكرة مارح تحتاجو سيارة لانو الباصات في سان فرانسيسكو والمترو تكفي وتوفي ٦٠دولار شهريا بطاقة الباص

دا هو عنوان السكن
على الانترنت
Apartments in San Francisco: Rent a High Rise Flat Apartment or Garden-style Patio Townhome.

بالتوفيق اي سؤال اتفضلو

والله السكن في بيركلي يعتبر غالي برضو اتوقع شقه ( غرفه +مطبخ+دوره مياه) حدود ١٠٠٠ او١١٠٠
ولكن اغلبيه الطلبه ياخذون شقه كبيره فيها مثلين غرفتين او ٣ ب١٩٠٠ او ١٨٠٠ وتطلع للواحد ب ٦٠٠ او ٦٥٠
جامعه اكاديمي اوف ارت تقريبا نص ساعه بالقطار
المساجد موجوده في بيركلي وبعض المحلات العربيه
لكن البعض يفضلون يروحون مسجد في مدينه اوكلاند المدينه قريبه جدا من بيركلي اتوقع ربع ساعه بالباص
ولكن اذا ودك بالنصيحه حاولي تسكنين بنفس مدينه الجامعه لان التنقل بوسائل النقل وقت الصباح مرهق صراحه خصوصا لا كان من مدينه لمدينه

انا الحين في سان فرانسيسكو المدينة فيها عيوب يعني اولا غالية مرة اغلى من لوس انجلوس مع ان لوس انجلوس احلى ثانيا مليانه اسيويين 40 % من السكان اسيويين و هي عاصمة الشواذ في العالم و مليانه هومليش يعني مشردين
اما مميزاتها فجوها حلو و احيانا يصير برد و المواصلات مرره حلوه ما يحتاج سيارة
هذي وجهة نظري بس انا مالي الا 20 يوم للحين يعني ممكن اكون غلطان