الاسواق ,المقاهي ,السينما,المطاعم واكثر,, في سياتل < تفضلوا

باقي المراقص اخوي مافيه عنها معلومات







هههههههههههههههههههههههههه
امزح امزح

الله يعطيك العافية اخوي ،،،
اللي يروح لكاليفورنيا بيتزا عندهم طبقين روعه واحد بيستو سمثينق بس فيه بيستو وسن درايد توميتو للي يحبون الاطباق الكريميه وعلى ظمانتي ،،، ولمحبين السبايسي فيه كونج سمثينق خخخخخخ بس انه داخل فيه بيناتس يعني اسالوهم عن طبق سبايسي وفيه بيناتس ( فول سوداني ) لذييييييييييييذ بس سبايسي ،،، كل الطبقين باستا مكرونات ،،،
ولا يفوتكم زعفران شي رائع جداً روحوله يوم الاحد والخميس ودوروا في النت كوبونات بتلقون خصم حلوا يعني تطلبون طبقين واحد يكون مجاناً وافضل الاكلات عنده باترد شيكن وشي يشبه لهالطبق بس بلحم ومع رز طبعاً وهو مطعم شرق اوسطي على هندي بجوار نيكسس هوتيل ،،
اي خدمة ثانية او مطعم انا في الخدمة خخخخخخخ

عندكم in-n-out ولا ما عندكم ؟؟؟

ايه نسيت five guys عندكم؟؟

أخت شمرية أمريكا انتي في سياتل ؟؟؟عندي سؤال وكتبت عنه موضوع ولا لقيت تجاوب .يهمني الموضوع كثير

نعم انا في سياتل ،،، آمر اخوي ولو ما عرفت فيه الاخوان والاخوات ،، انا اقول كذا لان مالي الا شهرين ،، سم وش بغيت ،، واعتذاري لصاحب الموضوع اذا يحب بعدين له الحق بحذف الردود بس انا حاولت ادخل على معرف الاخ انا هايم علشان ابحث عن الموضوع وما قدرت ،،، حدد الموضوع اخوي وابشر ،،،

لا عادي شمرية امريكا خذي راحتك

....


تسلمون على المرور .. مانحرم منكم يااارب


.............

اختي شمرية
تحية طيبة ، الكثير نصحوني في سياتل او فلوريدا او كاليفورنيا و اوريغون ،
باللنسبة لي اوريغون ممتازة بس السعوديين كثير ين فيها ولا تصلح لدراسة اللغة ابد ، فشلتها من راسي و باقي سياتل لتشابه جوها من اوريغون وهو اللي مخليني ارتاح لها بس خايف من الغلا فيها و ياليت تشوفين لي افضل معاهد اللغة و اسعار العوايل بالشهر ولا هنتي يالغاليه
ومن وجهة نظرك في اول شهرين كيف تشوفين الامن و المناخ و المعهد و الغلاء فيها ؟ يعني الـ1800 تكفي والا نقتصد شوي ؟



كاليفورنيا و فلوريدا مخليها بعد سياتل وشكرا،،،

بلييييز اختي شمريه جاااوبي عَ استفساري ترا تعبت من البحث و التفكير

راح ارد هنا بعد اذن اخوي صاحب الموضوع مرة ثانية ،، ومرة ثانية ترا مالي في سياتل سوى فترة وجيزه فقد يكون حكمي غير دقيق وبتكلم غالباً من تجربتنا كعائله عندها اطفال
سياتل مدينة جميله طبيعتها واشجارها وخضارها شي ساااحر الحقيقه واهلها طيبين ومبتسمين دائماً كلما شافونا يبتسمون ويقدرون عاداتنا ويحضرون مناسباتنا واعيادنا ويبدون اعجابهم بالحجاب وذلك لسبب بسيط ان ولاية واشنطن مالها ديانه فماراح تتعبون منها غالباً المعقدين والقلق هم من المبشرين والمتدينين ،،، سياتل باستمرار ممطره بس مطرها خفيف جداً ومقبول ويجي بالاسبوع ثلاث ايام تقريباً ونادراً يجي مطر ببرق وعواصف بس عموما جوها بااارد وهذا اللي تاعبنا شوي ،، يعني احنا ساكنين في كوميونتي في منطقه مره حلوه وقدام سومينق بول وحديقه كبيرة وروعه وبلكونة تجنن غرفتين ١٢٥٠ او ١٢٧٠ دولار وللاسف ندفع ميتين زياده عن باقي الكوميونتي علشان بلكونتها تطل على المسبح والحديقه طبعا الفيو روووعه بس مع البرد من يطلع ومع امطر ما ينزلون الاولاد الا نادراً ،،، سياتل غاليه والتاكس اعلى من كاليفورنيا لان نسبة المتعلمين اعلى ودخلهم اعلى ،،، الترفيه في سياتل محدود للاسف ،،،، وخصوصاً لمدينة ممطرة ،،،، نسيت اذكر ان سياتل آمنه والامن بالله بس عموما الواحد يحافظ على الاذكار وعدم الخروج في الليل متاخر وفي الاماكن المشبوهه ،، المناطق اللي يسكنونها لسعوديين جداً اامنه ولله الحمد
يعني على غلائها ما قدمتلي كثير عشان كذا مفكرين ننقل كاليفورنيا او فلوريدا ،،، والله ييسر لنا ولكم الخير