الأجواء في دنفر كولوردوا

الطقـس يكـون بـارد..
يسر الله أمركم

بارد يعني نلبس شتوي بالربيع ؟؟
وبالصيف كيف اللبس يكون ؟؟

ياليت احد يوضح لنا

شهر ٣ لسا بيكون برد
لكن في الصيف عادي لبس عادي
بس برد دنفر يفتك بالعظام على حسب ماسمعت فدفواا حالكم بارك الله فيكم

الصيف يعني حر ؟

شوفي اذا تبين نصيحتي ، لا تجين دنفر ومعك عيال وقت الشتاء

حنا الأن بفصل الخريف .. ودرجة الحراره -20

وبالصيف حر .. يعني اذا جيتك في شهر May بيكون الجو معتدل وشبه حار

واذا تقدرين من الآن تغيرين ولاية كولورادو غيريها .. صراحه انا انغشيت فيها ،

مافيها لا تمشيات ولا شيء ، أفضل مافيها الداون تاون ولا الجبال ،، والجبل ينراح لها مره وخلاص

وأي استفسار او خدمه بدنفر انا حاضر

للأسف مافي مجال لتغيير دنفر حاليا انا افكر أخذ اللغة هناك والماجستير اروح على أوريغون
انا جارية دنفر على بداية شهر ٣ ان شاء الله بس لسا مألقيت سكن قريب من معهدي
الحين سؤال لازم نروح لواشنطن اول عشان الملحقية ولا ماله داعي ؟
ومتى يصرفون الراتب ؟ وهل في احد يأخذنا من المطار للسكن ؟
اعذرني على كثرة الأسئلة بس حايسة جداً ومو عارفة شئ

وانا معك بدنفر كولورادوو وبنفس الشهرر ياليت احد يوووضح لنا كيف السكن هنااك من ناحيه السعر وكل شيء

والله شوففو يالربع انا ساكن بشقة بالداون تاون وفخخمممممممممممممه بـ 1400$ غرفتين وحمامين وانتم بكرامه

واسعار دنفر صراحه متفاوته فيه بعض المولات والاسواق التي شيرت تاخذه بـ 200$ وفيه بعض المحلات تبيع نفس التي شيرت بـ 20$

الصرفيه تعتمد عليك .. والتاكس بدنفر 7%

ومن ناحية الملحقيه مادري والله شوفي ناس اخبر مني

واذا انتي مستأجره فندق فيه سيارات تاخذك من المطار للفندق ببلاش ..

واذا تبين عطيني اسم معهدك .. وانا اقولك السكن القريب منه ،، لان فيه شقق كثيره رخيصه بس ماحد يدري عنها ..

وشكراً

انا بمعهد بريدج
وبنزل على واشنطن كم يوم وبعدها بروح دنفر
اول مابجي افكر اسكن بفندق belcaro كم يوم بس ليا ماتواصلت معهم عابا لـ مأشوف سكن
مًرررررررة شكرًا لمساعدتك