قربت رحلتي لكورفاليس .. ومنتظر فزعتكم

عندك Holiday Inn Express قريب من المعهد

هاذا رقمي 3145560199
أخووك محمد أبو سعيد
اتصل وان شاء الله خيير بإذن الله

أنا بعد قرب موعد سفري لكن للحين ماحجزت أنتظر الفرج من الوزارة يحنوا علي ويرسلوا لي قرار الإبتعاث
وسكني جاهز هناك ..بحثت في موقع creagslist وحصلت شقة بغرفتين وخليت ولد أخوي يحجزها ويدفع وسكنها خلاص
لكن مشكلتي الحين على الحضانات.. ماادري كيف أحصل حضانة لولدي..بحثت لين ماطفشت وتعبت..فلو في أحد يعرف حضانة فيها مكان شاغر يخبرني وأكون ممنونة له

حبيت أسألك مهندس مدني..أنت مبتعث والا على حسابك؟ ورايح على أي خطوط؟
أنا ان شاء الله حاطة في بالي احجز على 9-3-2012
وودي أحجز على الـ KLM لأن اريح لي بس ترانزيت في امستردام بما إني ما معي أحد يساعدني وأنا عندي طفل..لكن ماادري إذا الوزارة يقبلوا يحجزوا لي عليها والا لا

الله يوفق الجميع يارب

عندك الهلتون جمب المعهد مشي اقل من 5 دقايق من ناحية الشقق فعندك بارك وست جمب المعهد و القائمة تطول
Corvallis Apartments for Rent - Corvallis Apartments Reviews and Ratings قائمة باسماء المجمعات السكنية
موفق

ام ابراهم بخصوص الحضانة اتوقع والله اعلم فيه حضانة بالجامعه لاني كذا مرة اطلع من الكلاس اشوف بزارين يلعبون في مكان مسور ومعهم مراقبات ويلعبونهم
على العموم لا يكون هاجس لك لانه في عوائل كثير هنا وان شاء الله تتيسر اذا وصلتي واستقريتي

مشكور اخ اورلاندو..صراحة هو صار هاجس ..لأن شكله في زحمة على الحضانات
راسلت الحضانتين الموجودين في الجامعة..والثنتين فل ومافيهم مكان شاغر وقالوا لي اسجله على الويتنج لست.. وحدة تسجيلها بفلوس وانتظارها لسنة..والثانية قالوا لي مجان بس مافي مجال للسبرينج تيرم
الله يعين..باروح بكير بس علشان ادبر حضانة

انا دراستي تبدا بتاريخ 27 فبراير والى الحين جالس انتظر الفيزا ماني عارف ايش اسوي تتوقعون يمدي لو طلعت خلال اليوم والا بكرى اني اروح ؟
تكفون دعواتكم وربي ما ذقت طعم الراحه من 5 ايام والسبب تاخر الفيزا

تتيسر ان شاء الله ..لا تعقدوها ..ان شاء الله بعدكم !!بس بناخذ نصيبنا من البرد هنا لووول