سأشارككم الحلم ! قصة سنوات ! ومازالت ومازلت على حسابي.

February 21st, 2012, 04:31 PM

السلام عليكم ورحمة الله. طبعا حبيت اشارككم قصة واخذ منها فائدة واحسن مافي الموضوع إنكم ماتعرفوني اممم مو لسبب بس اقدر اطلع امور الي يعرفني مايدري عنها كذا اسهل لي إني اتكلم. على كل حال ما ابيكم تقرون قصتي وطموحاتي والخ وبس او كلمات بسيطة بس ابي شي فعلا ممكن انا مني قادر اشوفه او شي يمكن يغير لي حياتي. مساعدة بإختصار ، توضيح، افكار، اي شي ممكن يساعد.
انا عندي حلم وشغال من سنوات إني ابنيه . وصلت مرة قبل كم سنه إني بأحققه وللاسف حصل طلاق فا كنت (مرافق) فا الحلم اندمر ذاك اليوم. لاني فعلا ماكان عندي امل . وعفت السالفة كلها. بعد فترة صارت لي ضروف وبنفس الوقت اصلا كنت او بنيت شركة من تحت الصفر بمبلغ ٦٠٠الف يعني مو بديت من الصفر، اصلا الصفر كان حلم آصله فا الحفرة عميقة والتحديات كثيرة والعمر ماشي. لما اشوف احد بمستواي الان
بكل بساطة ما اخفيكم اغار. ما احسده بس اقول يالله لازم اصل. لما اشوف إن عمري وصل ٣٠ وانا ماوصلت للحلم وغيري كان سهل جدا بحجة إنه خريج، او ربي وفقه وتيسرت اموره او عنده واسطه او معاه الإمكانيات.
وعلى ماوصلت الإمكانيات صارت لنا ظروف معينة في الفترة هذي بعد ما كنت بمرحلة من الإستقرار رائعة بس ماكانت الحلم. كنت مدير عام في منطقة وشركة كبيرة وشبه حكومية !
صار عندي خيار ، اطلع مع خواتي. ادعمهم ومعاي اخوي الي اشوف إنه بحاجة دعمي واضحي بالي عندي من إستقرار ومن شركة توها قالت بسم الله واشتغلت فا التضحية تخليني احقق حلم خلاني ارمي بكل شي عرض الحائطة واقول اترك كل شي واخط هذي الخطوة .
وفعلا خطيتها واستقلت وترا اشياء طويلة صارت بس باختصر بالي اقدر عليه .
جيت ومن ضيق الوقت وإنشغالي باشياء كثيرة ما امداني حتى اجيب قبول جامعة فا اخترت المكان بعناية . لانه هو الي فعلا اقدر احقق حلمي! وبديت احققه بديت المسه بديت اشوف المكان الي كان لي مجرد حلم
بس في عقبات!
هنا فعلا احس بحجم الموضوع والتضحية الي انا فيها.
المكان مكلف ، والجامعة الي احلم فيها من كل قلبي تراها غير موجودة بالقائمة من الموصى بها وهي الأغلى في امريكا على ما اعتقد وقست لكن مكان فخم وفرصة تخليني اقلبها يمين يسار.
الان خطوتي، خواتي حلمهم بإذن الله بيحققونه وربي يوفقهم في مجال الطب ، فهذي طموحاتهم! وانا سأكون لهم الاخ والمحرم والي واقف معاهم وبنفس الوقت بدت التسائلات.
اولا هل في امل الملحقية تدعمني في جامعة غير موصى بها؟ وانا ما ابي اي وظيفة ولا شي ابي بس يدفعون عني قسطها بالجامعة تكلف ٩٧الف دولار وفي حلول مثلا اتركها وشف غيرها بس جد الحلول متعبة لاسباب كثيرة لما اتحرك خطوة معاي ٤ احركهم بقبولاتهم وحياتهم وسكنهم الخ .
ثانيا انا اصلا معاي بكالوريس في مجال مقارب او في التسويق وابي شي يختلف بس هذا طموحي وهذي هوايتي فهل في امل الملحقية تدعم؟
جد ودي اعرف علشان لو ماتدعم اخ الي اقدر عليه وارجع السعودية ولما اجمع باقي المبلغ ارجع اكمل لين ما الله ييسر لي امري.
تقريبا حبيت اشارككم هالكلام وبإذن الله ربي ييسر على الجميع .

• نشر عبر تويتر
• نشر عبر فيسبوك
• نشر عبر جوجل