LinkBack URL
About LinkBacks
انا بعد ممكن أساعد اي طالبة او طالب محتاجين مساعدة
لوجه الله بس اللي ابيه دعوة
7 " لوجه الله بس اللي ابيه دعوة
معهد بردج
معهد بردج
تنبيه: هذا الموضوع قديم. تم طرحه قبل 4411 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- 7 "
الأثاث
بخصوص الأثاث
عندك خيارين أنك تسـاجر اثاث كامل ب 280 دولار بالشهر وهذا الحل افضل للي ما يدري كم ناوي يقعد ويمكن ناوي يغير
او
إنك تشري أثاث جديد وهو الحل الأسلم للي ناوي يطول من السنتين وحولها
عندك ايكيا ممتاز وعندك اميركان فرنتشر وهو افضل وارخص
تكلفة اثاث كامل ب 2200 دولار تقريبا
اثاث جديد ومره فخم
طبعا كلهم الإيجار والجديد حلوين شاشة ال سي دي كنب فخم وطاولات وتسريحة وسجاد وكمدينة وابجورات وووو.
البنك
فتح حساب مهم جدا وسهل وما ياخذ 20 دقيقة
لكن احرص انه يكون معك شيكات لبنكك القديم علشان تحول فلوسك عليه وإلا راح تتوهق وتدور على احد من ربع اللي بديرتك يحولك وشغلة يومين علشان تجيك الفلوس
طبعا البنك راح يعطونك رقم حساب
والبطاقة راح يرسلونها لعنوانك على شقتك بعد اربعة ايام وتراهم ما راح يفتحون لك حساب إلا لما يكون لك عنوان مستقر مثل الشقة
وتقدر من خلال البطاقة تشري اللي تبي من اي سوق او سوبر ماركت او مطعم او محطة بنزيم ومن غير اي رسوم
طبعا يعطونك شيك ملغي ترسلة للملحقة فيه رقم الحساب والروتينق والتشايس واسمك
البنوك كثيرة ومتنوعة وتقدر تختار اللي تبي وبنك فرست بانك وتشايس بانك هم الأقرب لبردج
بالنسبة لإجراءات الملحقية
ما يحتاج ابدا تروح لواشنطن ابدا
كل شي عن طريق الملحقية
تراهم ما راح يعطونك وجه إلا لما تكمل البوابة إذا كنت مبتعث
وهذي اهم الأوراق
· صورة بطاقة الهوية الوطنية.
· صورة دفتر العائلة للطالبة أو المتزوج
· صورة جواز السفر ( ص1) للطالب / الطالبة
· صورة جواز السفر للمرافقين . ( يجب ان تكون جميعالصورة في ملف واحد مضغوط )
· صورة ختم الدخول للطالب / الطالبة
· صورة ختم الدخول للمرافقين . ( يجب ان تكون جميعالصورة في ملف واحد مضغوط )
· صورة من المؤهلات الدراسية التي سبق الحصولعليها
· صورة بطاقة الحساب البنكي
· خطاب المباشرة في الجامعة أو المعهد
· صورة من قرار الابتعاث
· صورة من القبول الاكاديمي
· صورة التأشيرة او الفيزا للطالب / الطالبة
· صورة التأشيرة أو الفيزا للمرافقين . ( يجب انتكون جميع الصورة في ملف واحد مضغوط)
· صورة التفويض للحصول على معلومات الطالب\الطالبةمن الجامعة
وحاول كل شي ترفقه بملف PDF أو صوره بالجوال وسو تصغير لها وحملها بالبوابة
أول ما تفتح البوابة إبدأ وخلص كل إجرائاتك
أول شي
فتح ملف مرافق إذا كان معك مرافق
طلب ضمان مالي باسم المعهد وفيه اسم المعهد
طلب تامين صحي
طلب ضمان مالي يوضح كم راح تكون فيه مكافئتك وهذا من اجل استئجار الشقة
التواصل بالهاتف مع مشرفك وحفظ رقمه للمبتعث والمرافق
وهم خدومين جدا وإذا احد قصر معك كلم المسؤول اللي فوقه وهو يسنعه لك
يتبع
- 7 "
شراء سيارة
طبعا لا احد يطلع رخصة دولية لأن مالها اي داعي لأن الرخصة السعودية مطلوبة اكثر منها
كل اللي مطلوب منك الفلوس + رخصة + الجواز + العنوان + ختم الدخول I-94 + الفيزا للحاجة
ومجبر بالاخير تطلع رخصة كولورادو
السيارات انواع واشكال وحاول تركز على السيارة الخاصية الدفع الأمامي علشان الثلوج ما ينفع معها دفع خلفي
واربعة سلندر لأن البنزيم غالي والزيت
ما تكون سالفاج يعني مصدومة
وأسهل طريقة للبحث عن سيارة هي النت أكتب معلومات السيارة وابحث عنها بفوقل ماب ويجيب لك اقرب سيارة لمكانك ويكتب لك المسافة اللي بينكم
وانا مستعد لأي مساعده بهذه الخصوص
الأجواء
طبعا انا سمعت كثير قبل اجي لدنفر انا تتمير بجمال الطبيعة والفصول الأريع
أنا أقولكم
هي ماهي مره حلوه
مافيها غابات اللي فيها شوية اشجار
لكن الجبال فيها غابات بس ماهي مرره
طبعا تعتبر دنفر مدينة باردة جدا
وشمسها حارقهههههههههه
يعني باختصار من ناحية الجو ماهي مره حلوه
أغلب الشوارع فيها أشجار
لكن خارج المدينة لا يوجد
طبيعة الناس
الناس في دنفر كانهم عسل لو تلحس فيهم ما تشبع
أنا كنت اكره الأمريكان ولما جيت دنفر غيرت رايي
ناس ودودين ومحترمين واخلاق
الأمان
حصلت دنفر على تقييم المدينة العاشرة من مدن امريكا من ناحية الأمان
وهذا تقييم رائع لمدينة دنفر
ولا احد يشيل هم الأمان في هذي المدينة وكله بحفظ الله ورعايته
أنا ابو دينا وأي خدمة أنا جاهز أنا معي سيارة و تحت الخدمة لأي مبتعث أو مرافق
والأخوات ممكن يراسلوني هنا وأنا تحت الخدمة
أرجو الدعاء لي ولعائلتي بالتفيق والدعاء للإخوه الي ساعدوني من قبل في مثل هذي المواقف
رقم جوالي بالسعودية 0569995798 ارسل رسالة وأنا اضيفك بالواتس اب او التانقو ونتواصل ان شاء الله
رقم جوالي بدنفر 7204270769
- وأيضا الأخت العنود تعرض مساعدتها فاسأل الله أن يبارك فيها و وأن يجعله في موازين حسناتها7 "
- يعطيكم الف الف الف عافيه7 "
بس صدمتني يوم قلت دنفر مب حلوه
اشوفها بالصور طبيعه وأشجار وانهار وبحيرات
يالله مب مشكله اهم شي فيها ملاهي
بس بسالك عن معهد السبرنق هل هو مثل معهد بردج مليان سعوديين ؟
والشي الثاني أثاث الشقه الي فهمته منك اني استأجر أثاث او اشتري جديد ، طيب ماينفع اشتري أثاث مستعمل استعمال نظيف ؟
واذا تعرف سكن مسور وفيه حارس امن في ليتلتون ياليت تدلني عليه
وجزاااااكم الف خير - السلام عليكم7 "
اخوي انا مبتعث ولما جيت لمدينتي ماحصلت فيها سكن و تواصلت مع الجامعه ايضا ماحصلت سكن متوفر واللحين ساكن في فندق , مدينتي اسمها wheeling, wv واللحين ابغى احول منها الي هذا المعهد و كلمتهم و طلعوا يبدو في 2 ابريل
و فيه سمستر آخر يبدا في 2جون فأنا ودي احول للفصل اللي يبدا في 2 ابريل بالنسبة لوضعي لاني ما اقدر استنى لين 2 جون حيكون صعب عليا فهل اذا تقدر تساعدني اكون ممنون لك مع العلم ان موعد بداية دراستي هوا 23ابريل في معهدي
وشكراً انتظر ردك ع احر من الجمر - واذا تقدر تجيبلي قبول في قسم الgeneral لانه يبدا كل اثنين , ادرس فيه لين يجي 2جون واحول الي academic وهذا حل اذا مارضيو ع 2 ابريل7 "
مشكور مسبقاً - 7 "اسمحلي ارد اخ ابو دينايعطيكم الف الف الف عافيه
بس صدمتني يوم قلت دنفر مب حلوه
اشوفها بالصور طبيعه وأشجار وانهار وبحيرات
يالله مب مشكله اهم شي فيها ملاهي
بس بسالك عن معهد السبرنق هل هو مثل معهد بردج مليان سعوديين ؟
والشي الثاني أثاث الشقه الي فهمته منك اني استأجر أثاث او اشتري جديد ، طيب ماينفع اشتري أثاث مستعمل استعمال نظيف ؟
واذا تعرف سكن مسور وفيه حارس امن في ليتلتون ياليت تدلني عليه
وجزاااااكم الف خير
الملاهي تفتح بشهر ٥ عادة
ف بحيرات بكل منطقة بس تقريبا دنفر مؤ مدينة خضراء نظرا لجوها
--------
اثاث مستعمل تقدرين تشترينه من كورت
كل الشقة بتكلفك من ١٣٠٠- الى ١٩٠٠$
حسب النوع
والاثاث استعمال نظيف جداً
رقمهم
600 S. Havana Street
Aurora, CO, 80012, US
Phone: (303) 344-5114
-------------
1885 West 120th Avenue #200, Westminster, CO 80234
(303) 920-9117
--------- - 7 "يعطيكم الف الف الف عافيه
بس صدمتني يوم قلت دنفر مب حلوه
اشوفها بالصور طبيعه وأشجار وانهار وبحيرات
يالله مب مشكله اهم شي فيها ملاهي
بس بسالك عن معهد السبرنق هل هو مثل معهد بردج مليان سعوديين ؟
والشي الثاني أثاث الشقه الي فهمته منك اني استأجر أثاث او اشتري جديد ، طيب ماينفع اشتري أثاث مستعمل استعمال نظيف ؟
واذا تعرف سكن مسور وفيه حارس امن في ليتلتون ياليت تدلني عليه
وجزاااااكم الف خير
لا تنصدمين ولا حاجة بالنسبة لدنفر مليانة بحيرات وفيها انهار صغيرة وفيها الجبال حلوه لكن لا تتصورينها شي خيالي أنا بحثت كثير قبل أجي لدنفر عن خيار ثاني فما لقيت شي على مزاجي
مثلا أذا كانت غابات وانهار وطبيعة فيها عيب انها امطارها كثيرة لحد الملل أو مدينة غالية او حاره او مدينة بدائية او او فمستحيل تحصلين مدينة على مزاجك
لكن دنفر فيها ميزة انا اشوفها الافضل وهي الناس طيبة هنا وتعاملهم حلو
بالنسبة لمعهد سبرنق أنا سمعت من بعض الناس أن نسبة السعوديين فيها 80 بس ما ادري اي واحد فيهم لأنهم معهدين لكن اذكرهم ما يمدحون تدريسهم
الأثاث المستعمل الشبة جديد افضل بيعة وأنا اشوفة افضل من الجديد وأفضل من الإيجار لكن وين تحصلينه ؟
أنا والله ما اعرف سكن في ليتلتون لكن سكن حول بردج أنا أعرف كثير وبأسعار حلوه
المعذرة مس هيفاء
March 30th, 2012, 06:42 AM
أي سؤال حول هذا المعهد إن شاء الله أنا جاهز
او
( دراسة - سكن - تكاليف و حضانه قريبة - الاثاث -البنك - إجرائات مهمة للملحقية - شراء سيارة - الأجواء - طبيعة الناس - الأمان )
الدراسة
الإيجابيات
1- معهد يقدم إختبار الإيلتس وهو أسهل من إختبار التوفل .
2- معهد في حي جميل وهادئ
3- يساعد في احضار القبول لك من الجامعات
4- المعهد من الداخل مرتب وجديد
5- تعاملهم جميل
6- قريب لكثير من الشقق والحضانات
7- عدد الطلاب في كل فصل قليل
السلبيات
1- مليااااااااااااان سعودييين وعدد الأجانب قليل
2- المعلمين يتكلمون كثير عن السعودية و الابتعاث وكأن ما عندهم غير السالفة هذي وكل شوي يقولون خل الملك عبدالله يدفع عنك ومن هالقرق
3- انواع السواليف بالمعهد بالعربي ولا في احد يمنع هذا الشي مع أن المعهد يجبر الطلاب في البداية على التوقيع على استخدام الإنجليزي فقط
4- ما يعطون الطالب وقت في اختبار تحديد المستوى اول ما تدخل بردج يعطون الطالب فقط 50 دقيقة لحل 100 سؤال وهو يحتاج على اقل تقدير ساعة ونصف
والأبلى من هذا أنهم يجبرونك تدخل المرحلة حلى حسب مجموع نقاط الإختبار ( وهذا ظلم كبير )
السكن في دنفر وخاصة حول معهد بردج متنوع والأسعار تختلف
انا انصح في البداية السكن في في فندق مقابل معهد بردج حتى تحصل شقه مناسبة وهذا رابطهم
Hotels in Glendale CO Near University of Denver, Cherry Creek Mall | Hampton Inn & Suites
بالنسبة لشقة من غرفة وصالة وحمام ومطبخ مابين 600 إلى 800 على حسب المساحة والحي والنظافة والقرب من الطريق العام ( كولورادو ) اللي عليه معهد بردج
بالنسبة لشقة من غرفتين وصالة وحمام ومطبخ مابين 700 إلى 950
أغلب الشقق فاضية ومافيها أثاث
اللي يجي فيها ثلاجة و فرن ودفايات ومكيف ومفروشة أو تخشيب
والغسالات تكون في الغالب في الدور الارضي وتدفع دولار او دولار ونص على الغسيل وتدفع ايضأ لتنشيف بالحرارة دولار اخر مافي شي ببلاش هناك
بعض الشقق توفر إتصال نت مجاني والأخر لا يوفر
طبعا انا اتكلم عن الشقق القريبة اللي تحتاج مشي لا يزيد عن 10 دقايق
فاتورة الكهرب مابين ال 40 الى 60 دولار
فاتورة الجوال المفتوح اتصال ورسائل مع نت 100 ميقا بايت 50 دولار من تي موبايل او 70 دولار ويكون 5 قيقا معك نت
أو شريحة تكون على حسب كثرة اتصالك ورسايلك ب 10 دولار لكن استقبال المكالمات محسوب عليك وراح تدفع اكثر من الخمسين اذا كنت تستقبل مكالمات كثيرة
أما الحضانات فكثير منها تتبع لكنيسة ورخيصة لكن ما انصح فيه
وفيه حضانات لا تتبع لكنيسة ولكن اسعارهم شوي غالية ما بين 800 إلى 1200 بالشهر على حسب عمر الطفل كل ما كان صغير كل ما زاد المبلغ ومسؤلين عن الطفل واماكن آمنة لكنة مختلطة مع بزارين كثير
وفيه حضانات غير مرخصة عند مسلمات ورخيصة مرره يمكن 450 باشهر لكن ما عندهم اماكن مخصصة للأطفال وغير مسؤولة عن اي شي يصير للطفل
وفيه حريم يجوون لحد عندك في بيتك ويجلسون عن الطفل لكن اسعارهم بالساعات يعني بين 12 و 15 دولار للساعة في اي وقت وإذا بغيتوهم ينظفون بعد ما عندهم مانع بس تدفعون اكثر
يتبع