مساعدة 6أسئلة عن سياتل .... الف شكر

اهلين اختي
بحاول اجاوبك علي اقدر عليه

1- ما اضن انو فيه رحلة من الرياض الى سياتل دايركت يمكن في ترانزيت الى المانيا
بس الخطوط الاماراتيه عندها رحله دايركت من دبي الى سياتل ... واضن كمان القطريه وكلهم زينين

2-انا اول ما جيت سياتل رحت هوتيل اسمه deca hotel seattle قريب من الكامبس ونظيف وامن ان شاء الله
هذي معلومات عن الهوتيل Hotel Deca - A Noble House Hotel Hotel - Seattle - United States - With 252 guest reviews

بالنسبة لافضل وسيلة مدري والله ما جربت انا رحت دايركت من المطار على الهوتيل بدون حجز مسبق ...

بالنسبة لاغلب السعوديين ساكنين في النورث قيت او الليك سيتي هذول الاغلبيه ... والشقق نوعا ما معقول سعرها
انا ساكنه في منطقة قريبه من الكامبس وطبعا سعرها عالي عن بقية الشقق في النورث قيت والليك سيتي بس انا اخترتها عشان اروح للمعهد مشي وارجع مشي بدل الباصات

4- المبلغ ان شاء الله كافي ومن وجهة نظري لا تشيل كثير كاش معاها افضل وأامن

5- افضل بنك bank of america اغلبية الطلاب فيه ومدري اذا فيه احسن


6- شركة الاتصالات تي موبيل احسن شي وكان للبلاك بيري كل شهر انا ادفغ 65 دولار مع خدمة البي بي


اتمنى اكون افدتك ^_^ واي سؤال انا حاضرة

الله يعطيك الف عااااااااااااااااااااافية ويجزاك خيييييييييييييييييييييييييييييييييييير ياعمري
فعلا لقيت البريطانيه والاماراتية

لو مافي تثقيل عليك هل انتي لوحدك؟ هل في مضايقه او اي خوف هناك؟

كم جلستي في الفندق على مالقيتي شقه؟؟ هل في احد معين يساعدك؟ او هي تمشي وتسأل؟؟

انا خايفه عليهاااااااااااااااااااااااااااااا لانها لوحدها

لا انا مني لوحدي انا مع اخويا .... وقعدت في الفندق حوالي الاسبوعين على بال ما لقينا الشقه واستلمناها
لانو هناك ياخدون وقت ينظفون ويزبطون الشقه للمستأجر الجديد

اول ما جيت الوالد كان معايا وهو اللي ساعدنا كثير ربي يطول بعمره .... وطبعا هنا الناس كمان ما تقصر ان شاء الله

وسياتل عموما تعتبر امان ... بس انا برضوا اخاف على قولة المثل من خاف سلم اول ما يجي الليل ما اطلع كل طلعاتي بالنهار واصلا كمان الحين النهار بدأ يطول

وانا اعرف بنات سكنو الحالهم بدون ما يكون في احد معاهم والحمدالله امورهم تمام

ربي يسهلك ويسهلها امورها ^_^

امم
قبل شهر وصلت هنا لسياتل عن طريق الخطوط الإماراتيه من جده لـ دبي ترآنزيت 10 ساعات ومنها لسياتل وبصراحة كانت حلوه بالنسبه لي ..
وعلى فكرة كل يوم لهم رحله من جده لدبي ومنها لسياتل .. أو من دبي لـ سياتل .. ولا تنسي لما تقص البوردنق يكون مكانها قريب من باب الطيآرة عشان تقدر تتمدد وتكون مرتاحه بالمقعد [ مافي مقعد قدامها ]
وبالنسبه للفندق انا حجزت بفندق الهوليدي إن قريب جداً من برج space needle .. حجزي للفندق كان بـ 70 دولار باليوم وحجزت أربع ايام .. طبعاً عن طريق النت حجزته ( لفيت وقتها عرض ) عن طريق موقع مآعرف كيف طحت فيه
جالس ابحث الآن عن الموقع .. للآسف مني فاكره
وأظن اليوميه للفندق بـ 130 دولار تقريباً .. وممكن يكون سعره غالي بالنسبه للفنادق الثانيه .. وبالتاكسي من المطار للفندق أتذكر دفعت قريب من الـ 50 دولار
وانا لما كنت بالفندق لمدة أربع ايام اخرج واغراضي بالشقه ولا صار لها شي والحمد لله .. طبعاً قلتلهم اول ماوصلت إني ما أحتاج الهوم سيرفس يدخلون غرفتي أبداً .. وقبل هذا إفتكرت مسأله إمتحنوني عليها بالفندق اللي هي بطاقة الماستر كارد أو الفيزا كارد اللي حجزت منها الفندق .. وانا للأسف ماعندي وحجزت ببطاقة اخويه وقتلهم الموضوع وردولي إنهم لازم يكلمونه بالتيلفون عشان يتأكدون منه .. اظن آخذو بيانات البطاقة عن طريق التيلفون كمان { للتأكيد بس .. وهنا كل الفنادق ماتقدر تحجزها وتدخلها إلا ومعك فيزا كآرد أو ماستر كآرد
عالعموم بالنسبه للسكن .. انا افضّل السكن بالنورث قيت .. وانا بنفسي الآن سآكن بالنورث قيت مع اثنين من اصحابي [ بارتمنت ] شقه حلوه فيها غرفتين وحمامين وصاله ومطبخ .. والغسيل موجود بكل طابق .. وقيمتها 1250 .. وجداً مرتاحين الأمان موجود خصوصاً وإنه مقابل البارتمنت [ Police station ] وغير هذا كله والأهم انه عندنا توقفات لخط سير الباصات المتجهه لليوداب والداون تاون والنورث قيت مول وكثير كمان ..
والحين بعد شهر من السكن نفكر نخرج من السكن رغم اننا مرتاحين فيه .. بس المشكله المعهد بالـ ليفل ون كلهم سعوديين واحنا ثلاثه بالشقه ونتكلم عربي فـ مايفيدنا كثير والآن نبحث عن هوم ستي يكون قريب من النورث قيت ونفكر بالتنازل للشقه ..
فـ الخلآصة النورث قيت ممتازة لطلاب اليودآب ..
اما المبلغ فـ بصراحة ما أعرف هل هو كآفي أو لآ .. بس انا أفضّل إنك تخلينها بحسابك مش بيدك كآش .. وأفضل بنك هنا على حسب كلآم الأخوان هو بنك أوف اميركا .. وانا آخذت البطاقة من عندهم
بالنسبه للإتصالات انا عندي تي موبيل وشغال على جوال جالكسي نوت وماشيه معايه تمام رغم انه النت جداً سيء فيها .. لكن شي يمشي الحال .. وإذا بدك يكون النت سريع عالجوال فـ هذي تلاقينها بشركة تي إن تي .. على حسب كلآم احد الأصدقاء المخضرمين هنا
تي ان تي عندها كونتراكت آظن لمدة سنتين وتدفعي تأمين 500 .. ويرجعوها لك بعد سنه كامله .. >> انا ماعجبني الوضع وسحبت عليهم .. لأنه يعطونك حجم النت 50 ميقا بايت بالشهر وهذي انا اشوفه قليل على ما أعتقد
ووو وبس
موفقين إن شاءالله

االله يجزززززززززززززاك خيررررر ويعطيط على قد نيتك واكثرررررررررررررررررررررر

ياربي يسعدكم ويسخركم لاهلكم

ام احمد انا من الناس الي جيت بالخطوط الالمانيه والله ماكانت متعبه كثير بس انه تقعد بمطار فرانكفورت 6 ساعات ... واهم شي سويته مقعدي من السعوديه الين سياتل اخذت المقعد الي جنب باب الطواري عشان " ترتاح السيقان " وتتمدد على كيفك ..
وفي رحله من دبي دايركت لـ سياتل والله يمدحونها وانا اشوفها احلى بحيث مافي توقف ببلد اجنبي .. ..... بس اهم شي لا تشيل كاش بيدها الا شي بسيط لان هنا بسياتل كل التعاملات بالفيزا ....... بالنسبه للفنادق مثل ماقالو لك فندق ديكا بجانب الجامعه .. وفي فنادق بـ الداون تاون .... بالنسبه للاحياء الامنه بعد الله عندك " ليك سيتي وفي نورث قيت وفي بيلفو وهو الاغلى بسياتل .. والاسعار على حسب الغرفه والخدمات بس يعني تقريبا الغرفه من 700 - 900 . والغرفتين من 1000 - 1300 .... وبالنسبه للمواصلات في باصات بالاحياء هذي بشكل مكثف يعني لا تاخذي هم ... واهم شي ماتطلع بفتره الليل " يعني من تغيب الشمس وهي بالبيت .. لان اخطر شي هالوقت الواحد يطلع ......
بالنسبه لليك سيتي والنورث قيت في بقاله عربيه وفي مطاعم عربيه في الكامبوس ...
بالنسبه احسن بنك اوف امريكا .....

بالنسبه افضل شركه اتصالات T-mobile اما الشركه الثانيه يقولك خدمه 4 جي بس تعبانه . يعني حرام
اذا معها جوال سعودي وتبي استقبال مجانا من السعوديه " اهم شي تحط على اختيار شبكه يدوي وتختار شبكه at&t ..... بس استقبال مجانا ولا تدق منه ابد لان مجرد اتصال حتى لو مارد عليها احد ياخذ 6 ريال
بالنسبه لشركه النت في شركه كوم كاست .. على حسب السرعه الي تبيها قيمه الاشتراك

ان شاء الله اختي قدرت اخدمك وماقصرت بلي تحتاجينه .... بس نبي دعواتك لا تحرمينا منها ... واذا في اي استفسار ... اسالي وحنا ان شاء والاخوان نساعدك

موضوع حلو الله يجزاكم خير عالمعلومات وعالتفاعل الراائع

الله يجزااااااااااااااكم خييييييير وهذا العشم فيييييييييييييييييييييييييييييييييييييييييكم

هلا ام احمد سياتل مدينه امنه ولله الحمد وانا اشوف الافضل النورث قيت فيه عواي سعوديع كثيره والفندق ادخلي موقع بوكينق وشوفي الفنادق واي شي انا في خدمتك