استفسار عن معهد spring international في دنفر

يب انا ادرس فيه الحين

فيه منه فرعين وأحد بالداون تاون والثاني بليتلتون

كلهم ممتازين وتدريسهم راااائع


بس ماعتقد تقدرين تسجلين لانه فلللللللللللللل مافيه مقاعد

بس على كل حال راسلي المعهد تراهم مرررررررررره متعاونين وحبوبين

ايش الأفضل اي فرع فيهم؟؟

وهل اذا تخرجت من المعهد أنقبل في جامعة دنفر DU بدون توفل والا لازم توفل؟

كلهم نفس الشي

اذا تخرجتي من المعهد بدرجه ممتازه مره تدخلين الدي يؤ بدون توفل

بس اذا بدرجه وسط او خايسه لازم تختبرين

انا افكر اروح لمعهد spring اللي باللتليتون

ابي اعرف كيف الدراسه فيه وهل ينفع للمبتدئين
يعني البيسك فيه وش يدرسون؟؟؟

كيف السبيكنق جيد ولا ما عندك احد

والرايتنق والريدنق وكل شي

ياليت اللي يعرف يرد لي بسرعه قبل يروح علي التسجيل

المعهد ممتاز بعد البحث المستمر انا خلصت كل اوراقي فيه ب 22 اكتوير بفرع ليتلتون ...,
والمعهد يعطي قبول بدون توفل لبعض الجامعات داخل كلورادو
اغلب الاوقات يوقرون اشخاص امريكان يتحادثون معك ويسولفون لفك عقدة اللسان والتعود
عندهم رحلات ومنها تقدر ايضا تتعلم وتتطور اكثر
اهتمام بالطالب من ناحيه النفسيه
فرع ليتلتون داخل جامعه ارفاهو يعني يوفر لك اختلاط اكثر
تصل عند المعهد نقطه للقطار ونقطه للباص
اتكلم انا عن فرع ليتلتون وبعد بحث طووووووووويل جدا

كثرة السعوديين مو عذر اقل حاجه تحس براحه نفسيه اول ما توصل لدنفر
المدينه والطقس والمعهد والسكن بحثت واخذت معلومات من دارسين هناك
هي كثيرة جدا اللي يبي شيء يراسلني عالخاص
ولا انسى اشكر المسس هيفا ما قصرت ربي يسعدها

وبالتوفيق يارب

معليش اخوي تعقيب بسيط فرع ليتنتون ماهو في جامعة هو داخل كومنتي كولج ومن السمستر الجاي في اكتوبر بينتقلون لمبنى ثاني مقابل الكلية مو في داخلها

اتوقع قصدك الكميونتي كولج هي كله صح ..,

طيب انت اخوي الغاليبالمعهد ولا كيف

وممكن عنوان المعهد الجديد فين بالضبط لاني بجي بأكتوبر اللي هو السمستر الجاي

ايميلي : maalshahrani(@)hotmail.com
انتظرك اخوي الغالي

هلا فيك اخوي
اي انا طالب في المعهد والمعهد الجديد مقابل للكومنتي كولج على نفس الشارع اقل من دقيقتين مشي
واي خدمة انا حاضر