استفسار عن كالفورنيا

هلا أختي اتمنى لك الشفاءالعاجل

بالنسبة للحجاب أشوف أغلب المبتعثات في كاليفورنيا لابسين حجاب وأمورهم تمام
إن شاء الله تساهيل ، بالنسبة للسكن بعض الفنادق أو الشقق متعاملة مع المستشفيات فيكون لكم خصم تواصلي مع المستشفى وأسأليهم عن هذا الشئ
كاليفورنيا غالية خصوصاً بالسكن
يقدر زوجك يستأجر سيارة برخصته السعودية بـ 199 دولار بالأسبوع بدون تامين مع التأمين أضيفي 20 دولار يومياً
بالنسبة للصرف انا مدري كم بتقعدون ووين .. عموماً الايجارات بعقود في الأغلب انها سنوية وفيه 6 شهور
والايجارات ون بدروم يبدأ من 800 إلى 1600 حسب المنطقة والنظافة والمميزات

الله يعطيك العافيه اخوي ماقصرت بس هل تجد ان اللغة عائق بالنسبة لي وهل يحتاج يكون معي شخص ثاني
وهل الناس فيها متعاونين والا كلن بحالة

والله بالنسبة للتعاون اماكن وأماكن

اللغة حاولي يكون معي ديكشنري مترجم + جوال آيفون عشان الخرائط والترجمة
أحياناً بعض المستشفيات تحصلين مترجمين أو ناس يتحدثون العربية

من الآن حاولي تترجمين أهم الكلمات اللي تحسين أنك بتستخدميها وأكتبيها بورقة

مثلاُ : عملية جراحية : Surgery

وهكذا

أبي منك الدعاء لي بالضم للبعثة والتوفيق وشكراً

الله يفرج لك دنيا واخره ويسخر لك ملائكة السماء وجنود الارض ويكفيك شر من به شر
ويسهلك كل امر عسير ويفتح لك ابواب رزقه من حيث لاتدري اللهم امين امين امين
ماقصرت اخوي وعساك على القوة
على فكره المدة اللي راح اجلسها تقريبا شهرين بإذن الله واحتمال اكثر

مشكورة اختي على الدعاء الله يفرج همك ويشفيكم
انا متواجد في لوس انجلوس ولم يسبق لي الذهاب لسان دييقو ولو كنت هناك قابلت زوجك وساعدتكم أكثر لكن ماباليد حيلة
عموماً لو أردا زوجك التواصل معي مستقبلاُ هذا ايميلي meeedooo23@hotmail.com

بالنسبة للسكن شهرين مدري هل المستشفى يوفر لكم سكن يعني غرفة داخل المستشفى أو لا الله اعلم
اذاكان مايوفر 100% في فنادق أو شقق مفروشة يتعامل معها المستشفى ويكون فيها خصم بحدود 30% أسألؤهم عنها
لأنه صعبة تلاقي شقق إيجار فقط شهرين واذا حصلتوا بيكون الايجار غالي
وفيه حل انكم تسكنوا بموتيل واممكن تحصلي بحدود 50 دولار يومياً
إحتياطاً خلي زوجك يجيب شهادة بنكية مبلغ 100 الف ريال سعودي او 30 الف دولار امريكي
يمكن تحتاجونها لاي سبب للدراسة أو السكن

وموفقين

الله يشفيه ويبلغكم مرادكم من الجيه
باذن الله اللغه مابتكون لك عائق لان في سعوديين كثير بسان ديقو وراح تلاقيهم اذا احتجتيهم وباذن الله ماراح يقصرو معك
اومثل ماقالك الاخ جيبي معك ديكشنري اليكتروني وباذن الله راح ينفعك كثير والشعب هنا متفهم وذكي مهما كانت لغتك ركييكه حتوصلو المعلومه
الحجاب باذن الله مابتلاقي شي عشانه اتوكلي على الله
والله ينولك مرادك من الجيه واي شي تحتاجي انا تحت امرك

سان دييغو فيها عرب كثير من اكثر الجنسيات كل مستشفى رحت له حصلت عربي والمستشفى ع ما اظن يقدر يجيب لك مترجم يمكن تكون اللغة عاق بكل مكان بس بسان دييغو العرب كثر التراب والشعب متفهم الاجانب صح لان المدينه فيها طلاب لغة انجليزيه كثير يعني كل شي سهل معاك باذن الله

الله ينولك مرادك ويسهل دربك
مشكور ماقصرت

امين الله يجزاك خير ويسخر لك ويسهل دربك دنيا واخره
ماقصرتي وانا اختك والله يطرح فيكم البركه ويعطيكم العافية
بصراحة شاغلتني مسئلة الحجاب والحمد لله الامور متسهله
دعواتي لك بالتوفيق والسداد