المشاركة الأصلية كتبت بواسطة Anas J
حبيبي أنا عشت ببورتلاند فترة وناوي أرجع لها السنة القادمة بإذن الله علماً بأني في أوريقون الآن لكن مافي زي بورتلاند.. بغيت توضح لي شغلات بالنسبة للدراسة تهمني كثير
الأجازات مثلاً.. كم مدتها ومتى تكون
وضع الغياب.. كم نسبة الحرمان ولو أستأذن فترة ممكن يعذروني لسفر أو خلافه أو معقدين بالموضوع هذا
بالنسبة للدوام من متى لمتى يومياً.. وش يركزون عليه غالباً سبيكينق أو رايتينق وكذا؟
كم عدد الطلاب لالكلاس الواحد وكم نسبة السعوديين؟؟
موقع المعهد أفتكر انه ع مورسون ستريت بالداون تاون.. بس سمعت انهم غيروا موقعه هالسنة هل فعلاً تغير؟؟
أرجو أن يتسع صدرك لأسئلتي الكثيرة وجزاك الله خير الجزاء
تحياتي
اذا بتكلم عن معهد كابلن المعهد مايعترف بأي اجازه مقارنه بالجامعات
الجامعات تعطي اجازات وتتعامل مع الطالب كرجل اما معهد كابلن يعاملونك كطفل وهذا شي سبب لي مشاكل كثير معهم ومع تعاملهم
وضع الغياب زيرو بمعنى مافيه مجال تغيب ولو غبت تتفاجئ جايك انذار لانك غبت يومين بالشهر تنزل نسبة الحضور عندك بشكل غير طبيعي
الاجازات الاستثنائيه يعطونك بس بشرط تكون بترجع للسعوديه اجازه لكن لو تقوله ابي اجازه استثنائيه مع وجودي في بورتلاند بيرفضون
كذا مسكتهم غلط
الدوام فيه قسمين مسائي وصباحي ومو انت اللي تختار لا حسب الليفل اللي انت فيه
مثلا ليفل واحد وثلاثه وليفل خمسه ذولا دوامهم صبح من 8 صباحا لـ 1 مساء
وليفل اثنين واربعه ذولا دوامهم مساء من 1 مساء لين 6 مساء حسب جدولك مع مواد الكتف
نسبة السعوديين فل تدخل المعهد كانك بالرياض لكن لايعني ان الكلاس كله سعوديين
لا يوجد كوريين وكولومبيين وقليل من الاوربيين والاوربيين جدا نادر تحصلهم
لكن مثلا تلقى بالكلاس ثمان سعوديين واربعه مثلا كوريين على سبيل المثال
موقع المعهد غيروه دقيقه اكتب عنوانه
315 Northwest 13th Avenue, Portland, Oregon, United States
تركيزهم كويس بالسبيك والرايتنق برضو لكن السبيك احس انه اكثر
وانا الحقيقه استفدت من السبيك عندهم وتحسنت نوعا ما
وتختلف من شخص لشخص بعضهم يلقط الرايتنق اكثر وهكذا
سطام عبدالله November 19th, 2012, 06:30 AM
7 "
November 18th, 2012, 03:38 AM
انا استفدت الحقيقه من المنتدى وحاب افيد غيري
للي بيسأل عن مدينة بورتلاند ولاية اوريغون
وعن معهد كابلن اللي انا حاليا موجود فيه
تقريبا لي بالمدينه فوق ست شهور واللي يبي يجي هنا وبيسال عن احوال المدينه
واحوال المعهد واحوال الطقس والوضع العام ان شاء الله يلقى جواب كافي
اخوكم سطام