مساعدة سكن مع عائله في NORTHRIDGE

الاخ الكريم
السلام عليكم

ان شاء الله تجد ضالتك في هذا الرابط

ventura rooms & shares classifieds "NORTHRIDGE " - craigslist

والافضل في البداية انك تسكن في فندق قريب حتى تختار السكن المناسب

السعوديين والعرب كثير في هذه المنطقة والمطاعم ايضا كثيرة ولا يفوتك كبسة ومنتو الافغاني

بالتوفيق اخي

يعطيك العافيه على ردك ياخوي

مشكور ع الموقع
لكني ما ادري هل اللي ف الموقع عوائل ولا افراد يبون شريك ف السكن !

وكثير قالوا روح انت ودور بنفسك لكن زي مايقولون ودي بشيء جاهز عشان مااجلس اتخبط

اما الافغاني فإن شاء الله ندور له

والله يكتب اللي فيه الخير

هلا اخوي

في الغالب الموقع اللي عطيتك مجرد تأجير غرفة

والعوائل يفضل حجزهم عن طريق المعهد لأنه يضمن لك بعش الشروط عليهم

وعموما العوائل توفيق وحظ ، أعرف كثير من الشباب تنقل بين الكثير من العوائل

وبعضهم سكن معهم اكثر من سنه

من أكثر مايزعجني لدى العوائل هو وجود الكلاب أكرمك الله ، أو دورة المياة المشتركة أعزك الله

هذا رابط لموقع آخر ربما يوفر سكن مع عوائل ، وتأكد ان تكون العائلة من اصول امريكية

لا تتورط مع عائلة صينية ويصير يومك كله نودلز

Homestay host families in Northridge, United States

انا بعيد عن هذه المنطقة ولكن سأبحث لك عن أحد الاخوة يكون متواجد هناك

ولو تحتاج شيء ، تبشر بالخير

بالتوفيق ياعزيزي

مرحبا بك اخوي
بالنسبه للموقع ذا دورت فيه قبل ولكن للاسف كلها بتواريخ قديمه

لكن انا بحاول ادور خارج االنت عن طريق المكاتب واذا لقيت كان بها
واذا مالقيت ان شاء الله خيره
بروح هناك واشوف الوضع بنفسي على قولك
وكويس نبهتني على نقطة العائله من اصل امريكي لان ماكان عندي خلفيه فيها

والله يبيض وجهك وتبشر بالجنه ان شاء الله

الحمد لله وصلت قبل 3 ايام وجلست ادور على عوائل ف مواقع
ومريت على بيتين بس مشكلة الاول في حي تعبان والثاني بعيد عن الجامعه
ومريت الجامعه ومالقيت الا سعودي واحد شغال هناك عطاني الموقع اللي لقيت فيه العوائل

ف ياليت اي احد موجود حولي يدلني على عوائل تمام يسير اروح واشوفهم

ف بكون شاكر ومقدر له

السلام عليكم ورحمة الله وبركاته

الله يوفقك اخوي ويسر لك امرك

اخوي انشاء الله انا راح اجي على نفس المدينة نهاية فبراير

ممكن تقول لي كيف الجو عندكم الحين
؟؟؟؟

الله يعطيك الف عافيه

عليكم السلام ورحمة الله وبركاته
الله يوفق الجميع
الجو عندنا مثل جو الطايف هالايام اذا تعرفين جو الطايف
درجة الحراره ف الظهر حول 10 وفي الليل تنزل الى 1
قبل ماتجين شيكي على حالة الطقس في لوس انجلوس واشتري ملابس برد ضروري جداً
وموفقه ان شاء الله
..

اما بالنسبة اللي يعرفون احد في هالمدينة ولا اللي عايشين في هالمدينه ومحد رد علي
أتمنى يردون بخصوص موضوع العائله في اسرع وقت ممكن

استغفر الله العظيم

مشكور اخوي على المعلومة زين قلت لي لأنة ناس تقولي ما في برد هناك الجو بيكون معتدل بعدين بصير حار

الله يسر لك امورك وتشوف لك عائلة كويسة ياااااااااارب