استفسارات بسيطه عن سآن دييغو وعن معهد ec

معقوله لا يوجد شخص ف هذا المنتدى عنده آي خلفيه ، عنن الموضوع ،،

جيتك بالخبر اليقين
معهد ec san diego حليو لكن غالي إذا كنت ع حسابك
لاهويا غاليه وأكثر الطلاب اللي في ec ساكنين برا لاهويا ويجون بالباص
تقدر تسكن في لاهويا لكن المشكله أنك أنت لازم تجي وتشوف السكن المناسب لك وتشوف العائله وتتفاهم معهم .

الموضوع بسيط وأنا أعطيك الحل : تعال أمريكا ، وحالك حال الطلاب السعوديين هنا ، لازم أول شهر تتلخبط شوي لأنك منت عارف شي وهذا طبيعي ،
لكن خلال أول شهر تعرف ع المدينه وأسأل الشباب هنا وبعدين قرر .

إذا كنت ع حسابك الخاص فيه معاهد رخيصه وتمشي الحال لين تنضم للبعثه ، يعني معهد ec ياخذ بالشهر 1600 دولار تقريباً " على حسب حصص الألكتف عندك "
والمعاهد الرخصيه تاخذ 350 دولار فقط ، فرق كبير وتوفر على أهلك ، وإذا أنضميت للبعثه بتكون على علم ودرايه بكل شي وتنقل للمعهد اللي تبي .

بالنسبه لسان دييغو من أحلى وأجمل وأرقى مدن أمريكا ، وكبير ، وأنترناشيونال ، وسياحيه ، وأماكن الترفيه فيها كثيره
وأهم شي المساجد فيه موجوده الحمد لله والأمان عالي جداً .

نقطتين مهمه لك ولكل مبتعث جديد /
- معهد ec أكثره سويسريين ويجون بعدهم على طول السعوديين ، عادي تلقى بالكلاس 8 سعوديين وأنت التاسع ، والثلاثه الباقين أجانب ، خصوصاً المستويات الأولى .
- اللغه تعتمد عليك ، إذا بتدرس وتمارس بتمشي ، إذا بتزحف بتزحّف اللغه معك .

أعرف سعوديين هنا لهم أكثر من سنه ولغتهم وسط ، حرام صراحه ، والسبب البزوطه والبنات والشرب ، فأنتبه !


أتمنى أني أفدتك ولا أريد إلا دعوه بظهر الغيب .

جزاك الله خير اخوي كاليفورنياوي ع المجهود

لكن المعهد كلفني 3 شهور بـ قيمةة 16620 ريال سعودي ، آشوف السعر معقول ( او ملعوب على ) :P


وشآكر لكك

انا رح اقدم على هذا المعهد , احتمال يكون موعد وصولي نفس موعد وصولك للمعهد

فيه كذا سكن حصلته قريب من المعهد اسعارها تتراوح بين 1000 الى 1500 اذا حاب نتشارك في شقة وتوفر عليك مبلغ هذا رقمي بالواتساب 0505860284

وهذا موضوعي اتمنى تزوره
http://www.mbt3th.us/vb/forum40/thread423117.html