اختكم تبغى استشارتكم ياخبرائنا وخبيراتنا المبتعثين ممكن ولا لا

لله يعينك اختي

بس ما انصح انوالشخص يستقيل من عمله

لو يقدر ياخذ اجازه افضل

وحلو انك تاخذي التوفل هنا وتسافري

وعليكم السلام ورحمة الله وبركاته

خطوة حلوه انو الواحد يفكر في مستقبلة ويحاول يطور من نفسه بس الاحلى انه مايكون فيه تهور

بحكم انو معدلك مو عالي ف الله اعلم انو قبول الماجيستر راح يتعبك شوي
ولانو بتخاطري وزوجك بيقدم استقالة
نصيحتي لك
لا تطلعي ولا يقدم زوجك استقالتة الا بعد ماتتحصلي على قبول جامعي مشروط لك وله .. غير كذا اشوف انو المعادلة ٦٠٪ خاسره اذا مو اكثر

وهذا الشئ حيسهل عليكي كمان الانضمام للبعثة
اذا معك موافقة الوزاره و قبول جامعي ودرستي ٤ اشهر في اللغة تنضمي للبعثه مباشرة. وهذا اللي حصل مع اخوي

ابحثي عالقبول الجامعي قدمي طلب دراسه عالحساب الخاص في الوزاره لك ولزوجك اطلعي ٤ اشهر على حسابك وقدمي طلب الحاق << هذا اشوف انه الحل السليم

الله يوفقك والجميع ويسهل امورك

* جامعة Eastern Michigan University تقدم قبول مشروط للماجيستير وجدا قويه في مجال ال Education

الانضمام تقريبا اربعه شهور وان اشاء الله تنضمين على حسب النظام الجديد

اخوي جامعي طموح اشكرك على تفاعل وافادتك ونصيحتك

وانا بجد بحاول اخذ التوفل وقاعده اشتغل على نفسي كويس عشان ما اخذ وقت هناك باللغه

المشكلة زوجي صعبة انو ياخذ اكثر من شهر اجازة عشان كذا قال انو مدام قررنا فلازم نتوكل على الله. (ومن توكل على الله فهو حسبه )

وشكراً

اخوي مبتعث مجتهد بجد الله يعطيك العافية على افادتي ويجعلها بميزان حسناتك

انا سمعت انو النظام الجديد لازم الوحده تجيب قبول جامعي بعد كذا يضمونها تقدم على الملحقية هناك بعدين يقبلونها وتكون ماخذة لغة كويس

لأنو زمان الوحده كانت تدرس 3 شهور لغة وعلى طول تقدم ويقبلونها بس اتغير النظام حسب ماسمعت

الله يعطيك العافيه على الجامعة بس فين هيا هذي بأي ولاية .

الجامعة دي فيها معهد معتمد للغه وفيها قسم صيدلة لو كمل زوجي فيها

اسفه على الإطالة وشكراً
عشان نكون بمكان واحد بدال الهجولة

أنا من رآيي تبدين إنتي دراسة ، و زوجك يكون مرافقك فقط
لما يجيكم الإنضمام ، يغير فيزته و يبدآ دراسة
كذا أوفر بالمصاريف ، مبدئياً

اهلين بنت حصة ,, اول شي اشكرك على الاستشاره

سؤالي :
فيه فرق بين فيزة طالب وفيزة مرافق واش الفرق

طيب واذا هوا مرافق حيقدر مثلاً ياخذ لغة ولا برضو حيطلبونو فيزة طالب بصراحة مو فاهمه ,,

وشكراً

إيه فيه فرق بين فيزا طالب و فيزا مرافق
الطالب ملزم بالحضور و إنه يآخذ دوام كامل ، أما المرافق يقدر يدرس دوام جزئي
و برضو يقدر يجلس بدون دراسة و أنا هذا اللي قصدته بـ ردي الأول ، من ناحية توفير المصاريف لما يجي الإنضمام

أول شي الله يوفقك وزوجك ويكتب لكم اللي فيه الخير .

نصيحتي لك أنتي وزوجك تسوون كل إجراءاتكم بشكل رسمي ، كيف؟

خلي زوجك يدخل ع العنقري " له جلسه يوميه الساعه 7 الصباح ماعدى يوم الأثنين "

ويكتب في المعروض حقه كل شي تبونه ، حتى لو كنتم واثقين أنه ماراح يقبل لكن أعلمك وش بيصير بعدين ،

راح يشرح ع المعروض ، وضروري يحط رقم جواله في المعروض ، بنفس اليوم راح تجيه رساله برقم المعامله

خلال أسبوع بالكثير راح يتصل عليكم موظف بالوزاره ويقول لكم وش الخيارات المفتوحه أمامكم ، إذا أتصل عليكم نشفوه بالأسئله تنشيف

كل اللي في خاطركم تستفسرون عنه أكتبوه بورقه وخلوه معكم ، وإذا أتصل عليكم أسألوه ، راح يقولكم وش تسوون بالضبط

أتوقع راح يقول أطلعوا ع حسابكم وبعدين تلتحقون ، أسألوه عن المده وعن التخصصات اللي تبينها أنتي وزوجك ، كل شي كل شي تبونه أسألوه ولا تتحرجون أو تخافون من شي .

إذا عطاكم الرد ، أشتغلوا على القبولات وشغلتها ، أتذكر قبول الجامعه لي قعد شهر ونص ماجاء وبعدها غيّرنا الجامعه وقعد أسبوع وجاء ، طبعاً جامعه معترف فيها وبولايه غير ولايتي

لكن مخليها طقطقه لين أنضم للبعثه وأنقّي الجامعه اللي أبيها وأشتغل ع القبول بنفسي .

أمم وش بعد ، أيه ...

القبول أريح لكم تروحون مكتب وهو يشتغل عليه عشان ماتتعبون منه ، خصوصاً أن بعض المكاتب تتعامل مع جامعات والقبول منها مايطول .

بخصوص اللغه ، أنا أشوف أنها متعبه مره تجيبون توفل من السعوديه ، خلوا شغلكم كله بالسليم وبالطريقه الأضمن ، خذوا لغه من هنا من أمريكا ،

تعلم اللغه هنا أسرع وأحسن ، هنا تتعلمون البراكتس " الممارسه " تتعلمون كيف تنطقون الكلمه ومتى ، الوضع ترا غير عن اللي تتصورونه في السعوديه

وأتوقع كثير من المبتعثين مافهموا تعلم اللغه إلا بعد ماجو أمريكا .

أي خدمه أنا حاضر لأني تعبت من الكتابه والكابوتشينو حقي خلص والدخان خلص بعد

إذا تبون معلومات أكثر أو أي خدمه أقدر عليها خلي زوجك يكلمني وبساعده باللي أقدر عليه وما أبي إلا دعوه بظهر الغيب ، محتاجها كثير والله ...

أهم شي الكلام اللي قلته فوق بخصوص الأجراءات تراه أفضل الموجود ، أسمعوا نصيحتي . بالتوفيق إن شاء الله