الأعضاء الإشتراك و التسجيل

الملتقيات
ADs

تقرير تقرير عن قبولي ودراستي في لوس انجلوس + الفيزا والسكن

تقرير تقرير عن قبولي ودراستي في لوس انجلوس + الفيزا والسكن


NOTICE

تنبيه: هذا الموضوع قديم. تم طرحه قبل 3843 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية flyy
    flyy

    مبتعث جديد New Member

    flyy السعودية

    flyy , ذكر. مبتعث جديد New Member. من السعودية , مبتعث فى السعودية , تخصصى IT , بجامعة CSU
    • CSU
    • IT
    • ذكر
    • جدة, مكة المكرمة
    • السعودية
    • May 2013
    المزيدl

    September 20th, 2013, 08:56 PM

    السلام عليكم
    احب اقولكم موضوعي بإختصار عن طريقة تخطيطي ومحاولة دراستي في امريكا
    بدايتا ما كنت اعرف اجيب قبول وكنت لازم استعين بمكتب .. وكنت رح اختار مكتب ايدكون في إنه يجيبلي قبول في المعاهد وماله دخل في الجامعات
    وانا كنت متحمس اني اجيب القبول عن طريق مكتبهم .. لكن وقتها انا ما كنت مستوعب انه فيه معاهد تجارية وفيه معاهد اكاديمية وانه الأكاديميه تبع الجامعة وافضل لي وارخص من التجارية
    لكن الحمد الله بعد البحث والإستفسارات في الإنترنت وعن طريق الأصحاب توصلت لمكتب في شارع التحليه في جده ورحتله بالفعل على اساس انه يظبطلي قبول مشروط وقبول معهد ... لكن رحت ومع الأسف لقيت انه كلها مدن ريفيه الي يتعامل مع جامعاتها وكذاا .. لكن قالي عندي معاهد تجاريه في كل المدن وما عجبني وضعها ومشيت .. وبصراحه اتحطمت لأني كنت ابغى لوس انجلوس او ساندييقو .. لكن لقيت المدن الي في المكتب انديانا وكنتاكي واشياء زي كذا وما عجبني الوضع .. اخر شي رحت مكتب IGEC .. رحته على اخر يوم قبل ما يقفل لإجازة عيد الفطر .. يعني اواخر رمضان .. تقريبا 28 او 27 رمضان .. ولقيت انه يتعامل مع جامعة California state university los angeles .. وقدمت اوراقي عنده .. مع العلم اني قد لقيت المكتب قبلها ورحتله تقريبا في نص رمضان .. وقالي الأوراق المطلوبة وجبتها له في اخر رمضان .. عطيته الأوراق والبيانات من صورة جواز السفر وشهادة بنكيه وشهادة الثانويه ... الخ ,,, المهم قالي انه بيجيني القبول خلال شهر الى شهر ونص .. يعني اقل شي شهر واكثر شي شهر ونص .. وانا كنت كل فترة وفترة اتواصل معه حتى كنت في العيد في دبي ومن هناك اتواصلت معه مرة وحدة لأني كنت شايل هم .. وهوا كان يقولي ما ردو عليا .. وقبل ما يعدي شهر بكم يوم رحتله المكتب وقلتله ليه ما جا اقبول .. قالي ابشر برسلهم رسالة تذكير .. ورسلهم الرساله قدامي ,, ثاني يوم الظهر دق علي قالي ردو علي وقالولي انهم رسلو الأوراق من زمان عن طريق البريد السعودي .. واعطاني رقم الشحنه واروح للبريد السعودي في البلد واعطيهم رقم الشحنه وقالولي انه جات من اول .. لو انك جيتنا الصباح كان اخذتها بس مع الأسف رسلوها المطار عشان يرجعوها امريكا ثاني .. ورحت اتكلمت مع الإدارة وقالو هذا مو خطأنا وانه ما كان فيه ارقام نتصل عليكم فيها ومن ذا الكلام .. وقالي " عشانك رجال طيب برسلهم ايميل يرجعلونا الشحنة بعد ما توصل امريكا " ورحت للمكتب مرة ثانيه وقلتله الكلام الي سار ورجع رسل للجامعة وقالهم انه البريد هذا نظامه فاشل وارسلوه عن طريق الدي اتش ال .. ورسلوه وخلال 3 ايام وهو عندي .. وجابوه ناقص قبول الجامعة .. وراسلهم مرة ثانيه .. وخلال الفترة هذي قدمت على التأشيرة عن طريق الـ i-20 الي رسلوه والي هوا قبول اللغه .. ولقيت اقرب موعد للسفاره في الرياض ,, وطلعت الرياض ورحت قبل الموعد بساعة ونص تقريبا .. وصلت حي السفارات وبالقوة وصلت للسفارة الأمريكيه لأنه مكانها كان صععب .. ودخلت السفاره على الموعد .. وسويت المقابلة .. وسألني .. ما نوع التأشيرة التي تريدها سياحه ام دراسه .. وجاوبته دراسه .. وسألني بعدها اين ستدرس في امريكا .. قلتله لوس انجلوس .. قالي من سيتحمل مصاريف دراستك .. قلتله الوالد .. وكشف الحساب ما عطيته .. اعطيته الشهادة البنكيه .. ولا طالع فيها كمان .. وقالي طيب واعطاني اوراقي .. وقلته متى بتطلغ الفيزا .. عطاني ورقة لونها وردي تقريبا كان فيها اسئلة متكررة .. ومكتوب فيها ان الفيزا تطلع اقل شي في اسبوع .. وممكن تقعد من اسبوعين الى شهر او اكثر .. اخذت الورقة وقالي كل شي مكتوب هنا .. قلتله طيب وطلعت سألت الموظفة قلتلها متى بتطلع الفيزا .. قالتلي ما قلك ؟؟ .. قلتلها لا عطاني الورقة ذي بس .. قالتلي ممكن تطلع الفيزا في شهر !! .. طبعا انا اتحطمت برضو لأنه كان باقي على سفري اسبوعين تقريبا او 3 .. ومشيت من السفاره وانا بصراحه كنت موسوس لأبعد درررجه .. والحمد الله ثاني يوم الفيزا طلعت .. بعدها الحمدالله حسيت ان الأمور اتسهلت .. وبقيت احاول في القبول المشروط انه يجي .. وبعد ما اتصلت على الجامعه وسوينالهم قروشه رسلوه بالبريد الإلكتروني .. وبعدين جيت بقدم على طلب الدراسه على حسابي الخاص .. وهذا شي مرة هجولني .. فتحت الموقع الإلكتروني وفكيت الأبلكيشن وحطيت رقم الهويه جاني مكتوب انه الخدمة هذي لا تشمل المرافقين والدراسين .. وحاولت اكثر من طريقة ما ظبط الموضوع .. اخر شي راستلهم وبالقوة ردو عليا بالبريد الإلكتروني وقالولي انه انا مرافق مع احد ثاني و قعدت ارسالهم عشان يعدلو الشي هذا ويخلوني مو مرافق .. وخلصت الشي هذا بالقوة .. اخر شي قالولي تم تنفيذ الطلب و رحت بفتح الأبلكيشن لقيت خطأ ثاني والي هو انه حطوني اني قد قدمت من اول وطلبي تحت الإجراء .. وراستلهم مرة ثانيه واتصلت عليهم وبعد تعععب لقيتهم سوو كل شي والأبلكيشن قدامي اعبيه وبس . اخذت ورقة الفحص الطبي طبعتها من الموقع .. ورحت مستشفى الملك فهد للقوات المسلحه وقعدت استنى اخر شي طفشت ومشيت .. ورحت مشتشفى ثانية في ابحر بعدها بكم يوم وقالي الموظف انه التحاليل المطلوبة هذي .. ما اقدر اسويها الا في مستشفى مدائن الفهد الي في جنوب جده .. ومكانها مرة متعب في وسط حارة والمبنى اصلا ما يخليك تتوقع انه هذي مستشفى .. وبعد ما وصلت ودخلت قالولي اول شي تسويه .. تروح تلبس ثوب .. ثاني شي .. تروح مستشفى الدرن في كيلو 7 ,, واروح كيلو 7 الي في الجنوب برضو بس مكانها كمان صعب .. دخلت لقيت انه حوش ومسويين فيه كم عزبة وقالو هذي مستشفى الدرن .. دخلت شاف الورقة وختملي هيا وقالي خلاص روح مستشفى المدائن .. طبعا الكلام هذا في الظهر .. وارجع مرة ثانيه والبس ثوب واروح مستشفى المدائن .. واخذ الورقة وعبالي هيا بدون ما يفحص وختمها ومشيت .. رجعت البيت وعبيت الأبلكيشن ورفعت الصور والحمدالله الأمور كلها ظبطت وباقي موعد السفر ي

    وفيه اشياء نسيت اذكرلكم هيا
    انه السكن ظبطته عن طريق الموقع هذا Homestay Services International
    اول شي عبيت الأبلكيشن .. بعد ما عبيته ما وصله عبيته مرة ثانية وجاني الأبلكيشن جاهز ونسخته ورسلتله هوا على الإيميل homestaysvc@gmail.com
    وكنت اتواصل معه بالجوال كمان .. رقمه مكتوب في الموقع
    مميزاتهم انه يستقبلو من المطار وياخذو فيك فرة بسيطة في المدينة ويودوك جامعتك تشوفها ويودوك سكن العائلة ويعلمك كيف تستخدم الباص من عند اقرب محطة للعائلة والفلوس تدفعلهم هيا لمن توصل
    السكن في لوس انجلوس قالي 830 دولار في الشهر
    ومعليش عالموضوع مو منسق .. بس كتبته عشان الكل يستفيد
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.