المشاركة الأصلية كتبت بواسطة انسان حقيقي
يالبا قلبك يامحمد معلوماتك وافيه
انا نسبتي 97 و شوي علمي الحمدلله ..
صدقت اخوي انا متمسك بكاليفورنيا ع دون سنع وبعد مابحثت تاكدت انها ولايه غير مناسبه لي
كان الامل بجو سان فرانسيسكو لكن طلع حتئ هو بالصيف عادي الى حار ..
ابي افكر بسياتل او ولايات الشمال
بالنسبه لبحثي عن اماكن فيها ناس طيبين
لاني انا حسب شخصيتي والله ما اتحمل الاشخاص السيئين ويضيقون صدري .. فيه ناس قويين وجه واطقع مايشوفون بس انا بسرعه يأثر فيني تعامل الاخر وهذا عيب فيني ..
اما بالنسبه لبحثي عن اماكن فيها فعاليات او حولها فعاليات ..
لاني انا دايم اتابع حوارات و ملتقيات علميه بالفيديو في امريكا .. يس يوم جيت امريكا مسوي بحظرها بالطبيعه اختفت ماشالله هههههه
وحطيت براسي اكيد انها يتكون بالمدن المشهورة بكثرة الفعاليات ..
يعني حبً للعلم + سعة الصدر
اكرر شكري لك والله ولو انك كنت معصب شوي لكن افدتني هههههه
ههههههه حرام عليك والله اني كنت اقرا كلامك واضحك هههههههه ..
والله الشعب واحد صدقني مايفرقون .. الفرق فقط في القرى والمدن الصغيره مره ! هنا الفرق !
اما بقية المدن فلا .. كلهم متشابهين .. يعني الناس اللي في سانديقو هم نفسهم اللي في سان فرانسيسكو !
المهبل في كل مكان وانا اخوك ههههههههههه
اما الملتقيات العلمية .. فهذي ماتعقد الا في مدن كبيره مثل نيويورك وشيكاقو وغيرها ..
يعني ماراح تلاقيها في كاليفورنيا !
وغالب الندوات العلمية تنعقد في جامعات كبيره ومعروفة .. بحسب اتفاقهم معهم ...
وتقدر تشوفها عن طريق الجامعه .. تشوف ايش الندوات العلمية الجديده اللي راح يسوونها في الجامعه ..
او حتى خارج الجامعة .. كل الامور هذي بتلاقي معلوماتها في اي جامعة .. لان الجامعات تكون مركز رئيسي للمعلومات والندوات العلمية واللي راح تقام في نفس المدينة اللي فيها الجامعة !
اما بالنسبه لنسبتك ,
فمع الاسف , الجامعات الامريكية ماتعترف بالشهادات الثانوية السعودية ..
فقط ياخذونها كإثبات انك خلصت ثانوي لا اكثر !
فسواء كانت نسبتك 100% او 50% .. مايهمهم !
لان بالنهايه بيقولون لك يالله ادخل معهدنا او جيب الايلتس او التوفل .. وادخل الجامعه واختبر الـ Placement Test ..
وبعدها بيقولون لك يالله انت تبتدي من المستوى الفلاني بالرياضيات وتاخذ المستوى الفلاني في الريدنج والكومبيزشن !
يعني ممكن تبتدي معهم بالرياضيات من اول مستوى فيه .. حتى لو انك مخلص الخوارزميات !
اعطيك مثال , انا جيت لامريكا وانا مخلص ثانوي ودرست في السعودية في اكثر من جهه اكاديمية ..
ومخلص الـ Calculus II و الـ Discrete Mathematics ودرجاتها كلها B وعندي شهادات تثبت هالشي .. ومع ذلك ..
خلوني اكمل بالجامعه من المستوى الاول للجبرا ! Elementary Algebra .. ونفس الكلام في الـكومبيزيشن !
ولاتحسب لي في الـ GPA لانها مواد تطويرية !
فلذلك هذا هو نظامهم كذا ..
لكن لو كانت معك شهادة جامعية .. هنا يختلف الامر !
علشان كذا لابد انك تاخذ بهالنقطه وتضبط امورك .. لاتغرك الشهادة الثانوية ترى مامنها منفعه ههههههه
ماني عارف ليش ندرس ثانوية اذا الجامعات بامريكا ماتاخذ بدرجتها !
تدري والله لو ادري ان الوضع كذا كان ماتعبت حالي بالثانوية, كان من ثاني ثانوي طلعت امريكا ودخلت كومينتي كوليج وكملت دراستي الجامعية !
بس مغلوب على امرنا وش نسوي الشكوى لله !
محمد فهد .. December 29th, 2013, 01:23 PM
December 29th, 2013, 11:50 AM
السلام عليكماخواني انا ماكتبت هالموضوع الا بعد بحث باغلب مواضيع المنتدى من شهر كامل !!
انا طالب في سان دييغو و افكر بالتغيير الى سان فرانسيسكو .. ليه طيب ؟
سان دييغو جميله جداً لكن انا انسان بيني عداء شديد انا و الجو الحار المشمس ..
اتجمد برد افضل من اني احتر !
فبحثت كثير عن مدينه تناسب المواصفات اللي ابيها
مدينه تجمع بين قوة الجامعات .. كثرة الفعاليات .. الشعب الطيب والطبيعه و الاماكن الجميله
عشان تكون النفس منفتحه للدراسه ..
فكرت بعدة ولايات ومدن لكن بالاخير
آمنت اني لو طلعت من كاليفورنيا راح اطفش لاني تعودت على جمالها ..
موضوعي هو ..
بالنسبه لسان فرانسيسكو .. خياري الانسب
اعرف انها جداً غاليه ..
لكن بقولكم صرفيتي بسان دييغو ..
وابي الله يجزاكم خير تقارنونها بسان فرانسيسكو
هل تتوقعون راح تكفيني المكافئه وانا كذا صرفيتي بسان دييغو ؟؟
السكن ادفع 750 مع الاكل والشرب
الباص 75
الجوال 30(مشترك بباقه رخيصه)
فلتي بالويكند بالكثير 200 دولار
مابين سينما وتمشيات وتكيه بالشاطئ و الداون تاون وغيرها ..
انا سعيد هنا لان الشعب طيب والاماكن حلوه
لكن مو ناقصني الا جو جميل ..
يكون غائم و بارد او ع الاقل براد نسبي ..
هل المكافئه بتكفيني بسان فرانسيسكو بما ان هذي صرفيتي بسان دييغو ؟
او اغير لمدينة اخرى ..
مثلاً سياتل - بوسطن .. الخ
الاهم عندي الجو يكون غير حار ولا يهمني حتى لو كان مثلج .. قوة الجمعات ولا تهم سهولتها بحكم اني راح ادرس تخصق علمي اعشقه .. كثرة الفعاليات والاحتفاليات و الاماكن الجميله والترفيهيه .. الشعب الفريندلي .. واتمنى ان تكون مدينه تحصل فيها مثل الملتقيات العلميه اللي باليوتيوب و الحفلات الغنائيه
شكراً لكم واسف كثرت الكلام بس حبيت اعطيكم تصور كامل ..
لان مخي انفجر واستسلمت