الأعضاء الإشتراك و التسجيل

الملتقيات
ADs

التاسع عشر من ابريل من العام ٢٠١٣ - لوس انجلوس - سانتا مونيكا

التاسع عشر من ابريل من العام ٢٠١٣ - لوس انجلوس - سانتا مونيكا


NOTICE

تنبيه: هذا الموضوع قديم. تم طرحه قبل 3631 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أنا المبتعث
    أنا المبتعث

    مبتعث جديد New Member

    أنا المبتعث الولايات المتحدة الأمريكية

    أنا المبتعث , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى . , بجامعة .
    • .
    • .
    • ذكر
    • ., .
    • السعودية
    • Oct 2012
    المزيدl

    April 19th, 2014, 08:56 PM

    التاسع عشر من ابريل من العام ٢٠١٣

    هو اليوم الذي وصلت فيه إلى الولايات المتحدة الأمريكيه و بدايه رحله الإبتعاث الحقيقيه بالنسبه لي

    اتذكر ذلك اليوم و كأنه الأمس

    وصلت إلى لوس انجلوس متأخراً حوالي الساعتين بسبب تأخر الإقلاع في فرانكفورت الألمانيه و عبر خطوطهم اللوفتاهنزا

    كنت قد اتفقت مع صديقي الذي يدرس هنا بأن يستقبلني في المطار لكن بسبب تأخرنا في الوصول رجع إلى اكمال دوامه

    بعد الوصول و انهاء اجراءات الدخول خرجت ابحث عن تاكسي ليوصلني إلى فندقي بعد عناء رحله طووويله

    كانت الأسعار مرتفعه جداً و المحزن لما تشوف شخص عربي يجيك و يقولك اهلا و يتكلم بالعربي معاك و يسألك تبغى تاكسي؟ و ترتاح شويه لكن تتفاجأ أن سعره دبل دبل البقيه< استغلال!

    المهم رحت ابحث عن تاكسي اخر فوجدت شخص كوري لديه سيارته الخاصه و سعره جداً مقبول اتفقت معاه و رحنا الفندق الذي كان يقع في الداون تاون

    حين وصولي للفندق كان صديقي بإنتظاري ، بعد تبادل السلام دخلنا إلى غرفتي

    بعدها اخبرني بأن ارتاح قليلاً و سيأتي غداً لنخرج و نتمشى

    لكن اتذكر إني قلت له '' لا أبغى اتمشى اليووووم و مافيني نوم الآن و تبغى الصراحه أنا مصدوم كنت احسب امريكا ارتب و انظف من كذا !''

    < منطقه الداون تاون في اجزاء كبيره منها غير مرتبه بس جزء و هو اللي فيه الأبراج و مهتمين فيه

    المهم طلعنا و اخذنا الباص و رحنا على يونيفرسال استديو بس ما دخلنا داخلها كنا في منطقه المحلات و المطاعم اللي حولها ، كانت منطقه جميييله جداً

    تعشينا فيها و رجعنا

    و نحن في الباص ، بيت صاحبي يجي على طريقنا قبل فندقي

    فقالي راكان تعرف تروح لحالك و لا تبغاني اكون معاك ؟

    قلت له لا ما يحتاج سهل خلاص انزل أنت ، و قبل ما ينزل اعطاني الكونيكت تبع الإنترنت تبعه وشبك جوالي فيه و حط الخريطه و قالي إذا سمعت اسم محطتك اسحب السلك و انزل

    قلت طيب ، و نزل بعدها لبيته

    هنا عيوني كانت تراقب الجوال و ماني متعود على خرائط قوقل و بعد فتره انتبهت انه النت فصل لما رجعت شبكته و سويت تحديث لقيت الباص تعدى محطه فندقي بكثير ، رحت كلمت السواق و قالي مالك غير تنزل في المحطه الجايه و تاخذ باص ثاني يرجعك

    و نزلت في منطقه جداً تخووووف في داون تاون لوس انجلوس المعروف إن سمعته مش و لا بد

    ما فكرت استنى الباص الثاني في هذيك المنطقه

    فصرت امشي امشي امشي لحالي

    اتذكر كنت لابس جينز و تيشرت و جاكيت و كنت حاط الهود على رأسي و مدخل يدي في الجيب و عيوني على الأرض

    كنت امر على مناطق تخوف و قروبات زي العصابات اللي نشوفهم في الأفلام و لا اطالع

    حتى وصلت الفندق

    لما وصلت طالعت يمين و يسار اتأكد إنه محد ورايه و حط رجلك يا راكان ع الغرفه و على طول ارسل لصاحبي و اليوم الثاني كلمني قالي ليييش قلت بتروح لحالك! كويس جات على كذا!

    بعدها بيوم نقلت لسكن في الشارع الثاني في مدينه سانتا مونيكا قبال المعهد بالضبط و الشارع اللي خلف السكن هو الشاطيء

    *سانتا مونيكا مدينه رايقه جدا و سياحيه و الناس اللي ساكنين فيها من الطبقه الراقيه

    السكن ما يتبع المعهد وهو عباره عن غرف كثيره و كل غرفه تختلف في عدد الأسرة < مسوينه للسياح

    معهدنا حاجز كم غرفه منهم و كل غرفه فيها ٤ اسره عشان يسكنوا الطلاب فيها

    ما كنت ابغى اسكن هنا لأن العدد في الغرفه كبير لكن الشهر الأول كان مدفووع من المعهد بسبب إنه صارت لي مشكله معاهم 😎

    وصلت الغرفه لقيت واحد ياباني في وجهي تعرفنا على بعض و رتبت اغراضي و اخترت السرير العلوي، تعرفوا اربع اسرة كل اثنين فوق بعض 😂

    ما كان فيه غيرنا بس و جلسنا على هذا الحال اسبوعين حتى جاء واحد ارجنتيني و بعده برازيلي جايين سياحه مو طلاب

    جداً استمتعت معاهم كثير

    خلال هالشهر كنت ادور سكن لكن للأسف ما لقيت و خلص الشهر الأول و اضطريت ادفع للشهر الثاني و لكن هذا الشهر كان معايه ٣ طلاب من المعهد من شرق اسيا كلهم صغار فكنت مستقوي عليهم 😂

    بصراحه ما ندمت إني سكنت في هالسكن لأسباب ، الأول إنه قريب جدا للمعهد فا اصحى قبل الدوام بنصف ساعه ، الثاني شارع عن الشاطيء و شارع عن الثيرد ستريت "داون تاون سانتا مونيكا "

    كان موقعه مميز جداً جداً لكن يعيبه غالي و اكثر من شخص في الغرفه

    الحمد لله قبل نهايه الشهر و جدت لي سكن اخر و قريب من المعهد حوالي ١٥ دقيقه مشي و إذا وصلت المعهد يعني وصلت الشاطيء و في سانتا مونيكا نفسها

    كانت غرفه بحمام خاص في شقه من غرفتين و حمامين في مجمع سكني في صاله جم و مكان خاص للشوي و دلع و سعرها أقل من السكن الأول بحوالي ٨٥ دولار و لحاااالك غرفتك و حمامك محد يشاركك فيهم كنت بس اتشارك الصاله و المطبخ مع الروميت الأمريكي

    قبل ما انقل للغرفه طلبت من احد المواقع غرفه نوم كامله و جابوها و ركبوها لي

    أول ليله سكنت فيها اتذكر لما جاء الليل قمت ادور اللمبات بشغلها بس ما حصلت الأزرار طالعت في السقف و كانت الصدمه إنه مافي لمبات في الغرفه اصلاً

    كنت خفاش لمدة يومين حتى جاتني لمبه من واحد من الشباب ما يحتاجها 😂

    جلست في هذاك السكن و الأمور طيبه و مبسوط الحمد لله لمدة ٧ شهور تقريبا اتذكر رمضان و العيدين و اضطريت افضيها عشان بنزل اجازه و الروميت يقول إذا تبغى تحجزها لازم تدفع الإيجار و مع نفسه ما ادفع لع مبلغ و قدره و هيا فاضيه ، فضيتها و نزلت اجازه لمده ٧ اساييع

    و قبل ما ارجع امريكا تواصلت مع المعهد إنهم يشوفوا لي عائله و دفعت لهم الفلوس و ارسلوا لي عنوانهم

    أول ما وصلت أمريكا ثاني مره كان يوم دوامات على طول رحت للعائله اللي راح اسكن عندهم دخلوني البيت و وروني غرفتي و في البدايه ما حبيتها و لا حبيت المكان بعيد عن المعهد معهدي في سانتا مونيكا و هما في لوس انجلوس و أنا ما تعودت ع الباصات

    لكن لي الآن شهرين و عليها معاهم و احب غرفتي مره يكفي السرير سوووووبر كنج 😂

    و الباصات تعودنا عليها

    اتذكر أول ما وصلت اعطوني ورقه فيها قوانينهم و مع نفسهم ما اهتميت فيها

    أجل بس خذ شور لمدة ٥ دقائق ! ، ما يعرفوني أنا ادخل جو مع الشور 😂

    كويس طلعوا متفهمين و مو مدقيين ع الشروط كثير و لا قد اشتكيت منهم ابدا

    و صح غاليين في منطقه بعيده و كثير من الشباب يقولوا لي انقل لكن قناعتي تقول الراحه أهم شيء ، دامي مرتاح طز في الفلوس !

    و اخيراً فيه اشياء كثيرة ما تكلمت عنها انتظر استفساراتكم عنها و راح اجاوبكم عليها إن شاء الله

    🌹
  2. السلام عليكم .. عجبني تسلسلك للقصه وكتابتها بشكل رائع

    عندي بعض الاستفسارات البسيطه .. انا بحول الله ناوي انقل على معهد ELS في سانتا مونيكا على بعد شهر ونص تقريبا !!

    هل عندك معلومات عن فرع ELS الي بسانتا مونيكا ؟؟ وتنصحني فيه لاني حاليا في صدد تعبئه الابلكيشن ومحتار شوي

    وكيف العيشه في سانتا مونيكا معروفه انها غاليه بس انا همي الاول كيف القى سكن ؟

    لاني بنقل لحالي من مدينة بورتلاند الى سانتا مونيكا وماعرف كيف طريقه بحث عن سكن ؟
    وكم اسعار السكن تقريبا ؟
    تقريبا كم تصرف يومي على الاكل وكذا ؟

    يعني ياليت تعطينا وتوضح لنا بعض النقاط العامه في سانتا مونيكا ومن ناحيه الامان وسكانها
    وكيف الغلى الي فيها وتقريبا يكفيك الراتب ولا تحتاج فوقه مبلغ بسيط

    واعتذر اخوي على كثرة الكلام بس نادر نلقى اشخاص امثالك يحبون المساعدة

    اسال الله رب العرش العظيم ان يوفقك ويسعدك ويسهل امورك ...
    7 "
  3. المشاركة الأصلية كتبت بواسطة ALMR3B
    انا بنقل في معهد اسمه California School of Languages عندك أي خلفية عن هاالمعهد واذا ماعليك كلافه عندك رقم احد يجيبلي عائلة هيناك
    للأسف ما اعرفه و شوف المعهد إذا يقدروا يجيبوا لك عائله من طرفهم و كيف اسعارهم

    وفيه موقع يجيب لك عوائل بحاول اجيب لك عنوانهم
    7 "
  4. المشاركة الأصلية كتبت بواسطة آهـوى آلـجنــون*
    السلام عليكم .. عجبني تسلسلك للقصه وكتابتها بشكل رائع

    عندي بعض الاستفسارات البسيطه .. انا بحول الله ناوي انقل على معهد ELS في سانتا مونيكا على بعد شهر ونص تقريبا !!

    هل عندك معلومات عن فرع ELS الي بسانتا مونيكا ؟؟ وتنصحني فيه لاني حاليا في صدد تعبئه الابلكيشن ومحتار شوي

    وكيف العيشه في سانتا مونيكا معروفه انها غاليه بس انا همي الاول كيف القى سكن ؟

    لاني بنقل لحالي من مدينة بورتلاند الى سانتا مونيكا وماعرف كيف طريقه بحث عن سكن ؟
    وكم اسعار السكن تقريبا ؟
    تقريبا كم تصرف يومي على الاكل وكذا ؟

    يعني ياليت تعطينا وتوضح لنا بعض النقاط العامه في سانتا مونيكا ومن ناحيه الامان وسكانها
    وكيف الغلى الي فيها وتقريبا يكفيك الراتب ولا تحتاج فوقه مبلغ بسيط

    واعتذر اخوي على كثرة الكلام بس نادر نلقى اشخاص امثالك يحبون المساعدة

    اسال الله رب العرش العظيم ان يوفقك ويسعدك ويسهل امورك ...
    المعهد تدرسيه يعتبر إلى حد ما ممتاز و نظامهم جميل و مكانه أجمل

    السكن غالي في سانتا مونيكا إذا لقيت لك استديو بحدود ١٢٠٠ أنت محظوظ

    ٢٠ دولار مصروف يومي للأكل و الشرب اعتقد يكفيك

    المدينه سياحيه و امنه جداً 👍
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.