تكفا يارجال تكفا طلاب ايرفاين

وعليكم السلام ورحمة الله وبركاتة
university of california irvine
هذا اغلب الطلاب اللي فية من دول الخليج وشرق اسيا
المعهد معترف فيه بس تاكد . من ناحية المدينة غالية اذا تقدر حيااك تعال او تسكن في سانتا انا او كوستميسا تبعد عنهاا من ٢٠ الى ٣٥ دقيقة بسيارة الله يوفقك

بيض الله وجهك

بس الله يسعدك

انا مع زوجتي ايش السكن المناسب لي وكم الاسعار تفريبا؟
وهل هذا المعهد بعد ماخلصه يأهلني ادخل اي جامعة في امريكا او لازم ترفل او ايتلس؟

لله يعطيك العافيه

السكن في ارفاين للامانة غالي جدا لكنه متىفر وبكثرة ومرتب.

شقة بغرفة واحدة بحمامها وانت بكرامة ومطبخ تبدا من ١٤٠٠ الى ١٨٠٠ $ وممكن تزيد.

او عندك حل ثاني اذا عندك سيارة، ممكن تسكن في مناطق مثل انهايم او جادن جروف او كوستا ميسا او سانتا انا .... هذي مناطق ارخص نوعا ما وممكن تسكن فيها ، لكن لو ما معك سيارة صعب تسكن برا ارفاين.

اي استفسارات ثانية انا حاضر

الله يسعدك يشيخ ويعطيك العافيه

طيب 1800 شامله كل شي ؟

من مويه وكهرباء وانترنت ؟

واذا مو شامله كل شي ... كم تقريبا التوتل يكون ؟

لا هنت الله يوفقك

لو بتأجر شقة قيمتها ١٥٠٠$ او ١٦٠٠$ على سبيل المثال ، الكهربا انت واستخدامك لكن بالعادة ما يتعدى ١٠٠$ بالكثيير + الماء فاتورته قليلة يعني ممكن من ٢٠-٣٠$ + النت ب ٥٠$ (بدون كيبل التلفزيون).

بكل بساطة حط ٢٠٠-٢٥٠$ تقريباً قيمة فواتير + اجار الشقة (١٥٠٠$ او ١٦٠٠$) وتصير امورك من ناحية الشقة بالسليم = مجموع ١٩٠٠$ بالكثير

طبعا كل كلامي لو بتاجر غرفة نوم وحدة.

وهذا غير احتساب مصروفك مع الاهل، لكن مثل ما ذكرنا السلبيات لازم نذكر الايجابيات:

ارفاين راقية وحلوة وما يسكنها الا الطبقة الراقية ، بالاضافة الى ان المنطقة اماااان جداً باذن الله ، وقريبة من ارفاين لوس انجلوس ولونج بيتش وسانتا مونيكا وسان دييجو ونيوبورت بيتش ولاجونا بيتش وهانيجتون بيتش وهذي كلها مناطق سياحية يقصدها السيّاح من كل مكان، يعني من ناحية الترفيه لاااااا تشيل هم ابد ، وبتعيش احلى الايام هناك باذن الله.


نقطة اخيرة: وجود السيارك معك بيساعدك كثيييير

الله يعطيك العافيه وينور قلبك زي مانورتني

طيب بالنسبه للمعاهد هي اللي باقيه بس عندي

ابغا معهد بعد ما اخلص الالفلات حقته تأهلني ادخل جامعة على طول بدون اختبار

او انه هذا الاختبار لازم منه ؟

واعطيني نصيحه اخ بالنسبه للمعاهد .. واذا فيه اي اضافه عندك هات

وتسلم ياذيب

دام انك طلبت معاهد تدخل الجامعة انا حالياً في بالي معهد ALI في جامعة لونج بيتش (California State University Long Beach)

المعهد انا درست فيه ايام البكالوريوس ودخلت منه الجامعة مباشرة من دون توفل او ايلس، لكنه معهد قوووي جداً ودروسه مكثفه (ما ابالغ لو قلتلك ممكن من ترجع من المعهد الى الليل وانت تحل الواجبات المطلوبة منك في اغلب الايام)

لكن بصفة عامة المعهد والجامعة ممتازين جداً والمدينة جميلة باستثناء بعض المناطق اللي ينصح بالابتعاد عنها في الليل، لكن السكن عند الجامعة ممتاز والمنطقة آمنة وسعرها ارخص بكثير من ارفاين. الشقة اللي كنت بتدفع فيها ١٦٠٠$ بلونج بيتش تدفع ١٤٠٠$ تقريباً (ممكن تزيد شوي)

نسيت اذكر لك نقطة انها تبعد عن ارفاين ٢٥ دقيقة الى نص ساعه.

ونقطة ثانية حطها في بالك علشان ما تتفاجئ: اول ما توقع عقد الايجار بيطلب منك السكن قيمة اجار شهرين عبارة عن التأمين + اجار الشقة نفسها.

مثال: اجار الشقة ١٥٠٠$

تدفع اول ما توقع العقد ٣٠٠٠$ + ١٥٠٠$= ٤٥٠٠$

هذا النظام مطبق في اغلب الشقق لكن ممكن البعض يخفض المبلغ اذا اعطيته كشف حساب فيه مبلغ كافي او حتى البعض ممكن يعطيهم الضمان المالي تبع الملحقية علشان يثبت انه يجيه مدخول شهري ثابت.

بالتوفيق

بيض الله وجهك عز الله عطيته العلم الاكيد صراحة ماعندي كلام اقوله بعد الرجال هذا

بس هل المعهد حق لونق بيتش فاتح من الملحقية اخبره متكدس …..!

ووجهك ابيض اخوي زايد ما سوينا الا القليل.

بالنسبة لمعهد لونج بيتش ممكن كلامك سليم ومقفل حاليا من الملحقية.

فيه جامعة California State University San Bernardino فيها معهد اللغة لو خلصت لڤل ٥ ممكن يعادلون لك التوفل وتدخل من غير اختبارات.

المدينة زرتها مرة، طبعا مدينة صحراوية وحارة (جوها احر من لونج بيتش وارفاين طبعا وممكن توصل درجة حرارتها الى ٣٨ في بعض فترات الصيف).

السكن ارخص بشكل ملحوظ من لونج بيتش وارفاين. معلوماتي مو دقيقة من ناحية الاجارات هناك لكن غرفة نوم وحدة ما بتتجاوز ١٢٠٠$ (ممكن اقل وممكن اكثر بشوي).

الأمان متوسط فيها، لكن المنطقة اللي حول الجامعة آمنة وانصح بالسكن فيها.

الجامعة متوسطة المستوى وفيها عدد لا بأس به من الطلاب السعوديين والخليجيين بصفة عامة.

تبعد عن لونج بيتش ساعه وعن لوس انجلوس ساعه ايضا.