طلب من المبتعثين بلاس فيقاس ( نيفادا)

October 12th, 2014, 08:52 AM

السلام عليكم ورحمة الله وبركاته

اسمحولي يمكن مكان الموضوع مو هنا .. أو ماله دخل بالابتعاث بس والله احترت وفريت اقسام المنتدى كلها

عموماً ..

انا كان عندي شغله بالعيد بامريكا وكانت بلوس انجلس ورحت لفيقس نص يوم ..
الصراحه من المدن الكئيبه واللي مااعجبتني
الموضوع وابي فزعتكم او مشورتكم
انا جلست بالفندق اقل من 12 ساعه ..
بس حطيت عفشي ورحت اشوف وش الديره وبعدها رحلتي لنييورك االفجر ..

وقت الخروج من الفندق الساعه 3 ونص والرحله كانت 6 الصبح
حطيت شنطتي اللي فيها الملابس عند الباب .. مقابل الfront desk
دخلت عطيته المفتاح ووقعت الورقه باقل من دقيقة وطلعت مالقيت الشنطة ولا لها اثر .. خصوصا انها ثقيله مره يعني انا يالله اقدر اسحبها ولا اقدر اشيلها بالسهوله
بس مالقيت لها اثر وكلمت حارس الامن اللي بالفندق والصراحه ماكان متساعد بارد مره .. ورحنا ندورها وحسنا الفندق من برى مالقينا اثر ولا مبين ان احد كان بالشارع ..
كلمتهم بشوف الكاميرا .. قالوا ماعندنا اكسس للباسسورد اننا ندخل ونشوفها .. انتظر المدير يجي الساعه 7 ونص
الحمد لله الاشياء والاوراق والجواز المهمه كانت بهاند باق ..
لي يومين اكلمهم ماحصلت اجابه .. اكلم المدير مايرد ..اكلم الاستقبال يقولون مافيه شي وانا متأكد 30000% اني حاطها

وقالي واحد فيه سعوديين يدرسون على حسابهم بالجامعه هناك يمكن يساعدونك .. فياليت اللي يعرف وش الحل أو يعرف احد هناك
ابي فزعتكم ..

حاولت ابتصل بالشرطة بس مافيه وقت وحق الفندق قال تتصل ولا ماتتصل ماراح يلقونها ...
مع اني اشك 99% من احد موظفي الفندق

ياليت اللي يقدر يفزعلي البلا مافيها الا ملابس بس فيها علاجات يالله لقيتها وغاليه ..

• نشر عبر تويتر
• نشر عبر فيسبوك
• نشر عبر جوجل