اي استفسار عن كولورادو

السلام عليكم
هلا والله اخوي بو هزاع
1-الصراحه انا ماقد تعاملت مع شركات تكسي ولكن اذا طلعت من المطار بتلقى التكاسي كثيره والاسعار ترا مافيه ذاك الاختلاف الكثير عليه
2-انا من وصلت امريكا وانا اتعامل مع بنك wells fargo وصراحه البنك ممتاز من كل النواحي اما من ناحية 3 الاف انا افضل انك تحطها بالبنك والافضل انك ما تشيل مبلغ كبير معك
3-بالنسبة لشركة الاتصالات انا برضه من وصلت امريكا ما تعاملت الا مع شركة اتصالات وحد وهي t-mobile وتعاملها ممتاز وخدمتها رائعه
4- الاجواء الان ممتازه جدا وراح يبدا البرد بعد تقريبا شهر وزياده وراح يستمر البرد الين شهر 4 من السنه الجايه (وترى البرد هنا قوي يعني احسب على الملابس الشتويه)
5-بالنسبه لكورس اللغه اعتقد ان الجامعه مافيها كورسات لغه الكورسات بتكون بالمعهد اعتقد الكورس الجاي راح يبدا في اكتوبر(ماني متاكد)


هلا والله اخوي القلق يا مرحبا ومسهلا عين فراش وعين لحاف

هلا والله اخوي بيض بالجبن

جامعة شمال كولورادو جامعه كويسه واعتقد فيها تخصص التربيه الخاصه قوي
كل شي موجود فيها الاسعار تعتبر جيده الامان متوفر السكن مع عائله اعتقد ما فيه (ماني متاكد)
طبيعة سكان قريلي البيض الامريكان ومكسيكين تعتبر الثانيه بعد دنفر من حيث كثافة المكسيكان
ابد حاظرين للطيبين وعسانا قدرنا نجاوب اجوبه شافيه لاسئلتكم واسف على التاخير
شكرا