جامعة كاليفورنيا ديفيس ... أو جامعة Utah في Salt Lake city !!!!

السلام عليكم

انا عشت في كاليفورنيا سنتين وعلى حسب خبرتي ديفيس ميزتها انه الطلاب السعودين هناك قليل جدا بحيث انك تستفيد من اللغة في المعهد وكمان المدينة على حسب علمي مو كبيرة يعني الراتب يكفيك انشاء الله
وعامة اهل كاليفورنيا حبوبين ومررة فرنلدي واتذكر واحد زمان كان في المعهد حق اللغة اللي في ديفيس وكان يقولي انه من اقوى المعاهد من حيث الدراسة وانه شرحهم مررة ممتاز

وبالنسبة لطقس كاليفورنيا عامة على حسب خبرتي يكون بالشتاء بارد وتوصل درجة الحرارة تقريبا من 8 الى 15 واما في الصيف يكون الجو تقريبا من 20 الى 35
واحسن شيء في كاليفورنيا انك تشوف الفصول الاربعة كلها وفي الربيع تشوف الامطار وفي الخريف تشوف اوراق الشجر يتساقط وصدقني ما راح تحصل افضل من جو كاليفورنيا
وفي مدن سياحية حول مدينة ديفيس مثل سكرمنتو تبعد عنها تقريبا ساعة بالسيارة وهي عاصمة كاليفورنيا
وكمان مدينة سان فرانسسكو وتبعد عنها ساعتين تقريبا وهي غنية عن الوصف
وكمان مدينة Lake Tahoe والمعروفة من اكبر بحيرات امريكا وانصحك تروحها هناك في فصل الربيع وتبعد عن مدينة ديفيس تقريبا ثلاث ساعات
بالنسبة لمدينة ديفيس ما تعتبر مدينة سياحية علشان كذا راح تحصلها رخيصة

واما بالنسبة للسكن يمديك تسكن مع عائلة في فترة اللغة وتكلفك تقريبا من 600 الى 800 دولار شهريا وما يحتاج تدفع فواتير الكهرباء والموية والانترنت والتفلزيون وكمان الفطور والعشاء والغسيل عليهم

واما بالنسبة للشقة اذا كنت لحالك تقريبا من 550 الى 800 دولار على حسب الموقع وعلى حسب التصميم

اما اذا كانت غرفتين فالاسعار تكون من 700 الى 900 دولار

وانا انصحك تسكن مع عائلة عشان تقوي لغتك وبعدين اطلع واسكن في شقة

بالنسبة للمدينة الثانية الاخوان الثانين يفيدونك انشاء الله

واتمنى اني اعطيتك شي مفيد ومعليش على الاطالة

وبالتوفيق

ألف ألف ألف ألف شكر أخوي الغامدي !!!!

أنا والله مرتاح لها المدينة وفي بالي صراحة أجيب قبول منها .....!

وموقعها مرة ممتاز ,,,, وبيني وبينك أنا أبحث عن جامعات السعوديين فيها قليل .... ومادام عدد السعوديين في الجامعه هذي يعتبر قليل فإن شاءالله راح تكون خياري الأول بإذن الله

شاكر لك عزيزي الغامدي والله يوفقك

لازلت أحتاج معلومات أكثر ...... أنتظر باقي الإخوان

معقولة مافيه أحد هنا من ولاية كاليفورنيا أو ولاية يوتا ؟؟؟

وين الباقين اللي في سان فرانسيسكو واللي بلوس أنجلوس معقولة مايدرون ؟؟؟؟

انتظركم

الأخ العزيز الغامدي
كل عام وأنت بخير ومبارك عليك الشهر الفضيل
أنا حصلت على اموافقة للإبتعاث في مجال الاقتصاد الزراعي ( مبتعث حكومي على نظام وزارة الخدمة المدنية وتحت إشراف وزارة التعليم العالي)
وأنوي السفر مع عائلتي مكونة من زوجة و4 أطفال وأرغب في الدراسة في مدينة ديفس بالنسبة للسكن العائلي إذا رغبت في سكن عئلي منزل تتوقع كم ستكون التكلفة
وعن مدى أسعار السلع الغذائية هل تختلف عن أسعار السعودية
هل يوجد مدارس للأطفال تتبع الملحقيلت السعودية
شاكر لك مع خالص تحياتي

الاخ هامور ... مادامك صاحب عائلة ما شاء الله كبيره ... فنصيحتي لك انك تبعد كاليفورنيا ... والسبب هو
١. غلاء الاسعار ... كاليفورنيا سياحية وانت ياطويل العمر منت مجبور انك تدفع طول السنه بالسعر السياحية وانت جاي للدراسة ... خل مصاريف السياحة للأجازات ...ووفر بالباقي ...
٢. تخصصك موجود في جامعة تعتبر من أفضل جامعات أمريكا بهالتخصص الا وهي جامعة ولاية أوكلاهوما مدينة ستل واتر ...
المدينة صغيره جداً ولا فيها اي شيء غير الطبيعة ... ولكن تستطيع ان توفر كثير بالمصاريف ... السكن لشخص مثلك في اعتقادي لن يكفية اقل من ثلاث غرف ... في كاليفورنيا بالكاد تلقالك شي متوسط في حدود 1800 الى 2500 دولار ... بينما في اوكلاهوما تأخذلك بيت اربع غرف وحوش وكراجين بحدود 1200 دولار بالكثير وشي ديلوكس ومعتبر ...
٣. نقطة مهمة جداً وهو تعليم الاطفال في المدارس ... ياأخي وكما هو معروف عند الامريكان انفسهم .. صعوبة التربية في مدارس كاليفورنيا... وانا اقول التربية مو التعليم ... لان كاليفورنيا مجتمع مفتوح على الآخر ... وأكيد ذلك سوف ينتقل الى ابنائك عن طريق المدارس بطريقة أو أخرى ... أما في ولايات الوسط فالناس هناك محافظة مقارنة بكاليفورنيا وهذا يعني انك ما راح تتعب كثير في تربية الابناء .. بالعكس اذا سجلتهم في المدرسة اللي جنب الجامعة .. رايح يكونوا مع ابناء الدكاترة وموظفي الجامعة والطلبة اللي منهم الدكتور والماجستير ... يعني سوف يستفيدون كثيراً ..

مجرد وجهة نظر من شخص مجرب ...
وبالتوفيق