اللي بولاية وسكونسن ملواكي يدخل يا شباب

عندي قبول من الجامعه والمعهد انا

مافهمت الرايتنق كيف يعني تكملة كلمات ؟؟

وشنو غير الرايتنق؟؟ وكيف الأسئلة جت عن ايش؟؟

وفي قرمر قواعد يعني او لا ؟؟

وانت ساكن تبع الجامعه او سكن خارجي؟؟ انا مشكلتي مع السكن...

انت اللي على راسي والله ما يصير يدخلون لأن المكتب الثقافي سوه بلوك على الجامعه لأن فيها نسبه كويتيين 40 واحد فأي جامعه عندنا يصير فيها 40 وفوق خلاص المكتب الثقافي يقول بس صكروا هالجامعه لين يتخرجون اللي فيها ويفج الظغط عنها بعدين ندخل كويتيين بعد

شوف اخوي اخر شي تقول عنه مشكله السكن راح تحصل بسرعه واول ما توصل كلمني على طول انا اخدمك بعيوني بالنسبه للمعهد انت على كلامك معطينك conditional admission معناته انت لازم تطوف مستوى معين علشان تقدر تدخل الدراسه الاكاديميه ولو عندك قبول مباشر مثلي انا تدخل على طول الجامعه وما يحتاج مستوى معين تطوفه بكورس اللغه علشان تدخل الجامعه
اول ما تدخل كورس اللغه اكو امتحان يحدد مستواك ويحطك او يحددلك ال grade او المستوى مالك والامتحان يكون عباره عن
writing : الرايتنغ يكون فقره وتكمل فيها الكلمات يعني يحطلك مثلا
i went to sc_ _ _ l فأنت تكمل الفراغ وتكتب باجي الكلمه بس طبعا على اصعب وفقرات طوال هذا بس مثال

reading : يعطيك فقره وتجاوب على الاسئله

listining : تسمع واحد يتكلم بعدين اييك سؤال وتجاوب عليه

والامتحان سهل وتقدر تطوفه بسهاله واذا خلصت الاختبار وطفته طبعا نسبه النجاح بكل سكشن 70% لو طفته تدخل شغله اسمها الاميرجن هذا يعني انت واحد واصل وما تحتاج غير كورس واحد بالكثير بالمعهد وتحصل على الدرجه اللي تطلبها الجامعه علشان تدخل على طول الجامعه وبجذي تستوفي شرط ال conditional admission باللغه

وطبعا لو عندك ايلز او توفل قبل لا تدش المعهد ومعطينك قبول فوري الجامعه ما راح يهمك المستوى اللي انت فيه باللغه راح تقدر تنجح ولا تسقط واخر شي انت انت بالجامعه بس هذا لو عندك الدرجه المطلوبه بالايلز او التوفل نفس حالتي انا يبت بالايلز 5 ونص وعندي قبول وداش معهد اللغه بس جذي دراسه وتعلم لغه واتعلم على المنطقه وادبرلي سكن

انشاء الله كان الرد كافي ووافي لو ماكان وافي قولي بشنو اقدر اساعدك ومن عيوني

لا مشكووور جزاك الله خير كفيت و وفيت..

بس برضوا احتاج اسماء سكن اطلع عليها قبل لا اروح..

انت وش اسم السكن حقك؟له موقع اون لاين؟؟ وبكم ايجارك في الشهر؟وكم غرفه؟؟

انا رايح على حسابي الخاص عشان كذا ابي اعرف يعني لو تخدمني بأسماء شقق تكون فضلت على راسي ..

يعطيك العافية اخوي,,

mr.gzeez

مشكور على تجاوبك و ردودك
انت شخص ايجابي و تستحق الاشادة و الشكر
موفق اخوي

حبيب ما تقصر تسلم والله يخليك على مرورك الاكثر من رائع

شوف عندك نوعين من السكن تقدر تطلع عليهم بالانترنت الفنادق والسكن الجامعي وانا انصح السكن الجامعي ايجاره 400 دولار بالشهر وما تدفع فواتير الماي والكهربا والنت موجود عندك بس فيه عيب واحد واهو انه تكرم ويكرم القارئ الحمام مشترك فالله يعينك بس تبي توفير اانصحك فيه والفنادق غاليه وما انصح كلش فيها والشقق مالها مواقع ولا جان قتلك جيك عليها بس الشقق صعب الحين تحصل لأن انت راح تيي على نص الكورس فاكثر الشقق الرخيصه ماخذينها امن الشقق الغاليه لا ابشر اكو منها وايد وانا ساكن بمكان اسمه maryland لما تعزم تيي انشاء الله اروح معاك عند صاحبة الشقه واجيكلك اذا فيه شقه ولا لأ انشاء الله اكو والايجار رخيص عندنا بس الشقه صغيره لك عليها غرفه ومطبخ وحمام تكرم ويكرم القارئ بس ارد اقولك انه الافظل انك تسكن بسكن الجامعه تتعلم لغه واكلك عليهم وكل شي وغير جذي تطالع افلام سينما ببلاش عندهم ويمك الجامعه ما يحتاج تروح بباص الصبح نفسي وخاصتا هالشغله بتفيدك بالبرد يمك الجامعه على طول لا تطلع ولا تتعنى وانت تمشي وتنطر الباص تحت الثلج ودرجة الحراره اللي تحت ال الصفر ب 30 درجه وعندك بعد النادي الصحي مظبوط وشغل عدل على كيف كيفك فخلاصه الموضوع سجل بسكن الجامعه وهذا موقعه
University Housing بس اسمحلي انا ما اقدر اساعدك فيه ياخوي لأن والله ما اعرف شلون اقدم عليه بس انشاء الله تدزلهم ايميل اهم يردون عليك ويفيدونك لا تحاتي واي خدمه انا حاظر

ياشباب وسكانسن ميلواكي انا قدمت على الجامعه تقريبا اكثر من شهرين والى الان ماجاءني رد شافي للاسف

ممكن مساعده اذا فيه احد يستطيع يستفسر لي من قلب الحدث عن عن طلبي المقدم للجامعه بليزززز ساعدوني الله يوفقكم

اللى باستطاعته يساعدني ويتواصل معي بارسال وسيلة اتصال على الخاص للموجودين في الولايه فقط اكون له من الشاكرين