المتواجدين في ميزوري ياليت يدخلون هنا

معقولة مافيه احد بديت احبط

لايجيك احباااط يالغالي ولاشيء الدنيا سهالاااااااااااااااااات مررة ....اي مطار تنزل ان شالله
....وترى الدعوووة عااادية جدا راس مالها طال عمرك حجز فندق من مكانك لمدة اسبووووع وبعدها تفتح الدراسة ....ووفي الحقيقة والله ما اعرف احد بها المدينة لبرتي ....لكن زي ماقلت لك لاتشيل هم ابد ....احجز وريح بالك وتمشى بالديرررة والامور بتتسهل وان شالله ابدور انا على سعوديين هناك
....اياك والاحباط واليأس الدنيا مليااانة سعوديين والله ان تمل منهم

يالبى قليبك والله ,كلامك حلو وانا قاعد بواشنطن لي اربعة ايام والأمور على مايرام لحد الان
لكن المشكلة انا ابي هناك احد يساعدني كيف اتعامل مع المعهد والعائلة الي بيحطوني معها
اللغة عندي ماش بس ربيك يعين وانشالله الشباب الطيبين الي مثلك مايقصرون
9163465084 هذا رقمي وانتظر اتصال اي شخص هناك يقدر يفيدني لو بمعلومة حتى.

الاخ وحداني السلام عليكم ورحمة الله ....فيه واحد من الشباب ان شالله يساعدك وان شالله يستقبلك ....هذا رقمه اسمه الاخ فهد اليامي ......8168241972 .....الرجال ينتظرك ياليت تدق عليه

ياجعل عمرك طويل الرجال كلمني ويوم كلمني حسيت كأن احد رش علي ماء بارد
الصراحة ما ادري شلون اشكرك لكن ما اقول الا عسى الله يوفقك ويجزاك عني كل خير

كفووووووووووووووووووو

والله بالرجال اللي تفزززززززع

الله لا يخليكم من بعض

اللهم لك الحمد ....وطال عمرك ان شالله امورك تتسهل ...وانت اللي كانك رشيت علي ماااء باارد لما شفت الرد وكلمك الرجال لاني كنت حريص على انك تتابع ردودي لك هنا بالمنتدى ...عالعموم الله يوفقك ويسهل عليك ولجميع المبتعثين...ولاتنسانا من دعاااك .....بالنسبة لاخوي ابراهيم الناس لبعضها يابعدي ومشكر يالغالي على حسن ظنك ...

الله يوفقك اخوي مبتعث طازج ويجزي اخوي فهد اليامي خير

والله ياشباب ان الرجال الي اسمه فهد اليامي انه يسوى قبيله بشيوخها لا اعرفه ولا يعرفني
ولا اخذ مني ولا سنت استقبلني واخذني لشقته وعشانا ووالله من شدة الشهامة الي فيه انه
خلاني انام بفراشة واخذني للبنك وفتح لي حساب وونسق لي مع المعهد ووداني لديرتي وتفاهم لي مع المعهد
ولا فارقني الا عند باب العايلة الي انا سكنت معهم الي مثله والله نوادر ماغبني الا شيء واحد
روئساء النادي السعودي في ولاية ميزوري مع احترامي لهم هم مو اهل لهذا المنصب ولا
قد المسؤاليه المعطاه لهم راسلتهم وهم ثلاثة وقلت لهم حتى لو ماقدرتو تساعدوني قدمو لي اي معلومه
وعطيتهم رقمي وتابعت معهم على الايمل لكن لاحياة لمن تنادي الحين يمكن لي 10 ايام متواجد
في ولاية ميزوري ولا واحد منهم رد علي لا ايميل ولا جوال
ورائساء النادي الي راسلتهم هم عاصم عبد اللطيف مدينة كانساس وسفيان عبد الرحمن مدينة سبرنق فيلد
وحسن عبدالله العلويات مدينة رول وكلهم في ولاية ميزوري مع العلم ان مدينتي جنب كانساس تبعد 20 دقيقه بالسيارة
تقريباً لكن ماعندك احد وما اقول الا ياعسى ايماك كلها سعادة وخير دنياء واخره يامبتعث طازج انت وفهد اليامي.