هل من مساعدة لمدمني وعشاق القهوة في امريكا ..
السلام عليكم
اخواني اخواتي قدر الله ولم أخذ القهوة معي من السعودية مع اني جهزتها واشتريتها
لكن الحمد لله على كل حال ..سؤالي الان كيف احصل على القهوة العربية هنا .. غير البقالة السعودية اللي جنب المسجد ...بكالمزوا..
لاني ما وجدتها فيها ...
ولا احد يقولي اشربي نسكافيه ما يعوضني ابدا ...
وشكرا لكم
رد: هل من مساعدة لمدمني وعشاق القهوة في امريكا ..
خلي احد من اهلك يرسلها لك بالفيديكس
لا تعوري قلبي لأني مدمنة عربي و تركي و الله يستر
رد: هل من مساعدة لمدمني وعشاق القهوة في امريكا ..
الله الله يازين قهووة امي بس:1eye:
والله انا واخوي بناااخذ معنا قهوة وفناجيل وتمر ونفل امها اللي يبي حياه الله بسكن جامعتنا بهيوستن << بس فنجال واحد نصب لكم
امم اقترح انك تخلي احد يرسل لك عن طريق الـ DHL ولا مع احد من اقربائك او اصدقائك وبس تنحل المشكلة
رد: هل من مساعدة لمدمني وعشاق القهوة في امريكا ..
روحي لمدينة ديربون تلاقين فيها كل شي عربي
رد: هل من مساعدة لمدمني وعشاق القهوة في امريكا ..
الله يكفينا شر الادمان ههههههههه
والله ياختي مالك الا يرسلونها لك بـ
Dhl او FedEx راح يكلفك واسعارهم مره غاليه بذات اذا الشحن بالكيلو
لان كل كيلو له سعر مختلف
انصحك اذا بتشحنين القهوه اشحنيها عن طريق المطار لان اسعارهم مره رخيصه ارخص من FedEx و Dhl
واذا تبغين نصيحتي اشحنيها مع اي احد مسافر لامريكا عشان تفتكين من الاجراءات االشحن المعقده
والله يعينك على اجراءات الشحن
راح يطلبون منك شهاده صحه نباتيه عشان تقدرين تشحنيها
وهالشهاده راح تطلعينها من نفس المطار او من اقرب مكتب لوزارة الزراعه
طبعا لازم تفحص القهوه قبل استخراج الشهاده
وكل هالاجراءات المعقده تسهل لك استلام الشحنه بكل سهوله لما توصلك
الله يوفقك
رد: هل من مساعدة لمدمني وعشاق القهوة في امريكا ..
شكرا ع مروركم وع تفاعلكم معي ..
أهلي راح يشحنونها لي عن طريق شركة ارامكس لانها انسب شيء وجدته
بعدين هل فعلا راح يعقدونا بالشهادة النباتية ..مع انه عليها ستيكرات من تمور الصالحية ..
كل ما قلت انحلت تعقدت ..اتمنى تردون علي ...!
رد: هل من مساعدة لمدمني وعشاق القهوة في امريكا ..
هذااا الموضوووع ان شاء الله يفيدك كثيررررر
http://www.mbt3th.us/vb/forum8/thread150706.html
والله يوفقك
لو انتي عندنا في سان انتونيوا كااان انحلت مشكلتك امس شاااري قهوهـ وهيل من بقاله عربيه عندنااااا
رد: هل من مساعدة لمدمني وعشاق القهوة في امريكا ..
اقتباس:
المشاركة الأصلية كتبت بواسطة halah
شكرا ع مروركم وع تفاعلكم معي ..
اقتباس:
المشاركة الأصلية كتبت بواسطة halah
أهلي راح يشحنونها لي عن طريق شركة ارامكس لانها انسب شيء وجدته
بعدين هل فعلا راح يعقدونا بالشهادة النباتية ..مع انه عليها ستيكرات من تمور الصالحية ..
كل ما قلت انحلت تعقدت ..اتمنى تردون علي ...!
ارامكس مشكلتها تتاخر بالارساليه ولا ادري كم اسعارها والشهاده الصحه النباتيه لازم تكون موجوده انا قبل كم فتره جيت ابشحن عسل على طريق dhl وطلبو مني شهاده صحه نباتيه ولما رحت للمطار برضو طلبو هالشهاده اتوقع ان هالشهاده مهمه استخراجه متعب شوي لان يبغلها شويت مراجعه يعملو اختبار تحليل للعينه اللي تبغين ترسلينها وبعد طلوع النتائج التحليل و التحقق من سلامتها ومن خلوها من المواد المخدره بعدها يصرف لك شهاده صحه نباتيه وبعد استخراج شهاده صحه نباتيه يتم تعبية بعض البيانات من ضمنها تاريخ الانتاج و تاريخ الانتهاء و بلد المصدر و عناوين المرسل و المستلم واذا انتي تقولين شاريتها من تمور الصالحيه مافي مشكله تقدرين تدخلين على موقع الاكتروني لتمور الصالحيه وتسوقين فيه على كيفك وتطلبين و تشترين اللي تبغين وشركة تمو الصالحيه راح ترسلهم لك لما باب بيتك بامريكا طبعا ترسلهم لك بعد ماتعبين الاسبيانات و المعلوومات الكامله عنك واتوقع تقدرين تسوقين بموقع تمور الصاليحه ببطاقة فيزا كارد و ماستر كارد و كاش يو وغيرهم من البطاقات الدوليه ورابط موقع تمور الصالحيه تحصلينه على اغلفتهم لاني بحثت عنه بالانترنت وحصلت الرابط لكنه مايفتح معاي ولا اوصيك عاد اول ماتوصلك القهوه لا تنسين تصورينها وتنزلينها بالمنتدى :)
تحياتي ..
رد: هل من مساعدة لمدمني وعشاق القهوة في امريكا ..
السلام عليكم جميعاً ...
اشكركم اخواني واخواتي ع التواصل والتفاعل وشكرا (قررت اسافر ) ع هالرابط المفيد صراحة .. استفدت منه كثير بارك الله فيك ...شكرا اخوي زياد ع ما ذكرته من معلومات مفصلة كافية وافية ...
انا بصراحة جلست مع مقيمات عربيات هينا بالمدينة امس فقالوا لي انه فيه محل عربي اسمة مديتيريان يبعد عن كالمزوا ساعة الاربع بالسيارة وفيه كل شيء يطري ع بالك من الاشياء العربية (لحم حلال ،بهارات ،بقوليات،مخللات ، قهوة ،هيل ،يانسون ومن هالقبيل )
ان شاء الله امره هالايام وارد لكم اخوتي ...
يعني بأنكسل طلبية القهوة من السعودية لانها مكلفة ع غير سنع ...!
ان شاء الله القى القهوة اللي في بالي ...!!
رد: هل من مساعدة لمدمني وعشاق القهوة في امريكا ..
اقتباس:
المشاركة الأصلية كتبت بواسطة halah
السلام عليكم جميعاً ...
اقتباس:
المشاركة الأصلية كتبت بواسطة halah
اشكركم اخواني واخواتي ع التواصل والتفاعل وشكرا (قررت اسافر ) ع هالرابط المفيد صراحة .. استفدت منه كثير بارك الله فيك ...شكرا اخوي زياد ع ما ذكرته من معلومات مفصلة كافية وافية ...
انا بصراحة جلست مع مقيمات عربيات هينا بالمدينة امس فقالوا لي انه فيه محل عربي اسمة مديتيريان يبعد عن كالمزوا ساعة الاربع بالسيارة وفيه كل شيء يطري ع بالك من الاشياء العربية (لحم حلال ،بهارات ،بقوليات،مخللات ، قهوة ،هيل ،يانسون ومن هالقبيل )
ان شاء الله امره هالايام وارد لكم اخوتي ...
يعني بأنكسل طلبية القهوة من السعودية لانها مكلفة ع غير سنع ...!
ان شاء الله القى القهوة اللي في بالي ...!!
العفووو هذا واجبنا الله يحفظك
والحمدالله اسألتك و طرحك بالمنتدى تقدم الاستفاده لكل اعضاء و زوار مبتعث
وان شاء الله تحصلين كل ماينقصك بمدينة كالمزورا
الله يحفظك ويستر عليك
تقبلي مروري العطر ...