اولا السلام عليكم ورحمه الله وبركاته

كيفكم ان شاء الله بخير

انا اليوم حبيت اطرح موضوع عن بعض الاماكن اللي عرفتها هنا

واعجبتني وان شاء الله تعجبكم انت بعد

والموضوع يتضمن عناوين المناطق اللي بتكلم عنها

...........

ان من جيت لسان انتوينو قبل 3 شهور واسمع الناس يقولون مافيها شي

مع الوقت بديت ابحث ولقيت كم مكان حسيت انها اماكن لازم الواحد يزورها

المهم خلونا نبدا


اول شي واشهر شي Reverwalk

هو نهر يجري في وسط مدينه سان انتونيو وهو يعتبر الداون تاون

وراح تلقى فيه كثيــر من المطاعم والمقاهي المشهوره على مستوى امريكا وعلى مستوى العالم

وبتلقى فيه القوارب اللي تركبها والشخص اللي يسوق فيك راح يعلمك بالقصص اللي صارت بهالمنطقه

مكان من افضل الاماكن





ثانيا Alamo

وهذا متحف قديم راح يحكي لك قصه سان انتوينو والحرب اللي صارت بين المكسيكان والناس اللي كانوا ساكنين في هاذي المدينه القديمه اللي كان اسمها Alamo
وموقع المتحف هذا جنب reverwalk بالداون تاون جنب reverwalk وراح تلقى
سينما اسمه IMAX يعرضون فيه الفلم القديم اللي صوروه تجسيد للقصه وكلهم على نفس الشارع

ولاتشيل هم الداون تاون صغير جدا بحيث انك من تدخل سان انتونيو المدينه راح تلقى اللوح بوجهك على طول
وكل شي راح تلقاه قدامك
ALAMO





ثالثا RODEO

اللي هو دايم نشوفه بالتلفزيونات اللي يركب على الخيل او الثور ويحاول يطيحه وهاذي تعبتر من الرياضات اللي تشتهر فيها تكساس وسان انتونيو بشكل خاص

وهذا الموقع اللي تشتري منه التذاكر

http://alamotickets.com/san_antonio_rodeo_tickets.html





رابعا Dude Ranches

هذا من امتع الاشياء اللي بتمر عليك بحياتك .. اللي هو انك تعيش حياه الكاوبوي بويكند هذول اشخاص تدخل معاهم
انت وعائلتك او انت او انت واصحابك وتطلعون بجوله لمده يومين على الخيول ومعاكم البقر بعيد عن المدينه
وتمشون من منطقه لمنطقه شي ممتع للغايه مايتفوت

هذا الموقع حقهم

http://rds.yahoo.com/_ylt=A9G_bDm0ZV...ies/Cowboy.jpg





خامسا Skydiving

طبعا للي يحبون الاثاره والحماس شي غني عن التعريف الصوره راح تتكلم

طبعا لاتشيل هم مدربك راح يكون وراك ..

وهذا رابط الموقع للحجز

http://www.1800skyride.com/Skydiving/SanAntonio/






سادسًا Pintball

طبعا هاذي للشباب اللي مايعرف وش تصير اللعبه هاذي

باختصار يعطونك مسدس وفيه طلقات كور صغيره تكون مثل البويه من تصيبك راح تنفجر صح انها تؤلم بس ممتعه للغايه .. اهم شي كثر ملابس اذا جيت تروح لانها من جد تلسع << اسأل مجرب ولا تسال طبيب

العنوان

20590E Bandera Rd
Helotes Texas
Unaited States




سابعا Six Flags

هاذي تعتبر من اشهر مدن الملاهي في امريكا ومنتشره في كل مكان بامريكا
ملاهي ممتعه جدا مناسبه للكبار والصغار
اذا اعجبك المكان انصحك تاخذ الاشتراك حق السنه كامله لانه راح يطلع عليك ارخص
ومايحتاج تدفع كل ماجيت تدخل

الموقع والله ماعندي العنوان بس الاكيد انه على طريق 10
exit 555 تروح يسار ( هذا اذا كنت جاي من جهة 410 )) تمشي شوي وراح تلقاه على اليمين

http://www.sixflags.com/fiestatexas/index.aspx





المهم ببطل اعد

فيه Sea World

هاذي ملاهي بعد بس اكثر شي فيها الالعاب المائيه وفيها عروض للدلافين والحيتان

شي ممتع للكبار والصغار بعد بس اذا تبي تستمتع صح رح لها بالصيف

الموقع exit 9 بعدين راح تلقى اللوح اللي تدلك عليه

http://www.seaworld.com/sanantonio/default.aspx





وهذا اللي يحضرني الحين وان شاء الله اذا لقيت شي زين بعد بنزله هنا

واتمنى من اي احد يعرف اي شي عن المناطق اللي ممكن الواحد يستانس فيها هنا

يعلمنا

واسف ان قصرت بشي

وشكرا ..

amizing
thanks Meshari
before we had daubt to go to texase
but now
u give us more confindance and motivation to be in san antoniob

thanks again i wish to see u there

معلوماااات رائعه بس حبيت اسئلك
عن اللغه هناك ونطق اللغه بالنسبه لسكان سان انتونيو هل هوا سهل او ثقيل
لاني سمعت انو الاكسنت مختلف وتغلب اللغه المكسيكيه

يسلموووووووو

albadri

you are welcome brother
*me to

لوليمو

الاكسنت مافيه اي مشكله وانا اللي لاحظته انه سهل كثير
بس الكلام عن اللغه المكسيكيه انه راح تلقى 95% من السكان يتقنون اللغه المكسيكيه بس مب لدرجه ان الشي هذا
يخليهم يخلطون الكلام
يعني مافيه اي مشكله الحمد لله

اخوي مشاري مزرعة الكاوبوي ممكن تعطيني موقعهم ولا عليك امر
وتنفع اخذ اهلي وبزورتي فيها
ولازم نبات ولا ممكن الواحد يروح من الفجر ويرجع الليل

والله اللي اعرفه فيه اثنين ناس تنام والثانين لا

بس شف هذا الموقع يمكن تلقى فيه اللي تبيه لان فيه اكثر من مزرعه

Dude Ranches : Search Form

وااااااااااااااااااااااااااااااااااااااااوووووو احلىىىىىىى موضوووووووووع عن سان انتونيو ان شاء الله بدرس فيها انا وزوجي

كانوا يقولون ممله بس الحين تحمست والله واذا طفشنااااااااا عقب كل هالوناسه خخخخخ اوستن ودالاس قريبات مامن طفش ان شاء الله


يسلمووووووووووووووووووووووو من جد تستاهل صفقه

مشكور يا غالي
وتسلم

مرحبا من جديد
بالنسبه للسكن في سان انتونيو
افضل الاماكن للسكن+اقربها لجامعة UTSA
السكن منفرد ام مع عائله افضل
وهل العائله ممكن تستقبلنا من المطار
لاني ناويه من السعودييه على سان ماراح انزل واشنطن حسب كلام الوزاره انو نقدر نفتح ملفات عن طريق النت ولا داعي للتوقف في واشنطن

اخوي اللي جاي لسان انتونيو السكن هنا متوفر وبشكل كبير يعني تقدر تسكن مع عائله او بسكن الجامعه

وهذا الرابط حق الابلكيشن حق العوائل لانه صعب تلقى هنا

ولاتشيل هم بيستقبلونك

San Antonio Home Stay