ساكني دنتون ..(( أين أنتم ..؟))

بصراحة أنا ما أقدر أفيدك.. بس أنصحك انك تتواصل مع الجامعة أو المعهد إلي انت رايحله بأنه يعطيك اسماء أماكن للسكن.. ولا تدفع دولار إلا بعد ماتشوف السكن بعينك لو ايش ماصار.. لانه ممكن يطلع مقلب..

الله يوفقك ...

شكرررررررررررررررررررررررررررررررررررررا على ردك الاكثر من رائع
قريبة من القلب هي احرفك ..
ادامك الله بصحة و عافية

سم يابعدي امر
انا ساكن بدينتون لي حول 5 شهور
بالنسبة للسكن عندي كم سؤال لك
عائلة ولا لحالك ؟
اذا لحالك تفضل مع عائلة ولا روميت ولا لحالك ؟
ببالنسبة لقريب من الجامعة الديرة صغيرة واغلب المجمعات فيها باصات للجامعة ماعندك مشكلة

عذرا من صاحب الموضوع
لكن انا ايضا رايح لدنتون مع عائلتي في شهر مايو وبحثت كثير عن اماكن للسكن ووجدت مجمعات كثيرة لكني احترت فيها وفي مصداقية عروضهم فبماذا تشير علي وهل المدينه آمنة ؟؟

هلا اخوي بالنسبة لسكن العوائل الموجود كثير ويتحكم فيه القرب والسعر وكم تبي غرفة وغيرها
لكن نصيحة لله لاتجزم على شي لين تجي وتشوف بعينك

هنا في شي اسمه عقد والعقد يلزمك وصدقني كثير سعوديين تورطو بسبته
يعني تستأجر لمدة سنة وبعد شهرين تبي تطلع يلزمونك تدفع لين نهاية عقدك ..

العروض اغلبها صحيح وفيه عروض مغرية إذا كنت تبي تستاجر لمدة طويلة يعني لمدة سنتين وحولها ..

المدينة امنة ماشفنا منها مشاكل

أهلين أخوي devilxvx

و الله يا ردك يبهج الخاطر ...
أنا معي عائلتي ...
و قدمت على السكن في مجمع (( روزمنت)) ما أدري تعرفه أو لا ..!!
بس كانت الاشكالية في اجراءاته اللي تمتد الى أسبوعين ، و أنت خابر أن الدراسة قربت ، فهذا سبب لي نوع من الارباك ..
و لكن ... إذا تعرف سكن حلو و قريب من الجامعة و اجراءاته قصيرة ، و متوفر عندهم شقة شاغرة فياليت تدلني عليهم ...بالاضافة الى مراعاة الجو النفسي من حيث الجيران و الناحية الامنية ، ( مثلك خابر : الجديد يهاب من كل شيء .)

و كلي شكر و امتنان على تفاعلك الحيوي مع الموضوع ...
.
.
و دمت!!

هلا اخوي
شف بكون معك صريح حول الجامعة عوائل مااعرف شي زين ابد
غالباً جنب الجامعة يكون مجمعات طلاب ولاهي بذاك الزود بعد ..

تبي اشوف لك شي زين عطني كم تبي غرفة وكم حدك وباذن الله بسأل الشباب وبدور لك اللي بخاطرك (المشكلة اني عزابي واغلب اللي اعرفه مجمعات الشباب ولا ودي صراحة اشور عليك بشي وانا مني خابره زين )

انا مسافر بكرا يومين وراجع الاحد باذن الله فاذا كنت تحتاج اي شي لايردك إلا لسانك

السلام عليكم فيه شقه جدا قريبه من المعهد تقريبا أربع دقايق مشي إلى داخل الجامعه حتى ماتحتاج سياره ويعتبر السكن جديد وهذا إيميلي almshtake على الهوتميل
وأتمنى انك تكلمني بأسرع وقت وشكرا