ولايه متشغن جامعه جراند فالي ....الله يكتب لكم الجنه سوال ضرووووري

والله يا طويل العمر الجامعة هذي جاني قبول ماجستير نظم معلومات منها وحصلته معتمد من وزارة التعليم العالي فيجب عليك التاكد من المكتب اللي جاب لك القبول . انا سفري على نوفمبر ولا لقيت احد بهالجامعة ولو سالنا ماحد يجاوب الله يخارجنا بس.

إرجـع للمكتب واسترجع المبلغ كـامل. التخصص غير معترف فيه للماجستير من التعليم العالي وبالتالي ما راح يُسمح لك تدرس فيها.

ولو درست على حسابك ما راح تٌعادلك درجة الماجستير.

هلا شباب انا بنفس المدينه هذي وادرس بالمعهد ......... الجامعه ماعندي معلومات واجد عنها بس اعرف طلاب يدرسون بالجامعه .... اسأل وان شاء الله احاول اجاوب عليك باللي اعرفه ..!!


فهد

أخوي نويت ارحل

انا من سكان قراند رابدز وادرس بالمعهد الي جمب الجامعة نفسها وبنفس الوقت انا قبولي من جامعة قراند فالي

بس ابي اقولك ع شي ما تعرفه كوني طالب هنا واشوف بعيني

نسبة الطلاب الي في المعهد الي جمب جامعة قراند فالي 90% سعوديين ^_^ <<< من كثر السعوديين في كم مدرس صار يتعلم اللغة العربية

ما علينا من ذا كله

انت سؤالك عن الجامعة ؟

كل الطلاب الي بالمعهد قبولهم من جامعة قراند فالي ولكن ملاحظة قبول ماخذينه مبدئي ع شان ندرس وندخل البعثة لان بعد ما نخلص من المعهد مستحيل ندرس في جامعة قراند فالي لان بصراحه كل سنة عن سنة صارت اصعب لدرجة ان كل 10 طالب سعودي واحد الي يدخل جامعة قراند فالي و 9 يجبون قبول من جامعة ثانية لية .؟

لان جامعة قراند فالي مرة صعبة

انا ما ابي احطمك لا بس انا اقولك الي اشوفه قدام عيني وانا من الطلاب الي ماخذ قبول تخصص اقتصاد ولكن في النهاية بشوف لي جامعة ثانية

عدد طلاب قراند فالي 10 طلاب سعوديين الي يدرسون ع ان الطلاب السعوديين عددهم فوق 100 طالب سعودي

لية صارت جامعة قراند فالي صعبة لان اصلاَ هي الجامعة كانت جامعة عادية دبلوم ثم تحولت الى بالكلوريوس ثم ماستر وكل مرة تتصعب

واصعب شي فيها التخصصات الادارية او البزنس وما شابها من هذي التخصصات

انت تعال عادي مافي اي مشاكل ادرس بالمعهد وشوف بنفسك لان عندك وقت ع ما تدرس المعهد

اذا انت دافور تمشي امورك اما اقل صعب شوي

نسيت اقولك شي اخير انتبه تكنسل تخصصك لان قبول الماستر صعب ع شان كذا خلك بتخصصك الين تلقى قبول ثاني

بتوفيق غناتي