جامعة Ball State University عاجل يأهل منسي

حياك الباري يا استاذي ...

لو تسوي بحث بالمنتدى عن اسم الجامعه او المدينة تلقى معلومات كثيرة بل وتلقى الاعضاء سووا قروب مسنجر تقدر تسجل فيه وشرحنا كل شئ حتى مقاسات الغرف واماكن الحلاقين .. انت بس سوي بحث تلقى كل شئ

عموما راح اجاوب على اسئلتك كلها .. ما طلبت شئ

1- عوائل ما فيه .. كل الشباب ساكنين اما مع بعضهم او مع اجانب .. المدينة فيها الان حدود ال100 طالب سعودي صرنا نلقاهم في كل مكان .. والله يطرح البركه

2- المعهد كان جيد الان من كثرة السعوديين شكلهم حتى المدرسين بيصيروا سعوديين عموما فيه كرف جامد وتراه ما يغنيك عن التوفل لازم توفل .. لا تسألني تفاصيل اكثر سوي البحث لا هنت وشوف فيه الفين رد بهذا الخصوص وسجل لو تحب القروب ودردش براحتك

3- انت تعال وربك يسهلها فيه كذا واحد يدرس الان نفس التخصص لا تشيل هم لما توصل ان شالله تعرف كل شئ

4- طرق السكن عموما اما شقة لوحدك - غرفة لوحدك - بيت لوحدك - او نفس الخيارات مع سعوديين او اجانب ... طالما لوحدك امورك هينة

اخيرا طالما تحس نفسك ضايع سجل بالقورب ودردش مع العالم وموفق ان شالله

نشوفك على خير

الله يحييك,,

انا ما اقدر اخدمك الا برابط القروبgroup1073154#********.com
لا تشيل هم ان شاء الله يفيدونك الاخوة والاخوات في القروب..

تمنياتي لك بالتوفيق والله يسهل عليك,,

نـعـم الـGRE مطلوب لتخصص ماجستير علوم الحاسب , ولهذا أنصح بالبحث عن جامعات أخرى لأن كثيراً من الجامعات لا تطلب لا الـGRE ولا الـGMAT للـCS

لا ما تورطت .. فيه غيرك كثير يدرس نفس التخصص

انت لما توصل بالسلامة تقدر تختبره اي وقت اثناء دراستك والظاهر ممكن يقبولون اي درجة

وموفق ان شالله