مساعدة سكن في سان انتونيو تكساس :S

أحم أحم .. شباب محد ناوي يعبرني

كان ودي اساعدك بشي بس ماعندي خلفيه وين موقع els وانا مثلك جديد بالمدينه بس راح ادرس في جامعة تكساس

على حسب اللي سمعت فيه سكن اسمه بدجت سويت تقدر تستاجر اسبوع ,شهر الي تبي للحد ماتضبط لك سكن كويس

الله يوفقك وان شاء الله الشباب مايقصرون

اخوي ياسر يعني انت في سان انتونيو الان ؟
إذا كنت كذا فخلك صديقي

ياخي اكره اروح ديرة ما اعرف فيها احد

هلا أخوي ,,,

بدجت سويت مره بعيد عن ELS أبدا مو قريب يعني تقريبا مسافة نص ساعة أو عشرين دقيقة بالسياره , بس تقدر تستأجر فيه يوم أو إسبوع زي ماتبغى .
وبصراحه ماأدري إذا كان في قريب من المعهد سكن زي بدجت تقدر تستأجر فيه كم يوم أو لا .
إن شاالله راح تلاقي مين يفيدك , الشباب هنا مابيقصروا .
توصل بالسلامه يااااااارب .

بدجت سويت موقعه بـ Medical center
رابط موقعهم ..

يعيبه عدم النظافه واسرتهم غبيه جداً ..

سكن الجامعه حلو .. بالبدايه ماتوقع فيه سكن قريب من الجامعه كشقق لأن النظام هنا اجارات شهريه .. بس عطين يوم او يومين واجيب لك موقع سكن قريب من المعهد بس دامك جديد اسكن بالدورم حق الجامعه (سكن الجامعه) وتسكنه اول ماتجي .. تطلب وتدفع وتسكن ..

عيب سكن الجامعه شي واحد ..
ان المعهد ماخذ قسم من سكن الجامعه ويسكن به الطلاب حقينه يعني الروميت اللي بيسكن معك بنفس الغرفه .. واحد من طلاب المعهد سواء سعودي او احد الطلاب الدارسين تبع المعهد ..

يعني المعهد مايسكنك مع طلاب الجامعه نفسهم .. لو كان يسكنك كان تقدر تستفيد لغه لأنك تدخل مع شبابهم .. وتستفيد صداقه ولغه ..

عموماً مابعد المعهد لما تنزل تقدر تسولف مع الطلاب وانت تلعب بالجيم

اذا بتبحث عن سكن قريب للجامعه .. اسم الشارع الرئيسي Bradway ابحث بهالشارع وان شاء الله تحصل

شكرا اخوي دحومي ..

انا بسكن في سكن المعهد إن شاء الله .. بس ما اقدر ادخل السكن إلا قبل الكورس بيوم.. وهذي المشكلة
انا بجي قبل الكورس ب 3 ايام .. فودي بشي قريب وودي بناس اعرفهم من نفس المدينه.

يعلموني عالبنوك وغيرها.
لاني منيب احب اجلس لحالي ابد

على فكرة انا مو ضروري ابي شقق دحومي حتى لو فندق مو مشكلة بس يكون مجرب .. من الطلاب خصوصا فهمتني
لان مواقع الحجوزات ما يعتمد عليها لانهم يكذبون كثير بخصوص القرب والبعد وسهولة الوصول .. لان مرات يكون الفندق قريب بس ما فيه ممشى له..

إلا على الطاري .. شخبارك مع التقويم .. لان انا عندي تقويم واتذكر قد قريتلك موضوع عن التقويم .. فهل فيه شي جديد؟

فزكتكم شباب انا سبق لي وحطيت موضوع عن اي معلومات حول جامعة سانت ماريز لاني سوف ابدا دراستي بعد شهر تقريبا في الجامعه . ولم اتلقى اي اجابه فالله يعافيكم يا شباب الي عنده اي ملومات عن الجامعه وهل فيها سعودين ممكن يساعدونا . وسكن قريب من الجامعه واي معلومات ممكن تفيدني كمستجد في سان انتونيو

هلابك ،،

جامعة سانت ميرز مليانه سعوديين لاتخاف واللي فيهم الخير كثير وبيساعدونك ان شاء الله ،،

السكن ما انصح حسب اللي وصلني بالسكن قريب من جامعة سانت ميرز لان الحي (موب ذاك الزود) خصوصا من سكانه ..

الافضل طبعا ً في الميدكل سنتر حي راقي امن فيه جميع الخدمات ،

قلي بس وش تبي ووش ناقصك وابشر