Texas - San Antonio

معــقوووولة محد عنده خلفية عن الموضوع

هلوووووو
أنا رايح ان شاء الله سان انتونيو على تاريخ 30-7-2010

شوف هذا الموضوع
انشاءلله يفيدونك
http://www.mbt3th.us/vb/forum41/thread80331.html

بالتوفيق

والله شوف ..
انا توني وصلت المدنية من يومين.

اقدر اجاوبك على نقطتين.

انا ساكن في فندق بوسط البلد..
من اول زيارة اقدر اقولك الشعب حبوب .. طيب .. وراعي وناسة..
اللاتينيين واجد شوي .. بس اليفين

والمدينه حلوة بس مرة يبيلها سيارة .. ما تنفع عالباصات باصاتهم مخيسة وتحوسك وتعطلك وتضيع وقتك.

بالنسبة للهوم ستي .. فما اعتقد بتلاقي لان واجد اللي يبونها هنا وابشرك اغلب العوايل ما تبي سعوديين
فحاول تضبط لك احد تسكن معه.

انا جالس ادورلي سكن لحالي لاني لقيت هذا اسلم شي.

اخر شي .. إذا انت في معهد ELS فانصحك تغيره .. لانك بتحس انك جالس في فرع الرياض من كثر الشباب السعوديين

دايما اقول النت ما خلى شي
والي يبي السكن يدور بمواقع النت افضل ويتصل يسال عن كل الي يبي
بعدها يروح يشوفها بنفسه
موفقين

انا دراستي في 16/8/2010
في جامعة تكساس سان انتونيو
والى الان ما سويت شي نبي معلومات عن السكن والتكلفة

مشكوررين يالغالي , لكن هل متأكدين انه ما فيه امل اسكن مع عوائل

وإذا في معهد utsa اكثر واكثر سعوديين ؟ طيب يروح وين ؟

ياحبيبي كنا نقولها نبي معهد بدون سعوديين قبل نجي امريكا بس الحقيقه شي ثاني لولا الله ثم السعوديين كان قفلت المعاهد

الشي الثاني مافي معهد صاحي بامريكا كلها الا فيه سعوديين ( عشان اختصرها عليك ) الا اذا هو في قريه ماوصلها الماء والكهرب هنا اقدر اقولك احتمال مافيه سعوديين ..

وجود السعوديين ماهي مشكله ، المشكله فيك انت في كيفية التعامل مع الدراسه والاختلاط مع الغير سواء كانوا سعوديين او اجانب ،،

وللمعلوميه طلاب معهد utsa اكثر من طلاب معهد ELS يمكن ثلاث او اربع اضعاف !

نرجع لصاحب الموضوع ،،

الأمــآن

لاتخاف الامان هنا ممتاز ، ولكن كما هو معروف حتى لو انك في السعوديه تجنب طلعات اخر الليل لوحدك ..

الأجواء

حاره شوي بالصيف توصل درجة الحراره الى 38 ، وتنزل امطار تقريبا ً كل شهر مره مرتين ،،

الشعب

للحين ماشفت منه الا كل خير ، انا ماجربت الشعوب الاخرى في الولايات الثانيه .. لكن بشكل عام شعب محترم

المعهد والجامعة هل هي ممتازة او لا

الظاهر انك خلاص خلصت امورك من ناحية المعهد وجاي قريب ، فما اعتقد وجهة نظري تبي تفيدك .. تعال واحكم وعندك امكانيه تغيير وربي يوفقك ..

Host families - home stay

للأسف بالقطاره العوائل عندهم ، وبعيده عاده عن الجامعات والمعاهد لذلك يبي لك سياره ،،

الترفيه والمجمعات بالمدينة

فيه اماكن ترفيهيه ملاهي وما ملاهي وفيه كذا سوق حليو ،،



بالتوفيق لنا ولك ، وارجوا اني قدرت افيدك ،،

مافي شي اسمه مستحيل ، اذا انت ترغب الشي هذا حاول وبتلقى إن شاء الله ..

واتوقع المركز اللي جاب لك القبول تقدر تطالبه يوفر لك سكن (مجاناً) ،،