ولاية louisiana مدينة ruston معلومات عنها

ممكن سؤال

ليه ما عجبتك المدينة ؟؟؟

و المعهد لهذي الدرجة سئ ؟؟

المدينة بختصار مافيها """((((مواصلات)))"""" ومافيها مطاعم كويسه وناس موجوده في المدينة عنصرين و الاجواء رطوبه وحر حر حر موووت وفي الشتاء برد برد مووووت وانا الحين ندمان واعظ اصابع الندم على اختياري روستن والله لا يوفق المكاتب الي طيحوني في روستن وطيح ناس غيري ....

وعلى المعهد شيء الاول انه غالي مرا مرا والشيء الاخيس توصل مستوى رابع يدرسونك كتاب مستوى سادس واذا سقطت محد يعذرني على سقوطي عشان ادرس كتوب اعلى من مستوي مرتين وثانين ونفس الفصل تدرس فيه معاك طلاب غير مستواك وهاذي النقطه تضيعك ولا تخليك تفهم وفي بعض الطلاب يدرسون في غرفة المدرسين و بعض الحصص يكون في عشرين طالب في فصل واحد ومستويات غير .....

وازيدك من الشعر بيت رافعين شكاوي على المعهد وجاء واحد من موظفين الملحقية اسمه د.فلاح الحقباني وشاف الوضع ولا صار شيء بس قال اي طلب نقل من مدينة روستن الى مدينة اخرى يسرعون على تخليص نقل بسرعه وهو قال بنفس هاذا الكلام

وهاذا الكلام مو وجهت نظري انا الحالي تقدر تسال اي واحد يدرس او يعيش بنفس المدينة وبنفس المعهد ويقولك نفس الكلام االي قلته لك وممكن يقولك اشياء اخس من كذا ......

وصراحتن لو بتكلم عن كل شيء في هاذي المدينة مارح اخلص وهاذي رؤس اقلام فقط مع التحيه

وهاذا كلام اشخاص يتكلمون عن المدينة ونفس كلامي بضبط

كلامك كلها صحيح وتسلملي على هاذا الموضوع واتمنى من كل الطلاب لايجون روستن لانهم راح يندمون

شباب أنا قدمت أوراقي للمعهد وأرسلوها وتوصل بكره الجمعه

تكفون شباب وش أسوي

خلاص ما أبيها أبي الفكه منها

وربي أنصدمت المكتب قالي كلام ثاني وهنا أسمع الناس تقول كلام ثاني حسبي الله ونعم الوكيل

الي يعرف طريقه تكفون ساعدوني

وخصوصاً بطلع على حسابي وما أبي ميزانيتي تروح وأنا ما أستفدت شي

مدام على حسابك بقولك شغله.. المعهد تجاري و غالي و كل شهر 1700 دولار حوالي 7000 ريال "هاذا راتب موظف كامل" وغير كذا الايجار السكن يوصل 500 دولار 1900 ريال شهرين وهاذا اذا لقيت في نفس سكني وفي سكن يوصل 1500 دولار

انا على حسابي وبقولك شيء بصراحه ياكريستال و إلا الان خسرت 50 ألف ريال خلال 4 شهور والله مبلغ خيالي وضاعت كل فلوسي .... والله ثم والله متندم على اختياري روستن وعلى الناس الي قريت لهم وقالو روستن حلوه ورخيصه ايش الرخص وانا خسارن خلال 4 شهور 50 الف ريال

هاذا بس تكاليف المعهد والمدينة و لو بتكلم عن الدراسة المعهد والحياة المدينة ....

وانت مدام موجود في السعودية ...قدم على جامعه ثانيه ومعهد ثاني واذا انت خايف على I20 ...راح تجيك I20 جديد اذا قدمة معهد ثاني

وبعطيك نصيحه ثانيه مدام انت على حسابك واكيد راح تكون معانااتك زي معاناتي.. اول شوف مدينة في مواصلات مثل قطارات في المدينة او باصات لانه راح تريحك وارخصلك و شوف ضرائب في المدينة

والله يوفقك

السلام عليكم ورحمة الله وبركاته
اشكرك اخوي فيصل على موضوعك وكلامك صحيح

انا من المبتعثين مع عائلتي الى مدينة روستن وبمعنى اصح (قرية) روستن لايوجد فيها اية وسيلة مواصلات ولا باصات بمعنى اصح وسائل النقل في هذه القرية معدومة وشبكة الاتصال فيها سيئة سواء للنت او الجوال ولا يوجد فيها خدمات بالاصح قرية قائمة على الهاي واي واهلها قرويون يعني فلاحين مزيج من السود والبيض وثقافتهم ضعيفة جدا بالنسبة للامانة القرية آمنة بمعنى الكلمة وفيها حضانات ومنها حضانة سعرها 400$ بالشهر لابأس بها يعني مقبولة نوعا ما .

لكن الاهم من هذا كله المبتعث او المبتعثة اذا كانوا قادمين لدراسة اللغة الانجليزية بهذه القرية فانصحهم يدرسون بالسعودية سيتعلمون اكثر من المعهد الفاشل els والله مديرة المعهد لاتفكر الا باالدراهم لاتفكر بالتعليم ولايوجد خطة للتدريس ولايوجد فصول كافية للتدريس الا درجة اننا احيانا ندرس في مكتب احد الاداريون بالمعهد ويجمعون المستويات مع بعض يعني تحصل مستوى 4 مع 5 في فصل واحد فالمدرس يشرح 10 دقائق مع مستوى و10 اخرى مع مستوى اخر بنفس الفصل فكيف ستستفيد من ذالك والمدرسين يجيبون الهم الشرح من جهة وهم من جهة اخرى وعندنا مدرسة اسمها جين انسى تفهم منها شي بالقرامر او الفكابيلوري يسمونها رقاصة المعهد (جين) مغير تمشي وتغمز بعين لا واذا اخذت اجازة جت بدالها وحدة تشتغل بماكدونالدز ماغير تطالع الاي فون اللي معاها وساحبة علينا احس انها تشوف الطلبات (متعودة ) درايف ثرو .
يااخوان واخوات قاعد اقول الكلام هذا من ضيقة الصدر اللي فيني ياناس ياهووه اللي بيجي للمدينة بيحفر قبره بنفسه انسى تتعلم الانجليزي
بالمعهد هذا انقهر لما اشوف طلاب وطالبات جدد يأتون هنا يضيعون مالهم وجهدهم ووقتهم بدون فائدة ياناس ابحثوا عن المعاهد الجامعية هي اللي تطوركم مو المعاهد التجارية وقبل ماتختار المكان اسال عنه اكثر من شخص ترى اللي يسأل مايتوه ابحثوا عن مدن يكون سكانها فرندلي تقدر تأخذ وتعطي معاهم ولاتتوهقون مثل ماتوهقنا بالمعهد التجاري

السلام عليكم
انا من الاشخاص مبتعثين ومعاي عائلة
اول انا تعبان في هاذي المدينة وفي المعهد وشيء الثاني الي يزعلني اشوف طلاب سعودين يجون في مدينة روستن ويخسرون مبالغ ويخسرون من وقتهم في هاذي المدينة وبنهاية ينقلون إلى مدينة اخرى

اول انا بتكلم عن المعهد قبل المدينة لانه المدينة عيوبه اكثر من عيوب المعهد
المعهد هو معهد كلام فاضي تدريس اي كلام ودواماتهم طويله وضغط وإجازاتهم قصير ويمنون عليك بيوم بس اجازه في الاعياد

وبشرحلكم كيف انا مضغوط في هاذا المعهد ولا اقدر اخلص اشغال الاهل ولدي و اشغال البيت وزود على كذا ماالحق ادرس او احل واجباتي ونفس الشيء الاهل تعبانين هاذا الشيء
المعهد دوام يبتدي من الساعه 8 صباحا وينتهي 4 عصرا وكل المحلات و دوامات المكاتب تنتهي 5 عصرا انا مااقدر الحق عليها وعندي ولد موجود في الحضانه وبعض الاحيان اذا ابي اخلص اشغال لازم اغيب يوم ...ويوم واحد غياب في المعهد يهددني في السقوط والله يعين
وبين قوسين (( المعهد مايقدر الطلاب و ضروفهم المعيشه ))
وفي شيء مرا مو كويس في المعهد انهم بحصه وحده يحطون طلاب مستويات غيري مستواي من قلة الفصول والمدرسين وبعض الاحيان يدرسونكم كتوب غير مستواك يعني لو مستواك 4 يدرسونك بكتاب مستوى 6 والله المستعان

ونجي في المدينة هي مدينة صغير ومافيها خدمات كويسه مثل المواصلات او محلات او شركات وحتى شركات النقل لازم تروح مدينة ثانية عشان تشحن اشياء مثل فيديكس موجود في مونرو وهي تبعد عن المدينة نص ساعه ...
انا لاحظت في شركات محتكرين الاسعار غاليه والخدمات تعبانه مثل النت والاتصالات يعني لوتقرنونها في في ولايات اخرى بتشوفون سعر اقل وخدمات افضل
وانا قريت موضوع عن شخص تكلم عن روستن وكل كلامه مضبوط وعجبني

السلام عليكم ورحمة الله وبركاته

انا بعد سمعت عن روستن انها رخيصة
بس بعد هالكلام اللي كاتبينه مشكله اذا مافي تعليم ممتاز

انا الحمد اللغة تمام فيها
بس خلاص الحجز موجود على روستن وخالص والرحلة بعد اسبوعين
بس ابي اسال عن اختبار التوفل اذا في مكان هناك نختبره علشان نخلص من هاللغة ان شاء الله