استفسار يأ أهل سينسيناتي وكليفلاند

اخوي
على هونك خفف السرعه شوي تراك في شارع مزحوم
كل شي موجود واذا جيت ووصلت بالسلامه تلقى شباب كثير وتسئلهم عن الي تبي
اهم شي انك تلقى الي يستقبلك وتلقى سكن لك وتشوف جامعتك
واتمنى لك التوفيق

هههههههههههههههههههههههههه

تسلم يا بعدي لكن أنا مسبقاً موجود بأمريكا وعندي إجازة لمدة أسبوعين

تكفى لا وصلت عطنا معلومات .. عن سينسيناتي

مو زي بعض الربع لا وصل امريكـآ .. نسى شئ اسمه منتدى مبتعث

صدق المثل اللي يقول .. أخذنا عازتنا .. *** جآرتنا .. خخخخخخخخخ

اللهمـ إني صآئمـ .. هع

اكورد ... إذا تبغى معلومات عن سنسناتي اسأل واحنا إن شاء الله بنجاوبك ... بس حاول تحدد السؤال عشان تلاقي الاجابة .... أما السؤال العام زي " كيف سنسناتي " ولا " كيف المعهد " بالغالب محد يجاوبك ... أولا لانه الجواب موجود في كذا موضوع في المنتدى وثانيا لانه الجواب متغير ويعتمد على كل شخص وتجاربه الي عاشها من يوم وصل ... بالتوفيق

بالنسبة لسنسناتي .. إذا انت راعي فلة وترفية فعندك كذا حاجة ممكن تروح لها وتنبسط واهمها الكينقز ايلاند و هي اكبر ملاهي في اوهايو وتستحق الزيارة ...وفيه ملاهي مائية اسمها البيتش ووتر بارك ... وبرضة فيه حديقة الحيوان ( رغم ان الجو الان ما يساعد ) ... و كمان تقدر تروح النيو بورت وهو عبارة عن مجمع تجاري فيه السينما و تلاقي فيه عروض حية وكمان فيه الاكواريوم ( الي هو حوض الاسماك ) .. وتقدر كمان تاخذ رحلة نهرية ... هذا الي جاء في بالي الحين



بالنسبة للمطاعم والبقالات العربية فيه كثير ... تقدر تدخل موقع الباحث الاسلامي وتدور على اقرب شيء لمكان سكنك .... بالتوفيق

يعطيكـ العآفيهـ أخووي ..

انا اقصد بشكل عام ومختصر .. لأني اسمعهم يقولون قريهـ فكلمة قرية لحالها ممكن تغير رأيي

طيب .. هل المعهد قوووي في دراسته .. ؟؟

أو بشكل أوضح عطني رآيك في المعهد .. ؟؟

وهل توجد عوايل لأني مابي أسكن لحالي .. ؟؟

ووش تخيرني سنسناتي ولا كليفلاند لأني محتار بين الثنتين ؟؟

سنسناتي من المدن الصغيرة نسبيا في امريكا عدد سكانها فوق ال 300 الف نسمة ( مدن امريكا الكبيرة فوق ال10 مليون نسمة ) بس طبعا ما توصل الى انها تكون قرية ... طبعا هي فيها كل شي تبغاه من معاهد وجامعات ومستشفيات واسواق ومنتزهات وملاهي ... أهم عيوبها نسبة الامان المنخفضة و وجود الجامعة وسط احياء قديمة .. بشكل عام انا مرتاح فيها لانها رخيصة وكل شيء فيها متوفر

بالنسبة للمعهد ( أنا ادرس في اي ال اس ) لا بأس به المدرسين جيدين نوعا ما والمناهج معقولة .. بس عيوبه كثرة السعوديين فيه و دوامه الطويل وكثرة الواجبات يعني يا دوب تمدي على واجباتهم وما تقدر تمارس لغة برا المعهد الا اذا نظمت وقتك مزبوط

بالنسبة للعوائل الامريكية ايوة فيه بس هي توافيق ناس يلاقوا عوائل ممتازة وناس يتوهقوا بعوائل مشغولة ولا عندهم وقت يكلموهم

ما عندي فكرة عن كليفلاند .. بس قبل ما اجي امريكا كنت مفاضل بين الثنتين مثلك وبعد جمع المعلومات فضلت سنسناتي ... وعاد انت بيدك الخيار والله يوفقك




على فكرة ترى في مواضيع كثير تتكلم عن سنسناتي ... وفي بعضها تلاقي اراء ناس كثير سكنوا المدينة .. سوي بحث في المواضيع و بتلاقيها

اوومـآ نسبة الامآن منخفضة .. يعني تنصحني اجيب بندقيتي معي << رآيح يجاهد مو بيدرس .. هع

طيب الفصل الواحد كم ممكن يكون فيه سعودي .. ؟؟

وانا اتوقع من خلال المواضيع ان كليفلاند السعوديين فيها أكثر .. ولا انت وش رآيك .؟

هذة روابط تفيدك كثير

http://www.mbt3th.us/vb/forum41/thread183759.html


ممكن مساعدتكم...أيهما أفضل مدينة كليفلاند ولا سينسيناتي بولاية أوهايو - الملتقى السعودي