الأعضاء الإشتراك و التسجيل

الملتقيات
ADs

استفسار قبول مشروط في جامعة ديبول - مساعده+رأيكم في الجامعة

استفسار قبول مشروط في جامعة ديبول - مساعده+رأيكم في الجامعة


NOTICE

تنبيه: هذا الموضوع قديم. تم طرحه قبل 4964 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية CroN!X
    CroN!X

    مبتعث جديد New Member

    CroN!X الولايات المتحدة الأمريكية

    CroN!X , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Computer Science , بجامعة George Washington University
    • George Washington University
    • Computer Science
    • ذكر
    • Washington, DC, N/E
    • السعودية
    • Aug 2010
    المزيدl

    August 16th, 2010, 10:32 PM

    السلام عليكم ورحمة الله

    أبارك للجميع بمناسبة شهر رمضان ، والله يعين الجميع على صيامه وقيامه ، والله يتقبل أعمالنا

    ياخوان ، انا بصراحه متحمس وحاط عيني بقوة على جامعة ديبول ، وجالس افحط لي شهر ابي قبول مشروط فيها ، ودراسه الانقليزي تكون بنفس معهد الجامعة .

    عندي أبتعاث من جهة العمل من عام 2006 وللحين ماتحمس ، الا من شهر اشوف لي قبول ، وجددت الضمان المالي .

    راسلت الجامعة بخصوص طلب قبول مشروط ، وكأن ردهم

    We do not grant conditional admission without a minimum TOEFL or IELTS score
    ياليت احد يساعدني ، ردهم يقصدون اني لازم ارسل درجة التوفل حتى لو كانت أقل من المطلوب ؟

    لاني مستغرب ، لو أرسلت التوفل ، ليه يعطوني مشروط ؟ خلاص باخذ دراسة كامله وادرس بالجامعة ماله داعي قبول مشروط .

    المشكلة ، اعرف كذا شخص بأمريكا " مواطنين " يقولون انها تعطي قبول مشروط !!

    وكاتبين بموقعهم
    DePaul offers conditional admission to students who have been educated in a language other than English and whose academic record qualifies them for admission, but whose level of English proficiency as measured by the Test of English as a Foreign Language (TOEFL) is lower than admission requirements.

    هالرابط : International Programs: Conditional Admission


    بصراحة ، من كثر ماقريت ، وحتى الاخوان بامريكا يقولون من افضل الجامعات ، تخصصي انا " Information System "

    وأرغب في الماجستير في التخصص "Computer, Information and Network Security"

    إذا فيه احد من طلاب الجامعة ، يفيدينا الله يوفقه ، عن الجامعة واذا ممكن يكلمهم ويعطينا المطلوب او نصرف النظر عنها ونشوف لنا جامعة ثاانية

    ياشين الحوسة ، ولخبطة الأفكار

    ولو فيه احد ينصح بجامعة ثانية ، اكون له شااكر وممنون


    والله يوفقكم جميعا ويكتب لكم مافيه الخير " اللي رد واللي مارد واللي مافكر يدخل الموضوع اصلاً" > اسلوب الولد

    خالص تحياتي ، وكل عام وأنتم بخيرَ
  2. وعليكم السلام ورحمة الله وبركاته..

    يا هلا وسهلا.

    أنا أدرس في الجامعة هذي ، وبالنسبة للرد هذا:

    "We do not grant conditional admission without a minimum TOEFL or IELTS score"

    فالمقصود أن القبول المشروط ما يعطى إﻻ إذا اختبرت أحد اختبارات اللغة وحققت فيها درجة معينة ولكن هذه الدرجة ﻻ تؤهلك للقبول الكامل ، وهذي الدرجات المطلوبة للقبول المشروط:


    • 61-79 on the iBT TOEFL test
    • 500-549 on the paper-based TOEFL test
    • 173-212 on the computer-based TOEFL test
    • 5.5-6.0 on the IELTS test
    • 44 on the Pearson Test of English

    وبالنسبة للتخصص الي ذكرته فهذا تخصص أمني ، وهناك تخصص نظم معلومات في الجامعة إذا رغبت في دخوله

    وإذا عندك أي سؤال أبشر بالي يجاوبك..

    عندي اختبار تسليمه بكرة ، ﻻ تنسى تدعي لي على الفطور

    في أمان الله
    7 "
  3. انا رحت كلمتهم عشان ابي قبول قال لي ادرسي لغه وجيبي الايلتس وتعالي للجامعه لاتغيرين معهدك

    بس انا وضعي غير لاني ادرس بمعهد ثاني

    عموما هم يعطون قبول مشروط بس غريبه توني ادري ان القبول المشروط يبون اختبار له

    انت يمكن مو فاهمين عليك يمكن يحسبونك تبي قبول جامعه
    انت اطلب قبول معهد من عندهم بالاول واذا رحت جيب قبول الجامعه
    7 "
  4. المشاركة الأصلية كتبت بواسطة ولد إبراهيم
    عندي اختبار تسليمه بكرة ، ﻻ تنسى تدعي لي على الفطور

    في أمان الله

    الله يجزاك خير ، ويكتب لك التوفيق ويسعدك وين مارحت .

    ابشر بالدعاء ، وبوصي الوالدة بعد تدعي لك يا أبو إبراهيم.

    رجعت ارسل لهم استفسر ، ليه يطلبون توفل او آيلتس وكان ردهم :


    If you earn a TOEFL score between 61-79 we will consider you for conditional admission.
    يعني كلامك صح ، مع العلم ان الدرجة المطلوبة للقبول الكامل أتوقع أعلى من كذا !


    دامك في نفس الجامعة ، أسمح لي استغل الفرصة وبسألك كيف الجامعة ، وكيف الوضع برى الجامعة بشكل عام ، من ناحية يساعد على الدراسة ، الترفيه

    وإذا ممكن تسوي لي خدمه لو قدرت ، تكلمهم يمكن لغتي ماش ، يعطوني قبول مشروط منهم وادرس في معهدهم لين اجيب الدرجة اللي يبون ، ويعطوني قبول نهائي >>>> يارب يقول طيب علشان اعطيك رقم مكتب القبول الخاص بالكلية.
    ..
    .


    الله يوفقك ويسهل أمورك ، ويكتب لك الخير ياغالي.
    .
    .
    تقبل تحياتي .
    7 "
  5. المشاركة الأصلية كتبت بواسطة متفائله خير
    انا رحت كلمتهم عشان ابي قبول قال لي ادرسي لغه وجيبي الايلتس وتعالي للجامعه لاتغيرين معهدك

    بس انا وضعي غير لاني ادرس بمعهد ثاني

    عموما هم يعطون قبول مشروط بس غريبه توني ادري ان القبول المشروط يبون اختبار له

    انت يمكن مو فاهمين عليك يمكن يحسبونك تبي قبول جامعه
    انت اطلب قبول معهد من عندهم بالاول واذا رحت جيب قبول الجامعه
    ميزتهم ، معهدهم من أفضل المعاهد في أمريكا ، وبعثتي عن طريق العمل ، وموهقيني اني بالضمان موجهة للجامعة نفسها ، لازم ادرس بنفس معهد الجامعة ، وماراح يخلصون اوراقي مع الوزارة لين اجيب قبول من الجامعة .

    المعهد حتى لو قدمت عليه ، مايعطوني العمل ضمان مالي موجه للمعهد >>>> هذا اللي هبل فيني

    بس اللي فهمته ، ان الجامعة حسب رأيك ممتازة ، ياليت اعرف لو ممكن ، وش التخصص اللي ناويه تدرسين ؟

    حاولت اكلمهم ، يقولون لي " depend on your current qualifications "

    عجزت افهم وش يقصدون بـ qualifications ؟؟

    وبعدين يقولون ارسل لنا ايميل ، وبالاخير قالوا جيب توفل والا آيلتس

    بشوف ابو ابراهيم اذا اتصل عليهم ، والا لو قدرتي تكلمينهم نتأكد وجيبي لي قبول مشروط ولك اتعاابك >>> ماينعطى وجه

    الله يوفقك ويكتب لك الخير ، ويحقق لك امانيك ،


    ..

    .

    تحياتي
    7 "
  6. الله يجزاك خير..

    يعني كلامك صح ، مع العلم ان الدرجة المطلوبة للقبول الكامل أتوقع أعلى من كذا !
    نعم ، درجات القبول الكامل هي هذي:


    • 80 on the iBT of the TOEFL with a minimum score of 17 on each section
    • 550 on the paper-based TOEFL test
    • 213 on the computer-based TOEFL test
    • 6.5 on the IELTS test
    • 53 on the Pearson Test of English


    دامك في نفس الجامعة ، أسمح لي استغل الفرصة وبسألك كيف الجامعة ، وكيف الوضع برى الجامعة بشكل عام ، من ناحية يساعد على الدراسة ، الترفيه
    الجامعة زينة والحمد لله ، ونظامها الدراسي ربعي ، يعني ما تتعب من طول الفصل ، وخارج الجامعة الوضع زين ، وبتلقى لك سعوديين واجد إذا بغيتوا تجتمعون (الله يحييك كانك بتسير) ، وفيه يجي مهرجانات أحياناً ، وفيه ملاهي يجي لها 50 كيلو عن وسط الديرة للي يبي يروح.

    وإذا ممكن تسوي لي خدمه لو قدرت ، تكلمهم يمكن لغتي ماش ، يعطوني قبول مشروط منهم وادرس في معهدهم لين اجيب الدرجة اللي يبون ، ويعطوني قبول نهائي
    أبشر بعزك ، بس أنت علمني هلحين وش سويت بالضبط ، ﻷنك تقول جاك قبول!

    عجزت افهم وش يقصدون بـ qualifications ؟؟


    يقصدون حسب مؤهلاتك الي معك.


    وشف هلحين أول شيء تسويه ﻻزم تختبر توفل أو آيلتس في أقرب وقت.

    وعلى فكرة طلع اختباري تسليمه بعد بكرة
    7 "
  7. المشاركة الأصلية كتبت بواسطة ولد إبراهيم

    وعلى فكرة طلع اختباري تسليمه بعد بكرة
    ياحبي لك ، ياجعلك موفق وين ماتكون أراضيك .

    انا قدمت على كذا جامعة ، وانا ابي هالجامعة بس قلت احتياط ، جاني قبول مشروط بجامعات ثانية بس ماني متحمس لها ابد ولا لـ المدن اللي هي فيها .

    والعمل على قدم وساق لـ التسجيل في اختبار آيلتس ( اسهل ) واخاف النتيجة تسوّد الوجهة ، ثم يقولون لي رح كمل دراستك بالخرج و خل عنك ديبول

    بخصوص المؤهلات ،
    انا كنت اتسائل اي مؤهلات يقصدون ، بس الظاهر مصممين لازم توفل والا آيلتس


    الله يسهلها بس دعوواتك

    الا صح ماقلت ،أي تخصص تدرس انت ؟! >> يعنني السؤال مهم اذا كتب "؟!"


    ربي يوفقك وين مارحت ، ويارب "فل مارك" بـ الاختبار علشان اصير ذكرى حلوة لك
    7 "
  8. مرحبا شباب ...,

    الله يوفقكم وييسر امركم .

    اذا تسمحولي ابدخل معكم بالموضوع, لاني ابغى اقدم على جامعة ديبول ماجستير رياضيات وابغى قبول مشروط .لاني العمل يطلب قبول جامعي.

    اللي فهمته من كلامك ابو ابراهيم اني اختبر توفل او ايلتس واجيب اي درجة وبعدين اقدم اوراقي ؟

    لانه اذا قدمت من دون توفل ماتقبل الاوراق ؟

    جزاك الله الف خير ووفقك بامتحاناتك .
    7 "
  9. السلام عليكم..

    توي مسلم اﻻختبار هاللحظة وتأخرت عن الموعد بساعتين وثلث عسى الله يطرح فيها البركة.

    والعمل على قدم وساق لـ التسجيل في اختبار آيلتس ( اسهل ) واخاف النتيجة تسوّد الوجهة
    تبي نصيحتي ، كان عندك زود 500 ريال ، سجل توفل باﻹضافة لآيلتس ، عشان إذا ما لقحت اﻷولى تلقح الثانية إن شاء الله.

    انا كنت اتسائل اي مؤهلات يقصدون ، بس الظاهر مصممين لازم توفل والا آيلتس
    بالهيروغليفي أنس سالفة المؤهلات دام شهادتك نظم معلومات. وضعك من هالناحية مضبوط.

    الا صح ماقلت ،أي تخصص تدرس انت ؟!
    Computer, Information and Network Security


    ابو هيلة حياك الله..
    اذا تسمحولي ابدخل معكم بالموضوع, لاني ابغى اقدم على جامعة ديبول ماجستير رياضيات وابغى قبول مشروط
    ما نسمح لك تدخل اﻻ إذا جاوبت على السؤال هذا: 1+1 = ؟

    اللي فهمته من كلامك ابو ابراهيم اني اختبر توفل او ايلتس واجيب اي درجة وبعدين اقدم اوراقي ؟
    متطلبات تخصصك غير ، أول شيء وش التخصص الي أنت تبيه ، ﻷن الجامعة على حسب الي قريت فيها ثلاث تخصصات متعلقة بالرياضيات:

    1. رياضيات تطبيقية Applied Mathematics

    2. تعليم رياضيات Mathematics Education

    3. تعليم رياضيات المرحلة المتوسطة Middle School Mathematics Education
    7 "
  10. بس اللي اعرفه يالغالي إن جامعة ديبول ماصارت تعطي قبول مشروط حاليا
    يعني لازم تجيب التوفل أو الايلتس ومعاه الجيمات طبعا على حسب تخصصك
    وبعدها تقدم عليهم وهم يردون عليك بالرفض أو الايجاب .
    اتمنى لك التوفيق .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.