جامعة webster سانت لويس , ولاية ميزوري

الجامعه الي اعرفه عنها انه معترف فيها مكان الجامعه او المنطقه الي فيها الجامعه كويسه
الجامعه نفسها ما ادري عنها
لاكن مستعد افيدك عن المنطقه

جامعه حلوه وممتازه وماتطلب جيمات للماستر زي باقي الجامعات سبق وراسلتها لواحد من الشباب
ومتساهله ويقبلون معهد اي ال اس او انك تخلص معهدهم او توفل او ايلتس للبكالوريووس
بصراحه انا تمنيت هالجامعه بس مالقيت تخصصي فيها
تحياتي

يعطيكم الف عافيه

طيب كيف المنطقه حقت الجامعه وكيف اسكان الجامعه اسعارها مناسبه ولالا

وهل معهد الجامعه كويس ولالا

انا الصراحه ماعرف شي لا عن الجامعه ولا المنطقه

اتمنا اللي يعرف اي معلومه حتا لو بسيطه يفيدني
واسف علا الاطاله وشاكر لكم تعاونكم والله يوفقكم دنيا واخره

ياجماعه اللي يقدر يفدني بأي معلومه سواء عن الجامعه او عن المدينه او المنطقه او السكن



لحد يبخل علينا ممكن معلومه صغيره تفيدني بشكل كبير
لو سمحتوا اللي يعرف اي معلومه يقولها محتاج معلومات
وشكرا لكم

معقوله محد يعرف شي عن الجامعه هذي

او حتى سانت لويس ...
لو سمحتوا انا خلاص انقبلت في الجامعه وراح ابدا دراسه قريب يعني محتاج معلومات عن الجامعه والمدينه
لحد يبخل حتى لو بمعلومه بسيطه ..

معليش اخوي .. سبحان الله ما انتبهت للموضوع والا كان علقت عليه

..
اذا عن الجامعه بصراحه ماعندي معلومات كثيره عنها ولا عن معهدها
لاكن اذا تبي معلومات عن سانت لويس وعن المنطقه القريبه من الجامعه من عيوني.

سانت لويس كمدينه جدا كويسه .. الاسعار فيها مره حلوه الخدمات فيها متوفره بشكل كامل ماعادا .. المواصلات
وهي المشكله الوحيده تقريبا في سانت لويس
لان نظام الميتور او الباصات فيها ماهو كويس ابدا ولا تقدر تقارنه باي مدينه لاكن على قولة بعض الشباب شي افضل من لا شي.
المدينه حلوه وخاصه خاصه للي يملك سياره . فراح تشوف حلاة المدينه وروعتها لانه مثل ما قلت بدون سياره مافيه مواصلات وسيارة الاجره راح تكلفك كثير اذا على المشاوير الواجد
لاكن باقي الخدمات متوفره اسواق كبيره اماكن سياحيه
بخصوص الامان المدينه امنه الا بعض المناطق وهي معروفه في المدينه ودايم ينبهون عليها الطلاب الجدد
اما باقي الاماكن امنه ولله الحمد ومافيها اي مشكله

بخصوص السكن برضو رخيص يعني اذا قلنا شقه غرفتين في منطقه حلوه ومساحتها حلوه مابين 600 الي 900
راح تحصل اقل مع البحث

واي سؤال انا تحت امرك يا الغالي

الله يعطيك العافيه اخوي ماقصرت

بس بخصوص المواصلات يعني تقصد مافي باصات ابدا ولا موجوده باصات لكن ماتغطي ؟

وهل موجود مترو ولالا ؟
وبخصوص السكن انا اشوف انه منااااااااسب جدا لو بحدود 600-900
ويعطيك الف عافيه اخوي نكست

الباصات موجودهـ والميترو موجود
لاكن بخصوص الميترو فانه اتجاهين تقريبا يعني مايغطي الا جزء بسيط الي هو الداون تاون يربطها بالمطار و جهه ثانيه يعني ماهو مغطي المنطقه
اما الباصات مشكلها انه يتاخر و بالعاده مايجي الا من ساعه لساعه ولا فيه جدول واضح له


اما السكن فهو مره مناسب جدا

وانا تحت امرك في اي سؤال

انا الان عندي قبول جامعه في سانت لويس وعندي قبول معهد في واشنطن

المعهد في واشنطن تبدأ الدراسه في شهر 11 ومعهد الجامعه في ميزوري يبدأ في شهر 1 يعني بعد معهد واشنطن بشهرين

طبعا انا مبتعث من الوزاره
هل اقدر ادرس شهر 11 و12 في واشنطن بحيث اول ماتبدأ الدراسه في معهد الجامعه اروح احول سانت لويس

هل عملية التحويل بسيطه ام معقده من الملحقيه ؟؟

وانا اسف على كثرة الاسئله اخوي نكست
اللله يعطيك الف عافيه