university of kansas lawrance ياشباب

وانا اخوك معهدها اكثر من ممتاز

بس عيبه انه طويل يعني يبي لك من سنه الى سنه ونص عشان تخلص لغه

اما الجامعه انا واحد من الناس اللي متوهق

الجامعه متطلباتها عاليه يطلبون جيمات ٥٠٠ على الاقل
وجي ار اي ١٠٠٠ على الاقل

ولا يتساعدون يعني لو تجيب جي ار اي ٩٩٩ مايقبلون

اقولك جامعه تصنيفها عالي وتعتبر من اقوى الجامعات في امريكا

وارامكوا وسابك تبعث عليها

بالنسيه للمدينه حلوه وصغيره ورخيصه

مليانه طلاب اجانب

اغلبهم سعوديين وكوريين وصينين وشوي كويتين وقطرين

واهلها مافيهم عنصريه

انا لي ٦ شهور ماعمر احد قال شي

اللهم واحد شتمني يحسب اني مكسيكي

ومو في مدينتي في مدينه جنبي

عشان اكون صادق معك المدينه ممله شوي

والسعوديين اللي فيها مبزره واجد وتجمعات من مناطق معينه ( لاتحرجني )

يعني انصحك ماتعطيهم وجه

مع العلم ان فيه ناس كويسين بس للاسف السيء يغلب

كم نسبة العوديين في المعهد

مادري كم بالضبط

بس كل كلاس فيه ثنين والا ثلاثه سعوديين

وكل ماطلعت مستويات اعلى قل العدد

وكل مانزلت مستويات اقل زاد العدد

يعطيك العافية اخوي

انا مثلك تماما اخوي حابه اعرف عن هذي الجامعة اكثر
ياليت الاخوان يفيدوننا
وكم المعدل المطلوب لدرجة الماجستير تربية خاصة

يبغون معدل ٣ من ٤ للماجستير

ويبغون اختبار جي ار اي