أسئلة عن السكن الجامعي في UIC؟ ممكن تجارب يا روكو :)

إذا كنت لحالك اسكن بأوك بارك مافي زيها حقيقه.

يا مرحباا

شوف انا كنت هناك في نفس المعهد درست فيه 7 شهور او اكثر , وكنت ساكن بسكن الجامعه مرررررررره بطل وموقعه استراتيجي

بس السكن الجامعي هناك نوعين مبنى اسمه SSB ومبنى SSR الاخير مو متأكد من اسمه المهم انا كنت ساكن بالاول ومكانه

خلف مستشفى Rush وقريب منه الترين ستيشن وكل شي ممتاز فيه حتى نادي لياقه كامل ومسبح هناك , واهم ميزه ان الباص حق

الجامعه ياخذك من هناك ويوديك ويرجعك فري ويشتغل الباص من الصبح إلى 11 الليل وكل 20 دقيقه يجي واحد .

وفيه مبنى ثاني فخم بس اعتقد ماتلقى فيه لانه دائم مليان لكن انت اسئل اذا صلت روح المكتب حق المعهد واسئل وحده اسمها فران قلها

ابغا اسكن في المبنى اللي قدامكم ؟ وشوف يمكن يكون حظك حلو ^_^

واي استفسار انا حاضر ..

توصل بالسلامه .

شكرا لك يا روكو

لكن كيف وضع السكن من الداخل؟

خاصة انك صاحب تجربة ...

آخر موعد لتقديم طلب السكن 20 ديسمبر ... كيف اشترط عليهم اني اسكن بهذا المبنى من غيره؟

وهل في سكن قريب من الجامعة وقريب من مركز اسلامي؟

وهل احصل سكن بهذه الميزة بحوالي 800 - 900 دولار او ارخص؟

>> أحس إني بلشتك لكن تحملني

برنامجي
3 يناير: الوصول لواشنطن
4 يناير: اجراءات الملحقية
5 - 10 يناير: استاجر في فندق (أي اقتراح؟؟)
10 يناير: تبدأ الدراسة
11 يناير - إلى ماشاء الله: استاجر سكن

كيف البرنامج؟
معلومة : سكن لشخص واحد فقط
دمت بصحة وعافية

روكو ليه تركت شيكاغو ورحت اوهايو؟؟ هل المعهد ماعجبك

السكن مره حلو من الداخل وراح تنبسط فيه صدقني , وموضوع اخر موعد لتقديم طلب السكن هذا كلام فاضي

اول ما توصل هناك قل لفران ابغا اسكن اليوم ضروري انا ساكن بفندق وراح تسكنك بالدورم في نفس اليوم

بس لازم تروح الصبح بدري , والمركز الاسلامي في واحد مره ممتاز وبالداون تاون واذا وصلت هناك الشباب

في المعهد يدلوك عليه وقريب منك الداون تاون بالقطار 4 محطات بس , وسعر الدورم في حدود المبلغ اللي انت محدده,

برنامجك تمام وموضوع الفندق راح يكلف عليك لان اليوميه مره غاليه لكن اذا مضطر اسكن في فندق عند المطار

يسكن بالاسبوع يطلع رخيص والفندق مره حلو وفخم بس العيب فيه انه جنب المطار وبعيد عن المعهد يعني يبغالك

45 دقيقه قطار لين توصل , او تسكن في فندق كارلتون في الاوك بارك بس اليوميه فيه ممكن بـ 80 دولار,

بالنهايه انصحك تسكن بالفندق يوم او يومين وثاني يوم من وصولك روح للمعهد وكلم فران وقلها ابغا سكن الدورم

الحين عشان اطلع من الفندق وهي راح تضبطك .

فندق مطار اوهير اسمه اكستد

Chicago - O'Hare, Overview - Extended Stay Deluxe

فندق كارلتون أوك بارك

Hotels Near Chicago | West Suburbs | Carleton Hotel of Oak Park, Oak Park, Illinois

بالتوفيق ..

لا بالعكس

المعهد ممتاز ومره صعب وكرف لكن مدة الدراسه فيه مره طويله السمستر الواحد 3 شهور واسبوع واجازه كل سمستر

شهرين الا اسبوع ولازم اخلص 4 مستويات يعني راح وقت فتره اللغه وانا ماخلصت ؟ وفوق ذا كله اخر لفل ما يدخل

الجامعه لازم توفل أو ايلتس . فـ غيرت لمعهد ELS بـ اوهايو سهل ومعترف فيه وجيد جداً وكل لفل فيه 4 اسابيع بس

والاجازه بين المستويات 4 ايام بس وفتره الدراسه اطول شوي واهم ميزه ان اخر لفل من هالمعهد يغني عن التوفل في جامعات كثيره , بس يضل معهد UIC اقوى بمراحل من اي معهد ثاني

فـ الشاطر يشد حيله ويكمل ^_^ .

طيب هل سهل اني احول من معهد لمعهد بالملحقيه والا الموضوع معقد

^

على حسب لازم يكون عندك اسباب مقنعه للتحويل ولازم يكون المعهد المحول له في نفس الاقليم عشان ما يتغير المشرف

او اذا خارج الاقليم لازم قبول جامعه مشروط ومعهد من المكان المراد التحويل اليه .

اخوي انا معك بنفس المعهد ... وراح اسكن بفندق لمدة شهر .. خلال الشهر سأبحث عن عائلة مناسبة

لفت نظري ان وصولك ب 4 يناير لواشنطن .. اخوي امتحان تحديد المستوى في معهد UIC .. في 4 يناير 2011.. الساعة 9:45 صباحا والاورينتيشن يبدأ في 7 يناير والدراسة تبدأ في 10 يناير ..

ان شاء الله انك متفق معهم انك بتتأخر .. بالتوووفيق يااارب ... انا رحلتي ع الخطوط البريطانية يوم الخميس 23 ديسمبر .. الى لندن ومن ثم واشنطن وباذن الله ساكون بشيكاقو ب26 ديسمبر ... اتمنى لك رحلة موفقة ..

هلا والله أيها الباحث عنها ...

الله يسعدك على حرصك ,,,

تواصلت معهم واخبرتهم إني راح أتاخر وراح آخذ اختبار بديل يوم 11 يناير الصباح

وان شاء الله نتقابل في اليوم التعريفي >>> آه ذكريات الاوريا

بخصوص السكن >>> غالبا سأسكن في سكن الجامعة أريح وافكر في العائلة بالصيف

اسعد بتواصلك