مساعدة اي خدمه في ماديسون ويسكونسن أنا موجوده

يعطيك العافيه
حبيت اسال عن موعد بداية الفصول الجديده بمعهد ويسلي للغه , واذا تاخر الطالب عن موعد الحضور اسبوع او اسبوعين
يسمحونه يدخل او ياخرونه للفصل اللي بعده ؟؟

والله يجزاك خير ووالديننا ووالديك وجميع المسلمين

الله يجزاك خير اختنا رقيه

وعانك الله في غربتك

وأسال الله الذي لا اله الا هو ان يرزقكم حيث لاتحتسبون انتي ووالدك

وان يوفقك بما يحبه الله ويرضاه

انا احد طلاب معهد ويسلي في ماديسون ودراستي راح تبداء بـ شهر 2 م

بالتوفيق للجميع

اخوتي رقية

جوابك على أسئلتي راح تنقذني من توريطة قويه بجد

انا عاشق ولاية تكساس بس متورط
انا في ولاية اركانساس والمشرف طلب مني النقل للمشاكل بالمعهد

ونويت تكساس

اتمنى الاجابة على الاسئلة للتبسيط لي وللمشاهدين هع

* وش اسم الجامعة .
* المعهد كم لفل / وكل لفل كم شهر / مدة الدراسة الكاملة باللغة .
* درجة النجاح لتخطي اللفل إلى اللفل التالي كم c = 70% او B = 80% .
* بالكلاس كم سعودي يكون عددهم تقريبا / لان معهدنا عدد السعوديين بالكلاس 10 من 15 رقم قوي .
* المعهد هل هو ممتاز من ناحيتك بالدريس .


بس هذي الاسئلة ياليت تجاوبيني لاني انا ادور نقل وابيها باسرع وقت المعلوماات


الله يسهل دربك ويوسع طريقك يارب ويرزقك ماهو خير لك << بلاهي كيف الدعاء احس اني تورطت لحد ماطلعت مني

الاخت رقية
انا صلت ماديسون من 10 ايام وكل يوم ابكي على سوء اختياري للمدينة وعلى هبلي ولكن ارجع واقول الخيرة فيما اختاره الله
اختبرت في ويسلي تحديد مستوى وحطوني في 600 درجة واصلا انا توفلي عالي ولغتي ممتازة ولله الحمد وانا طبعا ماابغى لان كذا ماحقدر اجيب درجة كويسة في الجي ار اي
عموما انا حاولت يحطوني على 400 وباشوف ايش يصير لاني ابغى اقضي سنة باللغة وهما جدا رافضين ال400
والله ماادري كيف باجلس بهالديرة سنة
بالله عليك كيف الحياة هنا انا احس اني باموت من الساعه 4 ونص والدنيا ظلمت حتى ولدي الصغير كل شوي يقول بيجي حرامي ياماما
اليوم رحت ويست تاون مول وقابلت سعودية وزوجها المهم ابتسمت لها كشرت بوجهي الظاهر لان انا وولدي بس خافت على زوجها تحسبني ماني متزوجةرغم اني متحجبة زيها بالضبط هههههههه
حتى زوجي يقولي كل ماابتسمت لسعودي صد وجهه وهذا الشي انا لاحظته حتى بالمعهد وبالملحقية ...مااعرف ليه السعوديين كذا
عموما انا مو اول مرة اجي امريكا وقد عشت بها 3 سنوات ودرست كمان بس كنت بفلوريدا طبعا هالبرد القارس والشتاء والثلج ماقد شفته حتى بلندن وباريس انا مرة مكتئبة وسكنت بشارع شوبايقن افنيو لان منطقته حية شوي وجنب المول والسوبر ماركت ومع ذلك ذابحني الخوف ومشغلة سورة البقرة طول الوقت حتى زوجي ياويله يتحرك من البيت ....
بصراحه انا اتحطمت وماادري كيف بتعدي اشهر الشتاء
عموما سؤالي ياعزيزتي
كلاسات المعهد بعضها ينتهي الساعه 5 الا عشر وطبعا ماني عارفة ايش اسوي بولدي الصغير عمره 5 سنوات ولما شيكت موقع المدرسة لقيت ان عندهم الاثنين 1و45 دقيقة وبقية الاسبوع 3 و17 دقيقة طيب انا ماحقدر اجيبه قبل 5 وربع على اقل تقدير .....ايش الحل برائيك ومن خبرتك ولو ماعندك اطفال ايش مسوين الي عندهم اولاد باول ابتدائي..شكرا لك ...كتب اللله لك اجر كل كلمة وكل حرف يارب...

الله يعينك والله ويسهل امرك

شوفي جامعتنا صح المعهد بايخ بس الامور سهله

اعرف واحد متزوج وعنده بنتين وكلهم بالابتدائي

المعهد تقدرين تختارين اي وقت تدرسين يعني عندهم من 8ص إلى 12 الظهر و الفتره الثانية 1 الظهر لحد 5 العصر

تقدرين تختارين اي فتره

والجامعة سهله كلام طلاب كثيرين

بس اكثر الطلاب ينقلون لان المعهد زفت بالتدريس للطلاب المبتدئين

يعني انتي على كلامك تقدرين تسوين امتحان وتجيبين التوفل او اي شي وتدخلين الجامعة عادي

اسم الجامعة Arkansas state univercity

مدينة جونسبورو

وسهله بالقبول على طول يجيك

تحياتي لك

تسلم الله يعطيك العافية انا اصلا مجبرة على جامعه معينة وجبت منها قبول ولله الحمد بفلوريدا انابس هالسنة بالهلعلة ماديسون وبعدها رايحة تامبا ولا اقدر اغيرها لاني موظفة وتخصصي فقط ب4 جامعات منها وحده موقفة وصدر قراري على ماديسون لغة وتامبا ماستر ولاعاد اقدر اغير الان...وجزاك الله كل خير وسهل امرك يارب

من هذي الناحية وسعي صدرك شوي بالصيف الليل مايجي إلا الساعة عشر يعني بتملين ماصار المغرب. والمدينة والله حلوة بس يبي الواحد يفهما صح ويعرف وين يروح ووين يجي. صدق إن البرد قوي لكن ممكن تحمله.

الاخ ابو كادي
ايش رايك بشارع شوبايقن افنيو امن وتمام
واذا تعرف بخصوص مدارس الاطفال رد على سؤالي الله يسعدك
يعني انتم ايش مسوين بعيالكم ؟
تعقيب على البرد ...البرد ممكن تحمله وتدفي نفسك بس صعب تتحرك وتستكشف المدينة انا مو قادرة امشي خطوتين خايفة على ولدي من البرد على الرغم اني مدفيته مرة كويس بس صعب جدا الحركة ....اللله يسهلها يارب ....شكرا لك

على اني ماأفهم بسواليف البنات

بس اقل شي اقوله عنها انها ( شكاكه )