طلب مساعدة من طلاب ويسكنسون - مادسون - ارجوكم

وعليكم السلام ورحمة الله
أنا الحين أدرس في هذا المعهد وحقيقة يعتبر جيد إلى حد ما . طبعا يبدأ من المستوى المتوسط مثل ماهم كاتبين في موقعهم لكن كان معنا ناس في الترم الماضي والله من جنبها لكن قبلوهم يعني أهم شي يكون عندك مبادئ وراح يقبلونك إن شاء الله . ومن ناحية العيوب أنا أشوف فيه عيبين من وجهة نظري واولها إن المعهد بنظام ترم جامعي كامل يعني فصل الخريف الماضي جلسنا تقريبا 15 اسبوع . والحقيقة إنها مملة جدا للطلاب ولايمكن أن اقيم مستواي بسبب طول الترم . وأيضا المدرسين يخلصون المنهج ويبدون يضيعون الوقت في خرابيط مالها داعي .
وثاني العيوب إن الجامعة تتعامل مع بعض طلاب الدراسات العليا في الجامعة للندريس فممكن تطيحين في ناس مافي راسهم تدريس ولكن هم جو علشان يخصم عليهم من رسوم دراستهم وهذي هي المشكلة الثانية.
لكن المعهد بشكل عام يعتبر جيد.
وسؤالك الثاني ماهو واضح شوي .
اولا ايش تخصصك وثاني وش حابة تسفسرين عنه بالضبط ايش المعلومات اللي تبين؟
والمعهد الثاني في المدينة اسمه معهد مسلس وفيه اللحين على ماظن نسع سعوديين بس .

أبو كادي

مشكووور أخوي انك اهتميت ورديت عليا ... جزاك الله خير وفتح عليك

مممم اللي فهمته انك في معهد الجامعة .... بصراحة نظام الدراسة هو اللي المخوفني لاني ما أفضل نظام الترم الجامعي ... أنا أفضل نظام الشهرين واذا مافي نظام شهر برضه مقبول علشام لا نصاب بالملل زي ماذكرت

والله مع انه الجامعة قوية بس المعهد يقلق شوية


انا تخصصي Medical Microbiology - bacteriology
الاحياء الدقيقة الطبية - البكتيريا الطبية

بدي استفسر عن بقية ... المعاهد في المدينة وخصوصا المعاهد التابعة للجامعات لانها افضل اكاديميا
إنت ذكرت معهد ( مسلس ) ... كيف مستواه و كيف نظام الدراسة .... ؟؟

أنا اعرف معهد تجاري اسمه ( ويسلي) Wesli
قرأت عنه انه جيد ... وكتير سعودين فيه ... واللي سمعته كمان انه مقفل من الملحقية
بس لما شوفت قائمة المعاهد المقفلة من موقع الملحقية مالقيته ؟؟
فكيف اتأكد انه المعهد مفتوح او مقفل ؟؟

اشكرك اخوي واسفة باتعبك معايا

من ناحية معهد مسلس أنا ماعندي أي معلومات عنه إلا واحد يدرس فيه وقالي إنه زين . ومعهد ويسلي أكيد أنك جمعتي العديد من المعلومات وباختصار الموضوع أنه معهد مليان سعودين وفصولهم صغيرة جدا . لكن المناهج قوية والتدريس جيد لبعض المدرسين والميزة الكبيرة في هذا المعهد هو التوصية في القبول الجامعي . ويبقى المعهد الاخير في مادسون هو التابع لجامعة ويسكانسون مادسون . والنصيحة إذا تخصصك موجود من ظمن قائمة الجامعات في ويسلي فهذا يعتبر مضمون القبول بإذن الله . ولكن اذا تخصصك مثلا لا يوجد الا في جامعة ويسكانسون مادسون فلا أنصح ابدا في هذا المعهد .
ومن ناحية معهد ويسلي فانتشرت الاخبار عن اقفالة ولكن انا سألت بنفسي عن المبتعثين من جهات عملهم واخبرني شخص يعمل في الملحقية أن الملحقية ليس لها علاقة ابدا في قبولهم ولكن ممكن ان تعطي نصائح فقط .
وبالتوفيق إن شاء الله .