معهد HOUSE OF TUTORS في مدينة - اوستن - ولاية تكساس

تكساس ويكبيديا

أوستن ويكبيديا

Map of Texas Cities - Texas Road Map

شكلي انا الوحيدة في هذه المعهد .. عموما راح اكتب نتائج بحثي للفائدة واي واحد عنده اضافة ما نكره

* الويب سايت تبع المعهد

House of Tutors Learning Center - Home



* موقع المعهد على Google Map

اضغط مرتين على البالون الاحمر تتكبر لك الصورة .. + و -

2400 - Google Maps


* العنوان او اسم الشارع :

Pearl Street Austin, TX 78705



* فروع المعهد :


House of Tutors Learning Center - Contact Us

1- مدينة أوستن 2- مدينة هانتسفيل 3- سان أنطونيو

اهلا وسهلا
عموما المدينة حلوة و مريحة معتدلة الاسعار الجو بالنسبة الي ملائم
المعهد ما عندي دراية كاملة عنه
اتمنى ان اكون افدت و لو بشئ بسيط

اهلاااا اخوي اكيد افدتني

شاكره لك مرورك وافادتك . .

حي الله الدكتوره ندي
يا هلا و مرحبا بالي جاينا على اوستن .... ليش تبغي تيجي يا بنت هاااااااااا . هههههههههههههههههههههههههههههههه امزح
الله يوفكي وييسر دربك و احب اطمنك انك امك داعيتلك انك جيتي في اوستن لانو صراحه المدينه مراه كويسه و الناس فيها طيبين ..و كمان امك بتحبك لانو جاكي من السما واحد حافظ اوستن شارع شارع و حاره حاره و كل شي عارفو زي ماني عارف جده . احم احم ( احب اجامل في نفسي ههههههههههههههه)
المهم خليني اعطيكي معلوماات عامه عن المدينه و بعدين ادخلك في تقييم المعهد
اولا مدينه اوستن هيا عاصمه تيكساس و طبعا هي من اجمل المدن في ولايه تيكساس . طبعا المدينه ماهي كبيره بالمررررررره ولا صغيره بالمرررره لا هيا وسط و غير كذا انها ملمومه و حلوه جدا جدا جدا . طبعا ما حقلك جمالها زي لوس انجلس ولا لاس فيقاس (طبعا هما احلي) بس على مستوي تيكساس هي جدا حلوه
النقطه الثانيه والي هيا مهمه مسألة السكن . طبعا السؤال هذا جدا محير للناس الي يبغوا يجي يدرسو . في ناس تبغا تسكن مع هوم ستي (عائله) و في ناس يبغوا يسكنو في شقق خاصه فيهم و في ناس يحبو يسكنو مع روميت . طبعا بالنسبه للعوائل انا اشوف الحاله مأزمه جدا و الواحد هنا ينتظر ممكن 4 او 5 شهور حتي يلاقي عائله و من الافضل اذا انتي تبغي عائله نسقي مع المعهد من الحين انك تبغي عائله (في وحده اسمها امرن في معهد هاوس اوف توتر مره طيبه و خدومه ممكن تخدمك في هذه النقطه) . اما بالنسبه للشقق فطبعا الاسعار تختلف و تتفاوت حسب القرب و البعد عن الجامعه و بعضها يبدا من 450 دولار الين 1500 و الحين اقلك كيف : لو تبغي تسكني من المنطقه القريبه من المعاهد او الجامعه (منطقه الوست كامبس) اعرفي انك حتدفعي 800 دولار و انتي طالعه . اما بالنسبه لو سكنتي في مناطق بعيده عن المعهد و ماسافتها بالباص من 10 الى 15 ديقيه فأنك ممكن تلاقيها من 450 الى 750 و هذي على حسب نظافه الشقه و انصحك اذا تبغي تاخذي في شقق بعيده عن المعهد خذي في منطقه اسمها (فار ويست) لانو فيها باصات شتر (مجانيه) توصل الين الجامعه (ترا المعاهد و الجامعه جنب بعض . كل المعاهد في شارع 24 و الجامعه في شارع اسمو القوادالوب و كل الشارعين متصلين ببعض )
اما بالنسبه اما بالنسبه اذا تبغي تفتحي حساب للبنك فتقدري تفتحي في اكثر من بنك و كلها موجوده في شارع القوادا لوب الي مقابل للجامعه و القريب من المعاهد و اقرب بنكين ليكي اسمهم بنك شيس و بنك اوف امريكا
بالنسبه في موضوع الحجاب ف خذي راحتك في الحجاب في بنات عندنا لابسين عبايات كامله طرحه و غطي في الوجه و كل شي و الناس هناك لا في عنصريه ولا في كلام فاضي بالعكس ما احد يكلمكي اذا كنتي ملتزمه بدينك و طبعا الي يقلك في عنصريه قوليلو انت كذاب
اما بالنسبه للمطاعم كلها تلاقيها على شارع القوادا لوب و في كذا مطعم على شارع لمعاهد (24) و من ضمنها مطعم عربي اسمو كسمت و في مطعم عربي تاني على شارع القوادا لوب و طبعا طبيعه الاكل في هذا الشارع انه اغلبه فاست فوود
و نقطه ثانيه مهمه يغلطو فيها اكثر الناس لما يستخدمو الباصات و خاصه الجدد (و طبعا انا وقعت في نفس المشكله الين لما الحمد لله اشتريت السياره ) هي انو لو دخلتي بعض الباصات لازم تدفعي ما عادا باص الجامعه . و في هذه الحاله بدال لما تدفعي دولارين كل يوم في عندك حل احسن انك تروحي عن سوبر ماركت اسمو اتي اي بي او في محل ثاني اسمو كو اب و موجود هذا المحل في شارع القوادا لوب و تقوليلهم ابغا باص باس و قيمته 28 دولار و في ناس يقولو انو سعره سار 22 دولار احسلك من انك كل يوم تدفعي 2 دولار
اما اخر نقطه هيا المعاهد :
شوفي يا اختي انا بصراحه مو في معهدك و لاكن اعرف ناس كثير هناك و تقريبا اعرف نص الشباب السعوديين في اوستن
انا ما راح افتيلك و اقلك معهدك كويس ولا بطال ولاكن انتي جربي اذا كويس اتوكلي على الله و اذا مو كويس عاد كلمي الملحقيه ينقلوكي من معهدك انا الصراحه اغلب الشباب متظجرين من المعهد هذا و في ناس مبسوطين فعشان كذا ما ابغا اعطيكي معلومه مو مفيده و ما جربتها بنفسي و الي اعرفو عن معهدك و الاختلاف الوحيد بين معهدكم و بقيه المعاهد انو معهد هاوس اوف توتر ما فيه دوام يوم الجمعه مو زينا احنا عندنا دوام يوم الجمعه و الاجازه السبت و الاحد
الله يوفقك يا اخت ندي و اي خدمه احنا موجودين

مرحباااا اولا مبررروك اختي ندى وانا جاني القبول في نفس المعهد حقك وبنفس التاريخ ان شاءالله
eng domeيعطيك العافيه على المعلومات الاكثر من رائعه .. ممكن الايميل حقك عشان لو احتجت شى يكون عندي مرجع ياسلام عليه هههههههه اذا مافيه احراج

هلا اختي Featured
ارسلتك ايميلي على الخاص و اي خدمه انا موجود

سلام
هلا بكم انا جاء قبولي في نفس المعهد واليوم والدراسه مثلكم
وحبيت الاستفسار لاني معي طفلتين 7سنوات و4سنوات هل يوجد
مدراس حكوميه قريبه من المعهد ؟
وكيف الحجز للسكن من السعوديه ؟
وارجو اتواصل معك ع الايميل

مرحباياصديقاتي احم احم
انا بعد جاني قبول بنفس المعهد وبنفس اليوم بعد
والف شكر على المعلومات الحلوه والمفيده
بس حابه اسألكم خواتي وش سويتو بعد ماجاكم الi20 من ناحية السفارة واستخراج الفيزا
ياليت تفيدوني فانا محتاره من اين ابدا علما ان زوجي يبي يكمل معي ويحاول انه يحصل قبول بنفس المعهد
ويبغى ياخذ فيزا f1 تكفون علموني وش اسوي