جزم الثلج وانتم بكرامه

روح للفالح او كات تلاقي عندهم جزامات الثلج لكن عاد هيناء ارخص من برا علي حد علمي

السلام عليكم

اخوي الغالي اذا تبي رايئ ... اولا حنا الان في فبراير واسبوع منه راح يعني الثلج تقريبا خلاص ع الارصفه وليس ع الشوارع


يعني اذا تبي رايئ اهم شئ ماتكون الجزمه وانتم بكرامه ملساء من الاسفل .... غير كذا امورك طيبه

يعني اي جزمه رياضيه او شوز عادي ... اهم شئ ماتكون جزمه رسميه ... اتمنى يكون ما اقصده واضح


وارجع عندي رايئ انك غالبا ماراح تحتاجها واتمنى انك ماتاخذ خصوصا من الرياض لانها غاليه واذا جيت هنا واحتجتها بتاخذها من اي محل وول مارت او كي مارت او اي مول

تقدر تاخذ سنو شوز "snow shoes" او لو مابغيت جزمه تقدر تشتري شئ يسمونه "Ice and Snow Traction" وهذا يتركب على اي جزمه من تحت


تحياتي يالغلا

سلطان

تعرف يا عزيزي ..

انا بإذن الله ناوي اخذ جزم ( اكرم الله القارئين ) من نوع CAT فهي امنه بإذن الله .. و الي عجبني فيها ان واحد من اصحابي كان لابس الجزمة وانت بالكرامة ، و جيت ابغى اوقف سيارتي .. فوالله انه حط رجلة تحت الكفر تبع السيارة و انا راجع للخلف و حسيت اني طلعت رصيف مو دعست على جزمة << كان يمزح معي بجزمتة لانه موظف ارامكو بوجهه

فأنصحك بيها الين توصل و بعدين اشتري الي تبع الثلج او الي تتحمل الطقس البارد

هذه النصيحة اخذتها من صديقي في كندا ( تعرف عاد 20 تحت الصفر ) فقال لي خذ حاجات تمشيك فتره بسيطة اذا كانت المنطقة بارده لكن اذا وصلت قضي لان الملابس بتكون على حسب مواصفات معينة بحيث انها تتحمل البرد و تدفيك ، و انا رأيي انك تشتري شوش من هنا و تاخذ الجكيتات والجنزات .. لكن الجزم وانت بالكرامة و الجكيتات الثقيلة خذها من هناك