مساعدة فيه حدا بيستقبلني بولاية ميزوري مدينة سبرينق فيلد ....حدي درج وماافهم حاجه :(

30 مشاهده ..... وصفر كبر وجهي مافيه ردوود


وش دعوهـ ... عاد لو قايل لكم بسكن عندكم وش بتسوون



يلا شكلها بتكوووون السفريه مع نفسي وبقووووووووه

الله يساعدك عزيزي
انا مسافر بعد يوم الخميس إلى نفس المدينة

هلا بك يابوي وتوصل بالسلامه ان شاء الله
الزبده انا شفتك زعلان على سالفت 30 واحد داخل ومحد رد قلت ارد لك خبر
على العموم انا ادرس في ميزوري بس مو في مدينتك المهم كل الامور سهالات ياخوي كل الي تبيه تطلع من المطار تشوفلك اقرب تكسي مع انه بيكلفك بس فرفش بيكون اول يوم لك :P وقله ودني اقرب فندق لاهنت من الجامعه الي تبدرس او الافضل انك تحجز من النت ارخص لك واظمن لك ونام وعين من الله خير واليوم الثاني روح الجامعه ومن الباب على الانترناشونال اوفس قلهم ياجماعت الخير انا ماعندي سكن وحالتي حاله شلون تدلوني على واحد سعودي يظبطني :P الزبد انهم مابيقصرون وبيظبطونك
انت روق منغتك وان شاء الله كل امورك طيبه
واذا تحتاج شئ ولا حاجه قلي ارسلك رقمي ولا ايميلي وابشر بسعدك

انا والله بتزهل بمرك بالمطار وبوريك المدينه والجامعه بس اقل شي قلي متى تاريخ وصولك

وارسلي رساله بالخاص على شان اقدر اتواصل معك

بالتوفيق يا رب

وبطل تشائم ولا ترا ما تعيش

ولا تقول ما افقه لانه تعني انك درج (( وانت بكرامه ))

خخخخخخخ << هذي زوجتي تضحك عليك