استشاره لو سمحتوا ياخوان عن معهد كابلن بشيكاغو الله يجزاكم خير

هل أنت على حسابك الخاص أم مبتعث؟

لأان كابلان معهد فيه دوارت كثيرة معترفة من الملحقية مثل اختبارات الاطباء و الـGRE و GMAT
لكن دورات اللغة الانجليزية غير معترف بها اللي أعرفه، و ربما هناك استثناءات
لو كنت على حسابك الخاص ممكن تروح له عادي، و مستواه جيد و موقعه في الداون تاون قريب من كل شئ و لكن السكن حوله غالي
ان كنت مبتعث لا تدرس إلا في معاهد جامعتي UIC او Depaul بشيكاجو، و من بعدهم يأتي الـ ELS لكن موقعه بعيد عن الداون تاون في ضاحية جميلة و آمنه و هادئة اسمها River Forest ملاصقة لـOak Park و هناك تجد سكن ارخص و تجد عوائل كثيرة لكن لا تأخذهم عن طريق معهد ELS لأنهم نصابين.

ياخي الفاضل : حسان انا اشكرك جزيل الشكر ...

انا مبتعث على برنامج خادم الحرمين الشريفين وانا معي قبول من كابلن وما ادري اقدر اغير اذا وصلت شيكاغو ولا لازم اغير الفيزا مثل في السعوديه السفاره تتطلبك بتغيير الفيزا اذا غيرة المعهد ارجو افادتي بكيفية التغيير ومايترتب عليه وانا تقدر تقول لقيت عائله عن طريق واحد من الشباب ب850دولار وتبعد عن معهد كابلن نصف ساعه مادري هل معهد كابلن سيئ بنسب لي لهذه الدرجه والا لاباس به اذا كان التحويل صعب....اشكرك جزيل الشكر والله يجزاك خير الجزاء ويرحم والديك

حسان الرجو الرد على رايك وراى الاخوان يهمنا ....ز

اخوي لاتشيل هم والمعهد قوووووووووووووووووووووي ورااااااااااااائع بشهاده صديقات اعرفهم

مرررره يمدحونه وفكرت اني انقل فيه بس مارضي المشرف حقي

عموماا المعهد قوووووووووووووي ونصيحه لاتخليه وتدخل فلخبطه مالها اول ولا اخر

انت جرب وشوف بنفسك اذا جيت واذا ماعجبك راس مالها اسبوع بالكثير وقبولك جاهز باي معهد ثاني


والحلووو فيه ان مافيه عرب كثير قليلين جدااا جداااااا وسعوديين مراااااااااااااااااا قليل يعني راح تستفيد

وبالتوفيق

اشكر ياختي يارا جزيل الشكر والله يوفقنا واياكي..............

أخي الفاضل..
أنت طلعت الفيزا صح؟ هذا ما فهمته
إن كانك طلعتها فخلاص توكل على الله و تعال دام انك مسافر بعد اسبوعين، و دام أنك على برنامج البعثة من الأساس، فالملحقية في واشنطن ستزودك بالضمان المالي فور وصولك، و لو احتاج تغيير للمعهد سيطلبون منك التغيير، و تستطيع التأكد من هذه النقطة فقط لترتاح، و لكن عموما من تدخل أمريكا قانونياً بس تدرس في المعهد اللي عليه فيزتك لمدة دورة واحدة تستطيع أن تنتقل لمعهد آخر بسلاسة و أنت في أمريكا و تستخرج آي توني آخر بنفس رقم السيفس (اللي هو رقم إقامتك مثل ما تقول) و يبقى اسم معهد كابلان في فيزة جوازك مايضر لأن رقم السيفس اسفل الاسم و ستكون المعلومات في الكمبيوتر متغيرة من كابلان الى اي معهد او جامعة جديدة تنتقل اليها و انت في امريكا بشكل قانوني. لا تستطيع دخول امريكا قبل شهر من بداية دراستك، و لا تستطيع البقاء فيها اكثر من شهرين بعد انتهاء دورتك بدون اي توني جديد ماعدا حصولك على اي توني لمعهد او جامعة أخرى بما لا يزيد عن خمسة اشهر انتظار داخل امريكا لبداية دراستك.

عند بداية دراستك في كابلان قيمه بنفسك، ثم لو فكرت في التغيير لا تختر غير معهدي DePaul او UIC في شيكاجو لأنهم افضل الموجود.


اتمنى لك التوفيق.. اي استفسار اخر لا تتردد.. و تستطيع تنبيهي برسالة خاصة للموضوع لأني قليل الدخول.

في البداية ادرس في كابلان وبصراحة ماعندي معلومات كثير عن هذا المعهد ...بس في كورية تقول ان السعوديين مررة قليل

وبعد الصيف _ سبتيمبر _ حول الى معهد جامعة ديبول لان المعهد فعلا روعة واقول هذا الكلام عن تجربة - طبعا اذا شفت ان كابلان غير جيد

والله يوفقك ...وحياك في شيكاغوا

انا في المعهد ..
كابلان يعتبر جيد .. و احسن مافيه زي ماقالوا الاخوان والاخوات ان السعوديين في الانجليزي قليل جدا تقريبا 6 او 7 وفي كلاسات مختلفة حسب ما قالي طالب سعودي واجهته في المعهد
السعوديين عموما كثير لان فيه كورسات تحضيرية للاطباء لكن مالك احتكاك فيهم وانت اهم شي في المعهد هو كلاس الانجلش وان الاعداد فيه قليلة بحيث تاخذ فرصة اكبر و كابلان فيه هالميزة لان لسى ما انتبهوا له السعوديين
الطلاب الاجانب فيه كثير و هذي نقطة مهمة للتحدث وتطوير اللغة .. ايضا النشاطات الخارجية فيه كثير لطلاب اللغة وهذي بعد مهمة

المشكلة بس في السكن لان المعهد في الداون تاون فالمنطقة نار لكن انت ما يهمك السكن اصلا الداون تاون كئيب ومايصلح للسكن .. شوفلك عايلة في oak park و اسكن معهم .. 21 دقيقة الى المعهد بالضبط
استخر والخيرة فيما يختاره الله

اقرب محطة في اوك بارك و التي هي اوستن .. تبعد عن كابلان ما لا يقل عن ٣٥ دقيقة تزيد و تنقص حسب الظروف