البديل عن معهد ويسلي مدينة مديسون ... ؟؟؟

فيه معهد جديد MESLS وبنفس المدينه اللي فيها ويسلي ،، الملحقيه قفلت ويسلي وفتحت هذا ،، وهو قريب من ويسلي.

الف شكر اخي كاندي بس هل انت متاكد من كلامك ..؟؟

وكيف اعرف اذا الملحقية اعتمدت معهد mesls؟؟؟ ياليت تفيدني وانا اخوك لأني ودي اجي في نهاية سبتمبر تكفى اخوي

وكيف قوة المعهد ومناهجة التعليمية ..

اكرر شكري لك وتحمل بثارتي بس متقروووووش جدا جدا .. الله يستر

هل أنت على حسابك أم على البعثة..

عموما الجامعات قد تقول لك ادرس في معهد معين ، و لكن قسم منها لا يعده شرطاً لقبولك في حالة احضارك لدرجة اللغة المطلوبة او بشكل عام الاشتراطات في قبولك المشروط من تلك الجامعة. هنا ينبغي فقط التأكد من فترة صلاحية القبول المشروط لحين احضار الدرجة المطلوبة كبعض الجامعات التي تعطيك سنة واحدة، ثم تذهب لتدرس في أي معهد تريد في امريكا و معك قبولك المشروط. و هذا ما أشير عليك فيه إذا كنت على حسابك الخاص.

إن كنت على البعثة فلا مشكلة اذهب على نفس قبولك، و الملحقية تعدل اوضاعك، و ستطلب منك ان تنقل منه لآخر لو لديهم مشكلة. و ازيدك من الشعر بيت، أوامر الانضمام الملكية و غيرهم ممن انضموا عن طريق الوزارة بشكل دوري، كانت تشمل الطلبة في المعاهد غير المعترفة و تطلب منهم الملحقية فور انضمامهم الانتقال إلى معاهد أخرى.

وفقك الله.

لا والله اخي حسان انا طالع على حسابي ..

وش تنصحني اكمل في ويسلي وبعدين اذا انضميت اغير وهل التغيير سهل ..؟؟؟

شاكر لك اخي الكريم ردك ..ومعلوماتك بالتوفيق ...

نصيحة لا تروح لا ويسلي ولا ميسلز .. كلهم فيهم تكدس طلبة سعوديين شي مو طبيعي وفوق هذا هي معاهد تجارية

نصيحة اذا بتتعلم صح روح لمعهد تابع جامعة مو شرط في ماديسون او ويسكنسن

ضروري تشوف لك معهد ينفعك عشان لا تندم

اعرف كثير مااستفادوا كثير والسبب كثره الطلبة لدرجة صار معهد ويسلي يرسل لطلابه ايميلات بالعربي ويحطون تنبيهات بالعربي .. شوي شوي صاروا الاساتذة يتكلمون عربي

معهد ميسلز اعطوا طلابهم اجازة شهر (رمضان) وغيروا مواعيد الدراسة خلوها في سبتمبر .. وش هالمعهد اللي يخلي الطلبة يمشونهم على كيفهم .. طبعا معهد تجاري هدفه الربح المادي

بالذات معهد ميسلز كثير من الطلبة حولوا منه الى معاهد ثانية لأنهم ماتطوروا ابد والمعهد بصراحة مستواه تعبان

معهد ويسلي كان معهد قوي بس مستواه نزل كثير وصارت قوه المعهد على حسب الاساتذة .. وطبعا كثير من الاساتذة الجيدين تركوا المعهد صاروا يجيبون اساتذة جدد مايدرون وين الله حاطهم

نقلت لك معاناه الطلبة في معاهد ماديسون واذا تبي تتأكد اكثر اسأل كثير من الطلبة في هاذي المعهدين وبيقولون لك نفس الكلام

عشان ماتضيع وقتك في معهد تجاري لازم تشوف لك معهد تابع لجامعة أو كلية يكون تدريسهم قوي وتستفيد أكثر

الله يختار لك الخير

السلام عليكم
هل من الممكن احصل على قبول مشروط من جامعة University of Wisconsin في ماديسون؟
وحبيت استفسر عن المعهد التابع للجامعه هل هو قوي وممكن استفيد منه؟

مرحبا محمد
أحب أقولك أولاً الجامعات تقبل درجة اختبار الأيلتس والتوفل حتى لو اشترطت عليك تدرس بأي معهد، ثم أنه في قبولك كاتبين ياتجيب من ويسلي ولا تجيب درجة التوفل
ثانياً: ويسلي والسعوديين
صحيح ويسلي صار مليان سعوديين بشكل رهيب جداً وهذا جعل المعهد يضطر يجيب مدرسين من هب ودب، وبما أن مستوى السعوديين منخفض ومستوى المدرسيين منخفض هذا ساهم بانخفاض مستوى التعليم بويسلي حتى أصبح المدرسيين الجيدين يتأثرون ويراعون الطلاب الضعفيين ويمشونهم، لكن لدي حل آخر ومناسب، ويسلي لايزال فيه عرق ينبض بشرط إذا اتبعت ما قلت لك ( من وجهة نظري طبعاً)
- أختر المدرسيين المميزين، بمعنى أنهم لما يفتحون فترة أختيار المدرسيين تجي أول طالب وتحجز لك المواد والمدرسين المناسبين
- حاول أنك ماتختلط بالسعوديين خلك من المعهد إلى البيت، ولو يحصل تسكن عند عائلة أمريكية يكون أفضل بكثير
- شد حيلك واهتم بدراستك واحفظ كلمات
إذا اتبعت تلك النصائح صدقني راح تمشي بوسيلي سواء فيه سعوديين ولا مافيه
عموما حبيبي اتمنى لك التوفيق، وإذا حبيت أساعدك باختيار المدرسيين فأنا مستعد، خصوصاً أني جربت أفضل المدرسيين بويسلي وسبق أني وصيت بعض الطلاب ياخذون عندهم وفعلاً وجدوا استفاده

يالله بعد أذنك بطلع أدرس عندي امتحان بكرأ حق ريدنق ورايتق 700 وما ادراك ماريدينق ورايتق 700 لووووووول

أيوه تقدري تحصلي على قبول من هذه الجامعة بشرط يكون معدلك مرتفع
أيضاً المعهد التابع للجامعة قوي جداً ومفيد ولا فيه سعوديين إلا يمكن اثنين أو ثلاث، بس تراهم يشرطون عليك تجيبي التوفل، بمعنى أنه مايمكن تخلصي معهدهم وبعدين تدخلي على طول للجامعة لازم توفل أو أيلتس، بس نصيحتي إذا جاك قبول أدخلي معهدهم والتوفل والأيلتس يحلها ألف حلال
إذا حصلتي قبول في هالجامعة فأنت محضوضة جداً لأنه من الجامعات العريقة بامريكا
اتمنى لك التوفيق